គ្រួសារឥណ្ឌូនេស៊ីចំនួន៧គ្រួសារដែលមានសមាជិកស្លា.ប់ ឬរងរបួសនៅក្នុងហេតុការណ៍រត់ជាន់គ្នានៅកីឡដ្ឋានកាលពីខែតុលា បានប្តឹងភាគីជាច្រើនដែលពួកគាត់ចាត់ទុកថា ជាអ្នកទទួលខុសត្រូវ ។ ហេតុការណ៍រត់ជាន់គ្នានៅកីឡដ្ឋាន Kanjuruhan ក្នុងទីក្រុង Malang នៃខេត្ត…
គ្រួសារឥណ្ឌូនេស៊ីចំនួន៧គ្រួសារដែលមានសមាជិកស្លា.ប់ ឬរងរបួសនៅក្នុងហេតុការណ៍រត់ជាន់គ្នានៅកីឡដ្ឋានកាលពីខែតុលា បានប្តឹងភាគីជាច្រើនដែលពួកគាត់ចាត់ទុកថា ជាអ្នកទទួលខុសត្រូវ ។ ហេតុការណ៍រត់ជាន់គ្នានៅកីឡដ្ឋាន Kanjuruhan ក្នុងទីក្រុង Malang នៃខេត្ត East Java បានបណ្តាលឱ្យមនុស្ស១៣៥នាក់ស្លា.ប់ ក្នុងនោះ មានកុមារចំនួន៤០នាក់ ។
យោងតាមការស៊ើបអង្កេតបឋមហេតុការណ៍ដ៏រន្ធ.ត់នោះកើតឡើង ដោយសារការប្រើប្រាស់ឧស្ម័នបង្ហូរទឹកភ្នែកពីសំណាក់ប៉ូលិស ។ បណ្តឹងរដ្ឋវប្បវេណីនេះ បានប្តឹងភាគីចំនួន៨ រួមមានសមាគមន៍បាល់ទាត់ឥណ្ឌូនេស៊ី
ប៉ូលិសជាតិ និងម្ចាស់ក្លឹបបាល់ទាត់ Arema FC ជាដើម។ ប្រធានាធិបតីឥណ្ឌូនេស៊ីលោក Joko Widodo ក៏ជាចុងចោទម្នាក់ផងដែរ។
លោក Imam Hidaya មេធាវីតំណាងឱ្យគ្រួសារជនរងគ្រោះបាននិយាយថា ពួកគេទាមទារឱ្យមានការទទួលខុសត្រូវ និងសំណង។ «យើងត្រូវតែពិចារណាពីជីវភាពរបស់គ្រួសារនៃអ្នកដែលបានស្លា.ប់ ឬរងរបួសធ្ងន់។ ពួកគេត្រូវការសំណង់ ទោះបីជាជីវិតមិនអាចប្តូរជាមួយលុយបានក៏ដោយ» ។
លោកថ្លែងប្រាប់ទីភ្នាក់ងារសារព័ត៌មាន AFP ដូច្នេះថា គ្រួសារជនរងគ្រោះត្រូវការសំណងខូចខាតប្រហែល ៦២ពាន់លានរូបី (៣,៩លានដុល្លារ)។ សូមបញ្ជាក់ថា ហេតុការណ៍រត់ជាន់គ្នាដ៏អាក្រក់បំផុតក្នុងប្រវត្តិសាស្ត្រឥណ្ឌូនេស៊ីនោះ បានកើតឡើង បន្ទាប់ពីប៉ូលីសបានបា.ញ់ឧស្ម័នបង្ហូរទឹកភ្នែកចូលកន្លែងប្រមូលផ្តុំគ្នា នៅពេលអ្នកគាំទ្របាល់ទាត់បានលុកលុយចូលទីលាន នៅចុងបញ្ចប់នៃការប្រកួតក្នុងលីគរវាងក្រុមហ៊ុន Arema FC និង Persebaya Surabaya៕ (យោងតាមប្រភព៖ AFP)។
ចែករំលែកព័តមាននេះ