កូនសត្វខ្លា៨ប្រភេទ កំពុងបង្ហាញវត្តមាននៅក្នុងប្រទេសកម្ពុជា
- ភ្នំពេញ
រាជធានីភ្នំពេញ ៖ ក្រសួងបរិស្ថានបានបញ្ជាក់ថាឲ្យដឹងថា កូនសត្វខ្លាចំនួន៨ប្រភេទបានកំពុង
រាជធានីភ្នំពេញ ៖ ក្រសួងបរិស្ថានបានបញ្ជាក់ថាឲ្យដឹងថា កូនសត្វខ្លាចំនួន៨ប្រភេទបានកំពុងបង្ហាញវត្តមាននៅក្នុងប្រទេសកម្ពុជា ដែលសត្វខ្លាទាំងនេះក៏បានកំពុងរងនូវការគំរា.មកំហែងពីការបរបា.ញ់ដោយខុសច្បាប់។
យោងតាមបណ្តាញសង្គមរបស់ក្រសួងបរិស្ថាននៅថ្ងៃទី១៧ធ្នូឆ្នាំ២០២២បានលើកឡើងថា សត្វត្រកូលខ្លាទាំង៨ប្រភេទ ដែលកំពុងមានវត្តមាន និងធ្លាប់មានវត្តមាននៅក្នុងប្រទេសកម្ពុជាមាន៖
១-ខ្លាធំ ឬខ្លាដំបង Tiger (Panthera tigris) ជាប្រភេទកំពុងទទួលរងគ្រោះជិតផុតពូជ (Endangered)។
២- ខ្លារខិន Leopard (Panthera pardus) ជាប្រភេទកំពុងទទួលរងគ្រោះជិតផុតពូជ (Endangered)។
៣-ខ្លាពពក Clouded leopard (Neofelis nebulosi) ជាប្រភេទងាយរងគ្រោះថ្នាក់ (Vulnerable)។
៤-ខ្លាត្រី Fishing cat (Prionailurus viverrinus) ជាប្រភេទងាយរងគ្រោះថ្នាក់ (Vulnerable)។
៥-ខ្លាលឿងមាស Asiatic golden cat (Catopuma temminckii) ជាប្រភេទជិតទទួលរងគ្រោះថ្នាក់ (Near threatened)។
៦-ខ្លាភ្ញីថ្មកែវ Marbled cat (Pardofelis marmorata) ជាប្រភេទជិតទទួលរងគ្រោះថ្នាក់ (Near threatened)។
៧-ឆ្មាព្រៃ Jungle cat (Felis chaus) ជាប្រភេទរងគ្រោះថ្នាក់តិចតួច (Least concern)។
៨-ឆ្មាដាវ Leopard cat (Prionailurus bengalensis) ជាប្រភេទរងគ្រោះថ្នាក់តិចតួច (Least concern)។
ក្រសួងក៏បានឲ្យដឹងថាសត្វព្រៃដែលរួមទាំងប្រភេទសត្វត្រកូលខ្លា កំពុងទទួលរងការគំរា.មកំហែងខ្លាំងពីការបរបា.ញ់ខុសច្បាប់ ការដាក់អន្ទា.ក់ ការថយចុះសត្វដែលជាចំណី និងការបាត់បង់ទីជម្រក។
ក្រសួងបានរំឭកឱ្យដឹងផងដែរថា សត្វខ្លាធំ ឬខ្លាដំបង បានបាត់វត្តមានពីក្នុងព្រៃ ធម្មជាតិនៃប្រទេសកម្ពុជានៅឆ្នាំ២០០៧។ ជាកិច្ចខិតខំប្រឹងប្រែងក្នុងការការពារ និងអភិរក្ស សត្វខ្លាធំ និងសត្វដែលជាចំណីរបស់ខ្លាធំ តាមរយៈការនាំសត្វខ្លាធំមកក្នុងព្រៃធម្មជាតិ នៅក្នុងតំបន់ការពារធម្មជាតិប្រទេសកម្ពុជាឡើងវិញ កាលពីខែវិច្ឆិកា ឆ្នាំ២០២២ កន្លងទៅថ្មីៗនេះប្រទេសកម្ពុជា និងឥណ្ឌា បានចុះអនុស្សរណៈនៃការយោគយល់គ្នាស្តីពី កិច្ចសហប្រតិបត្តិការក្នុងការអភិរក្សជីវៈចម្រុះ ការគ្រប់គ្រងសត្វព្រៃដោយនិរន្តរភាព និងយុទ្ធសាស្ត្រស្តារសត្វខ្លាធំ និងទីជម្រករបស់វានៅប្រទេសកម្ពុជា៕
ចែករំលែកព័តមាននេះ