អនិច្ចា! ក្មេងស្រី២នាក់ចុះរាវខ្ចៅក្នុងត្រពាំងទឹកជួបគ្រោះអកុសល
- តាកែវ
ក្មេងស្រី២នាក់បានលង់ទឹកស្លា.ប់យ៉ាងអាណោចអាធ័ម នៅពេលចុះរាវខ្ចៅក្នុងត្រពាំងទឹកដើម្បីយកមកស្ងោរហូប ស្រាប់តែ
ខេត្តតាកែវ ៖ ក្មេងស្រី២នាក់បានលង់ទឹកស្លា.ប់យ៉ាងអាណោចអាធ័ម នៅពេលចុះរាវខ្ចៅក្នុងត្រពាំងទឹកដើម្បីយកមកស្ងោរហូប ស្រាប់តែរអិលជើងទៅក្នុងទឹកជ្រៅ កាលពីសៀលថ្ងៃទី២៥ ខែធ្នូ ឆ្នាំ២០២២កន្លងទៅ វេលាម៉ោងប្រមាណ២និង២០នាទីរសៀល នៅភូមិអំពិល ឃុំពន្លៃ ស្រុកអង្គរបូរី ។
លោកនាយប៉ុស្តិ៍នគរបាលរដ្ឋបាលឃុំពន្លៃបានឱ្យដឹងថា ក្មេងស្រីទាំង២នាក់លង់ទឹកស្លាប់នៅត្រពាំងទឹកខាងកើតផ្ទះរបស់ឈ្មោះ ណូវ ប៉ុន ដែលម្នាក់ឈ្មោះ សែប ស្រីអាំ អាយុ១១ឆ្នាំ និងម្នាក់ទៀតឈ្មោះ សុង ផាន់ណា អាយុ១២ឆ្នាំ មានទីលំនៅក្នុងភូមិ ឃុំ ខាងលើជាមួយគ្នា ។
ក្រោយពីទទួលបានព័ត៌មាននេះភ្លាម កម្លាំងនគរបាលស្រុក បានសហការជាមួយអាជ្ញាធរភូមិ ឃុំ និងមន្ត្រីសុខាភិបាល ទៅពិនិត្យស.ពក្មេងស្រីទាំង២នាក់ និងបង្ហាញថា ពិតស្លា.ប់ដោយសារលង់ទឹកពិតប្រាកដមែន រួចក៏ប្រគល់ស.ពក្មេងរងគ្រោះឲ្យទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ