ភ្លើងឆេះវាលស្មៅ២កន្លែងនៅក្រុងព្រះសីហនុ ឡានទឹកច្រើនគ្រឿងចេញពន្លត់
- ព្រះសីហនុ
នៅក្នុងសង្កាត់លេខ១ ក្រុងព្រះសីហនុ មានករណីភ្លើងឆេះវាលស្មៅ និងព្រៃ២កន្លែង ដែលមួយកន្លែងនៅជិតរោងចក្រ
នៅក្នុងសង្កាត់លេខ១ ក្រុងព្រះសីហនុ មានករណីភ្លើងឆេះវាលស្មៅ និងព្រៃ២កន្លែង ដែលមួយកន្លែងនៅជិតរោងចក្រ
ខេត្តព្រះសីហនុ ៖ ចាប់ពីវេលាម៉ោង៤និង៣៥នាទីល្ងាចរហូតដលម៉ោងប្រមាណ៧យប់ថ្ងៃទី២៥ ខែធ្នូ ឆ្នាំ២០២២ នៅក្នុងសង្កាត់លេខ១ ក្រុងព្រះសីហនុ មានករណីភ្លើងឆេះវាលស្មៅ និងព្រៃ២កន្លែង ដែលមួយកន្លែងនៅជិតរោងចក្រញូវស្តារ ស្ថិតក្នុងភូមិ១ សង្កាត់លេខ១ និងមួយកន្លែងទៀត នៅជិតចំណោតលោកយាយម៉ៅ ស្ថិតក្នុងភូមិ៣ សង្កាត់លេខ១ ។
យោងតាមរបាយការណ៍របស់នគរបាលការិយាល័យពន្លត់អគ្គិភ័យខេត្ត បានប្រាប់បណ្ដាញព័ត៌មានថា ក្នុងការអន្តរាគមន៍ពន្លត់ភ្លើងឆេះវាលស្មៅនិងព្រៃទាំង២កន្លែងនេះ គឺសហការរួមគ្នារវាង៣អង្គភាពរួមមាន ក្រុមពន្លត់អគ្គិភ័យស្នងការដ្ឋាននគរបាលខេត្ត ក្រុមពន្លត់អគ្គិភ័យកងរាជអាវុធហត្ថខេត្ត និងក្រុមពន្លត់អគ្គិភ័យ«ង៧០»ខេត្តព្រះសីហនុ ។
ទោះជាយ៉ាងណា នៅក្នុងហេតុការណ៍ភ្លើងឆេះវាលស្មៅនិងផ្ទះនេះ មិនបណ្ដាលឲ្យប៉ះពាល់ដល់ផ្ទះសម្បែង និងអ្នករស់នៅជិតនោះឡើយ និង ត្រូវបានក្រុមពន្លត់អគ្គិភ័យបាញ់ទឹកពន្លត់និងគ្រប់គ្រងបានទាំងស្រុង ។ ខណៈអាកាសធាតុក្តៅហួតហែងនេះ អាជ្ញាធរក៏បានអំពាវនាវឲ្យប្រជាពលរដ្ឋប្រុងប្រយ័ត្នពីគ្រោះអគ្គិភយ័នៅរដូវធ្លាក់ខ្យល់ និងរាំងស្ងួតនេះ ពិសេសគឺហាមឃាត់ការដុតស្មៅ និងព្រៃ ដែលអាចរាលដាលដល់លំនៅឋានជាយថាហេតុ ៕
ចែករំលែកព័តមាននេះ