យើងទាំងអស់គ្នាតែងតែធ្លាប់ជួបប្រទះបញ្ហាកើតមុននៅលើមុន។ ជាការណ៍ពិតណាស់ បញ្ហាមុននេះគឺគ្មាននរណាចូលចិត្តវានោះទេ ប៉ុន្តែទីតាំងជាក់លាក់នៃការកើតមុនកំពុងប្រាប់អ្នកអំពីបញ្ហាសុខភាព ។ ខាងក្រោមនេះគឺជាអ្វីដែលអ្នកត្រូវដឹង ប្រសិនបើអ្នកកើតមុននៅចំចំណុចទាំងប្រាំខាងក្រោមនេះ ។
១-មុនចង្កាបង្ហាញពីអតុល្យភាពនៃអ៊័រម៉ូន
មុនចង្កាបង្កឡើងដោយអតុល្យភាពអ៊័រម៉ូន។ វាជារឿងធម្មតាក្នុងការកើតមុនចង្កាមួយ ឬពីរសប្តាហ៍មុនពេលការមករដូវ ។ វាកើតឡើងដោយសារការប្រែប្រួលនៃកម្រិតអ៊័រម៉ូនអឺស្ត្រូសែន! វិធីល្អបំផុតដើម្បីពិនិត្យមើលកម្រិតអ៊័រម៉ូនរបស់អ្នកគឺការធ្វើតេស្តឈាម ។ ដូច្នេះប្រសិនបើអ្នកមានមុនចង្កា សូមទៅពិគ្រោះយោបល់ជាមួយគ្រូពេទ្យ ។
២-មុនត្រង់ថ្គាមបង្ហាញពីបញ្ហានៃការរំលាយអាហារ
នៅពេលដែលប្រព័ន្ធរំលាយអាហាររបស់អ្នកមានបញ្ហា វានឹងបង្ហាញឲ្យឃើញនៅត្រង់តំបន់ថ្គាម ។ វាមានន័យថាក្រពះ ឬពោះវៀនរបស់អ្នកត្រូវការការយកចិត្តទុកដាក់បន្ថែមទៀត។ ដើម្បីធ្វើឲ្យប្រព័ន្ធរំលាយអាហារមានសុខភាពល្អ សូមបរិភោគជាតិកាកសរសៃពីផ្លែឈើ បន្លែ និងគ្រាប់ធញ្ញជាតិឲ្យបានច្រើន។
៣-មុនចន្លោះរោមចិញ្ចើម និងច្រមុះបង្ហាញពីបញ្ហាថ្លើម
តំបន់ទាំងនេះមានការទាក់ទងទៅនឹងថ្លើម។ ការមានមុនក្រហមនៅលើច្រមុះគឺជាសញ្ញាខូចខាតថ្លើមដោយសារការសេពគ្រឿងស្រវឹង។ ដូច្នេះប្រសិនបើអ្នកតែងតែមានមុននៅទីនេះ ថ្លើមរបស់អ្នកអាចកំពុងមានបញ្ហា ។ ដូច្នេះសូមពិចារណាអំពីទន្លាប់នៃការទទួលទានគ្រឿងស្រវឹងរបស់អ្នកម្តងទៀត ។ ប្រសិនបើអ្នកគិតថាការសេពគ្រឿងស្រវឹងមិនមែនជាមូលហេតុសម្រាប់អ្នក នោះអ្នកគួរតែទៅពិនិត្យមុខងារថ្លើមរបស់អ្នក ។
៤-មុនលើថ្ងាសអាចបង្ហាញពីបញ្ហាតម្រងនោម
ប្រសិនបើអ្នកមានបញ្ហាមុនលើថ្ងាស បង្ហាញតម្រងនោមរបស់អ្នកអាចកំពុងមានបញ្ហា។ ការខ្សោះជាតិទឹកគឺជាមូលហេតុទូទៅមួយ ដូច្នេះត្រូវប្រាកដថាអ្នកទទួលទានទឹកបានគ្រប់គ្រាន់។ សូមទទួលទានទឹកធម្មតាឲ្យបានច្រើនជំនួសឱ្យភេសជ្ជៈដែលមានជាតិស្ករ។
៥-មុនលើថ្ពាល់បង្ហាញពីបញ្ហាសួត
ថ្ពាល់របស់អ្នកមានទាក់ទងទៅនឹងសួត វានឹងឡើងក្រហមបន្ទាប់ពីអ្នកធ្វើលំហាត់ប្រាណ។ ការជក់បារី និងការបំពុលបរិយាកាសអាចបង្កឱ្យមានការកើតមុននៅលើថ្ពាល់។ ទោះជាយ៉ាងណាក្តី មូលហេតុដទៃទៀតអាចដោយសារទូរស័ព្ទ និងស្រោមខ្នើយកខ្វក់ ។ ដូច្នេះអ្នកគួរធ្វើការសម្អាតវត្ថុទាំងពីរនេះឲ្យបានញឹកញាប់ ៕
ចែករំលែកព័តមាននេះ