ខេត្កណ្តាល៖ កម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋានគរបាលខេត្តកណ្តាល ដឹកនាំដោយលោកឧត្តមសេនីយ៌ត្រី ឡាក់ ម៉េងធី ស្នងការរងទទួលផែនព្រហ្មទណ្ឌ សហការជាមួយកម្លាំងនគរបាលស្រុកកោះធំ ក្រោមការបញ្ជាយ៉ាងម៉ឺងម៉ាត់ពីសំណាក់ឧត្តមសេនីយ៌ទោ ឈឿន សុចិត្ត…
ខេត្កណ្តាល៖ កម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋានគរបាលខេត្តកណ្តាល ដឹកនាំដោយលោកឧត្តមសេនីយ៌ត្រី ឡាក់ ម៉េងធី ស្នងការរងទទួលផែនព្រហ្មទណ្ឌ សហការជាមួយកម្លាំងនគរបាលស្រុកកោះធំ ក្រោមការបញ្ជាយ៉ាងម៉ឺងម៉ាត់ពីសំណាក់ឧត្តមសេនីយ៌ទោ ឈឿន សុចិត្ត ស្នងការនគរបាលខេត្តកណ្តាល បានប្រតិបត្តការបង្ក្រាបឃាត់ខ្លួនក្រុមJTK, CT, 68 ប្រចាំស្រុកកោះធំ ដើរវា.យកា.ប់គ្នា និងបង្ហោះម៉ូតូបានម្នាក់ហើយ ចំណែកបក្សពួកសមត្ថកិច្ចកំពុងតាមស្វែងរកចាប់ខ្លួន ។
ហេតុការណ៍បានកើតឡើង នៅថ្ងៃទី០៤ ខែធ្នូ ឆ្នាំ២០២២ វេលាម៉ោង ០២និង១០នាទី រំលងអធ្រាត្រ នៅចំណុចលើផ្លូវជាតិលេខ២១ចាស់ មុខកាស៊ីណូក្រោនរីសត ស្ថិតក្នុងភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល និងឃាត់ខ្លួនបាននៅថ្ងៃទី១៣ ខែធ្នូ ឆ្នាំ២០២២ នៅស្រុកកោះធំ ខេត្តកណ្តាល ។
ជនរងគ្រោះចំនួន០៤នាក់ ទី១-ឈ្មោះ DAVID ISKANDAR ភេទប្រុស អាយុ២៣ឆ្នាំ ជនជាតិឥណ្ឌូនេស៊ី មុខរបរ បុគ្គលិកកាស៊ីណូក្រោនរីសត កាន់លិខិតឆ្លងដែនលេខ C8386860 ទី២-ឈ្មោះ TONNY ភេទប្រុស អាយុ២០ឆ្នាំ ជនជាតិឥណ្ឌូនេស៊ី មុខរបរ បុគ្គលិកកាស៊ីណូក្រោនរីសត កាន់លិខិតឆ្លងដែនលេខ C9443279 ទី៣-ឈ្មោះ RERRY ភេទប្រុស អាយុ២២ឆ្នាំ ជនជាតិឥណ្ឌូនេស៊ី មុខរបរបុគ្គលិកកាស៊ីណូក្រោនរីសត កាន់លិខិតឆ្លងដែនលេខ C0359122 ទី៤ឈ្មោះ FENDRI ភេទប្រុស អាយុ២២ឆ្នាំ ជនជាតិឥណ្ឌូនេស៊ី មុខរបរ បុគ្គលិកកាស៊ីណូក្រោណរីសត កាន់លិខិតឆ្លងដែនលេខ B9461961។ ជនរងគ្រោះ បច្ចុប្បន្នស្នាក់នៅ ភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល។
ជនសង្ស័យ០៦នាក់ និងបក្សពួកចំនួន០២នាក់ទៀត មិនស្គាល់អត្តសញ្ញាណ ទី១-ឈ្មោះ ប្រុស
ថុងប៉ ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្ស រស់នៅភូមិចុងកោះ ឃុំឈើខ្មៅ ស្រុកកោះធំ ខេត្តកណ្ដាល ឃាត់ខ្លួន ។ លោកឧត្តមសេនីយ៌ត្រី ឡាក់ ម៉េងធី ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តកណ្តាលបានប្រាប់អោយដឹងថា ក្រុមជនសង្ស័យ បានដេញវាយ និងកាប់ទៅលើក្រុមជនរងគ្រោះ នៅចំណុចកើតហេតុ បណ្ដាលរងរបួសជាច្រើនកន្លែង។
ក្រោយពីទទួលបានព័ត៌មានខាងលើរួច កម្លាំងនគរបាលជំនាញយុត្តិធម៌ស្រុកកោះធំ សហការជាមួយបណ្ដាប៉ុស្ដិ៍ពាក់ព័ន្ធ បានចុះទៅកន្លែងកើតហេតុ ដើម្បីប្រមែលប្រមូលព័ត៌មាន ភស្ដុតាងងាយស្រួលកំណត់អត្តសញ្ញាណឃាត់ខ្លួនក្រុមជនសង្ស័យ ដើម្បីចាត់ការតាមនីតិវិធី។
នៅថ្ងៃទី១៣ ខែធ្នូ ឆ្នាំ២០២២ វេលាម៉ោង១៥និង១០នាទី កម្លាំងនគរបាលចម្រុះស្រុកកោះធំ បានឃាត់ខ្លួនជនសង្ស័យឈ្មោះ ប្រុស ថុងប៉ នៅចំណុចម៉ាតជាប់គល់ស្ពានឆ្លងទន្លេ ភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្ដាល។
តាមចម្លើយសារភាពរបស់ជនសង្ស័យឈ្មោះ ប្រុស ថុងប៉ បានឱ្យដឹងថា៖ កន្លងមកពួកគេជាក្រុមក្មេងទំនើង មានឈ្មោះក្រុមដូចជា JTK, CT, 68 មានបក្ខពួកប្រមាណ ៤០នាក់ តែងតែដើរលេងបង្កសកម្មភាពដើរវាយ កា.ប់គ្នា និងបង្ហោះម៉ូតូ ក្នុងស្រុកកោះធំ និងធ្លាប់បានធ្វើសកម្មភាព ដេញវាយ ,កាប់គេ ចំនួន៥លើក ក្នុងតំបន់ជ្រៃធំ ឃុំសំពៅពូន ស្រុកកោះធំ ខេត្តកណ្ដាល។
នៅថ្ងៃខែឆ្នាំ វេលាម៉ោងកើតហេតុ ក្រុមជនសង្ស័យ ពិតជាបានធ្វើសកម្មភាព ដេញកា.ប់ និងវាយក្រុមជនរងគ្រោះ ជាជនជាតិឥណ្ឌូនេស៉ី ទៅចំណុចកើតហេតុ ពិតប្រាកដមែន។ សកម្មភាពពេលនោះរួមមាន៖ -ម៉ូតូទី១ ម៉ូតូក្នុងវត្ថុតាង (របស់ឈ្មោះ ប្រុស ថុងប៉) បើកបរដោយឈ្មោះ ជឺ មាស (វេហា) ដឹកជនសង្ស័យឈ្មោះ ប្រុស ថុងប៉ (កាន់ខ្សែក្រវ៉ាត) -ម៉ូតូទី២ ម៉ាក SUZUKI NEX ពណ៌ស ស៊េរីឆ្នាំ២០២១ មិនចាំផ្លាកលេខ(របស់ឈ្មោះ ហម ម៉េង) បើកបរដោយឈ្មោះ ហម ម៉េង ដឹកឈ្មោះ ផាន់ណា ផានិត (កាន់ខ្សែក្រវ៉ាត) ,និងឈ្មោះ យុទ្ធ រដ្ឋា (កាន់ដបស្រាហនុមាន) ,និងឈ្មោះ វុថ្ថា វឌ្ឍនា (កាន់កាំបិតប៉័ងតោ) រួមជាមួយមិត្តភ័ត្តិចំនួន ០២នាក់ ទៀតមិនចាំឈ្មោះ (មិត្តភ័ក្តិរបស់ យុទ្ធ រដ្ឋា) ជិះម៉ូតូ ម៉ាក Honda C125 ពណ៌ខ្មៅ ស៊េរីឆ្នាំ២០២២ គ្មានផ្លាកលេខ ជារបស់ឈ្មោះ យុទ្ធ
រដ្ឋា បានធ្វើសកម្មភាព កាប់ និងវាយទៅលើក្រុមជនរងគ្រោះរួច ពួកគេនាំគ្នាជិះគេចខ្លួនតែម្ដង។
បច្ចុប្បន្ន ជនសង្ស័យ និងវត្ថុតាង បានបញ្ជូនទៅតុលាការខេត្តកណ្តាល ដើម្បីចាត់ការតាមផ្លូវ
ច្បាប់ ។
ព័ត៌មានលម្អិតនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ