អណ្ដាតភ្លើងឆាបឆេះអគារមួយកន្លែងនៅជិតរង្វង់មូលតោ២ ផ្អើលអស់ពលរដ្ឋ និងអ្នកដំណើរ
- ព្រះសីហនុ
មានករណីអគ្គិភ័យឆេះអគារសណ្ឋាគារ «អី ឆឹង» ស្ថិតនៅជិតរង្វង់មូលតោពីរ ក្នុងសង្កាត់
មានករណីអគ្គិភ័យឆេះអគារសណ្ឋាគារ «អី ឆឹង» ស្ថិតនៅជិតរង្វង់មូលតោពីរ ក្នុងសង្កាត់
ខេត្តព្រះសីហនុ ៖ កាលពីវេលាម៉ោងប្រមាណ៩និង២៥នាទីព្រឹកថ្ងៃទី១៣ ខែធ្នូ ឆ្នាំ២០២២ មានករណីអគ្គិភ័យឆេះអគារសណ្ឋាគារ «អី ឆឹង» ស្ថិតនៅជិតរង្វង់មូលតោពីរ ក្នុងសង្កាត់លេខ៤ ក្រុងព្រះសីហនុ ដែលបង្កឲ្យមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋនិងអ្នកធ្វើដំណើរ ។
បើតាមប្រភពពីសមត្ថកិច្ចបានឱ្យដឹងថា ការឆេះនេះគឺបង្កឡើងដោយជាងផ្សារដែកដែលធ្វើការនៅក្នុងអគារនោះខ្វះការប្រុងប្រយ័ត្ន ធ្វើឲ្យធ្លាក់កម្ទេចភ្លើងដែលកំពុងផ្សារទៅលើពិតាននៅខាងក្រោម ។
ភ្លាមៗ សមត្ថកិច្ចនិងក្រុមពន្លត់អគ្គិភ័យនៃស្នងការដ្ឋាននគរបាលខេត្ត បានទៅធ្វើអន្តរាគមន៍ជួយពន្លត់ ដោយប្រើរយៈពេលជាងកន្លះម៉ោងភ្លើងក៏រលត់ទៅវិញ ដោយប្រើប្រាស់ទឹកអស់១រថយន្ត ។
ជុំវិញករណីខាងលើនេះដែរ សមត្ថកិច្ចបានឲ្យដឹងថា មិនបណ្ដាលឱ្យមានអ្នកណារងគ្រោះថ្នាក់ទេ គឺខូចខាតតែសម្ភារៈបន្តិចបន្តួចដែលនៅក្បែរនោះប៉ុណ្ណោះ ៕
ចែករំលែកព័តមាននេះ