ខេត្តកំពង់ចាម ៖ បុរសមិនស្គាល់អត្តសញ្ញាណរាងធាត់ អាយុជាង៥០ឆ្នាំអាចចាត់ទុកជាជនសង្ស័យបានជិះម៉ូតូម៉ាកC 125 មួយគ្រឿងមកឈប់ និងចិញ្ចើមថ្នល់ជាប់ផ្ទះអតីតមេភូមិទី៦ ស្ថិតនៅសង្កាត់វាលវង់ ក្រុងកំពង់ចាមភ្លាមៗនោះ ម្ចាស់ផ្ទះបានស្រែកឆោឡោធ្វើឲ្យបុរសមិនស្គាល់អត្តសញ្ញានោះបានប្រញាប់ប្រញាល់រត់សំដៅមកម៉ូតូ…
ខេត្តកំពង់ចាម ៖ បុរសមិនស្គាល់អត្តសញ្ញាណរាងធាត់ អាយុជាង៥០ឆ្នាំអាចចាត់ទុកជាជនសង្ស័យបានជិះម៉ូតូម៉ាកC 125 មួយគ្រឿងមកឈប់ និងចិញ្ចើមថ្នល់ជាប់ផ្ទះអតីតមេភូមិទី៦ ស្ថិតនៅសង្កាត់វាលវង់ ក្រុងកំពង់ចាមភ្លាមៗនោះ ម្ចាស់ផ្ទះបានស្រែកឆោឡោធ្វើឲ្យបុរសមិនស្គាល់អត្តសញ្ញានោះបានប្រញាប់ប្រញាល់រត់សំដៅមកម៉ូតូ រួចជិះគេចទៅទិសខាងកើត ហេតុការណ៍នេះបានកើតឡើងនៅវេលាម៉ោងជិត១០យប់ ថ្ងៃទី១៦ ធ្នូ ឆ្នាំ២០២២ គេមិនដឹងថា ជននោះជាព្រាននារី ឬមុខសញ្ញាចោរប្ល.ន់ ឬយ៉ាងណានោះទេ។
យោងតាមសាក្សីដែលឃើញហេតុការណ៍នេះបានឲ្យដឹងថា ដំបូងបុរសមិនស្គាល់អត្តសញ្ញាណរូបនោះ ជិះម៉ូតូម៉ាកC 125 មួយគ្រឿងពាក់មួកសុវត្ថិភាព និងពាក់ម៉ាស់ដោយមើលមុខមិនស្គាល់ថា ជានរណានោះទេគឺបានជិះតាមបណ្ដោយផ្លូវថ្នល់ក្នុងទិសដៅពីលិចមកកើត រួចបន្តិចក្រោយមកក៏ជិះត្រឡប់មកវិញឈប់ជិតមុខផ្ទះអតីតមេភូមិទី៦។
សាក្សីបានបន្តឲ្យដឹងទៀតថា បុរសនោះនៅពេលដែលឈប់ម៉ូតូធ្វើឲ្យមានការសង្ស័យហើយ។ប្រជាពលរដ្ឋនៅក្បែរនោះបាននាំគ្នាតាមដានមើលពីសកម្មភាព។ឃើញធ្វើជាចុចទូរស័ព្ទចុះឡើងមួយសន្ធុះក្រោយមកពីអ្នកលក់បាយសម្លនាំគ្នាត្រឡប់ទៅផ្ទះអស់។
បុរសនោះបានដើរតម្រង់ទៅក្រោមដើមឈើមួយដើមជាប់របងស្តាតបាល់ទាត់ធ្វើជារបៀបបត់ជើងតូច ពេលនោះដើរមកវិញក៏តម្រង់ចូលទៅផ្ទះជាប់នឹងអតីតផ្ទះមេភូមិទី៦ ដោយរាងស្ងាត់ផងម្ចាស់ផ្ទះបានស្រែកឆោឡោធ្វើឲ្យបុរសនោះប្រញាប់រត់ឡើងជិះម៉ូតូចេញទៅទិសខាងកើត។
ប្រជាពលរដ្ឋនៅក្បែរខាងបម្រុងចេញទៅជួយអន្តរាគមន៍ចាប់បុរសម្នាក់នោះតែខ្លាចក្រែងជននោះមានអាវុ.ធជាប់នឹងខ្លួនអាចបង្កគ្រោះថ្នាក់ដល់អ្នកដែលទៅជួយ។រហូតមកដល់ព្រឹកថ្ងៃទី១៧ ធ្នូ លោកវរៈសេនីយ៍ឯកអ៊ឹង ប៊ុនអធិការនគរបាលក្រុងកំពង់ចាមបានចាត់ឱ្យកម្លាំងជំនាញព្រហ្មទណ្ឌសហការជាមួយក្រុមបច្ចេកទេសចុះមកដល់ទីតាំងកើតហេតុដោយបានសួរនាំប្រជាពលរដ្ឋ ដើម្បីកំណត់អត្តសញ្ញាណជនសង្ស័យម្នាក់នោះ។
តាមរយៈរូបថតប៉ុន្មានសន្លឹកសមត្ថកិច្ចមើលទៅមិនស្គាល់ជនម្នាក់នោះនៅទីណានោះទេ។ជាមួយនោះ សមត្ថកិច្ច សូមអំពាវនាវដល់បងប្អូនប្រជាពលរដ្ឋដែលស្គាល់អត្តសញ្ញាណជនសង្ស័យនៅកន្លែងណាមួយ សូមរាយការណ៍មកសមត្ថកិច្ចនៅកៀកបំផុត និងមានជូនជាសាគុណហើយរក្សាការសម្ងាត់ទៀតផង៕
ចែករំលែកព័តមាននេះ