ចង់ដឹងថា Ronaldo នឹងពាក់ស្បែកជើងអ្វីទៅលេង Confederations Cup ឬអត់?
តាមប្រភពព័ត៌មាន Goal បានឲ្យដឹងថា កីឡាករល្បីលំដាប់ពិភពលោក និងជាខ្សែប្រយុទ្ធមុតស្រួចដ៏គ្រោះថ្នាក់សម្រាប់អ្នកចាំទី Cristiano Ronaldo
តាមប្រភពព័ត៌មាន Goal បានឲ្យដឹងថា កីឡាករល្បីលំដាប់ពិភពលោក និងជាខ្សែប្រយុទ្ធមុតស្រួចដ៏គ្រោះថ្នាក់សម្រាប់អ្នកចាំទី Cristiano Ronaldo នឹងពាក់ស្បែកជើងម៉ូដថ្មីមួយគូដែលក្រុមហ៊ុន Nike ចេញម៉ូដសម្រាប់ឲ្យលោកពាក់ក្នុងការប្រកួត Confederations Cup នាពេលខាងមុខ នៅប្រទេសរុស្ស៊ី ។
ក្រៅពីសម្រាប់ឲ្យ Ronaldo ពាក់នៅក្នុងការប្រកួតខាងមុខ ក្រុមហ៊ុន Nike ក៏បានរចនាឡើងសម្រាប់អបអរដល់ក្រុមជម្រើសជាតិព័រទុយហ្គាល់ផងដែរដែលបានទទួលជ័យជំនះលើការប្រកួតដណ្តើមពាន Euro ២០១៦ ។ ជាមួយនឹងពណ៌ក្រហមលាយបៃតងធ្វើឲ្យស្បែកជើងនោះមើលទៅស្អាតប្លែក ។ ជាពិសេសវាមានលាយពណ៌មាសលេចចេញជាឈ្មោះរបស់ Ronaldo (CR7) ដែលជាពណ៌នាំមកនូវជោគជ័យ ។
គួរបញ្ជាក់ផងដែរថា ការប្រកួត FIFA Confederations Cup នៅពេលខាងមុខនេះគឺជាការប្រកួតដណ្តើមពានប្រចាំឆ្នាំដែលប្រមូលផ្តុំទៅដោយជើងឯកប្រចាំទ្វីបនីមួយៗលើសកលលោក ។ ក្នុងនោះរួមមាន កាមេរូន ព័រទុយហ្គាល់ នូវែលហ្សេឡង់ ម៉ិកស៊ីកូ ឈីលី និងអូស្ត្រាលី ។ ក្រៅពីនេះក៏មានការចូលរួមពីសំណាក់អតីតជើងឯក World Cup ប្រទេសអាល្លឺម៉ង់ និងក្រុមម្ចាស់ផ្ទះ World Cup ២០១៨ ប្រទេសរុស្ស៊ីផងដែរ ៕
ចែករំលែកព័តមាននេះ