យកឡិចស៊ីស RX-៣៣០បញ្ចាំឲ្យឯកសារក្លែងក្លាយ យក២ម៉ឺនដុល្លាររត់បាត់
ខេត្តកំពង់ធំ ៖ ករណីជនឆបោកមួយក្រុមបាននាំរថយន្តឡិចស៊ីស RX-៣៣០ មួយគ្រឿងយកទៅបញ្ចាំឲ្យទៅបុរសម្នាក់នៅក្នុងខេត្តសៀមរាប
ខេត្តកំពង់ធំ ៖ ករណីជនឆបោកមួយក្រុមបាននាំរថយន្តឡិចស៊ីស RX-៣៣០ មួយគ្រឿងយកទៅបញ្ចាំឲ្យទៅបុរសម្នាក់នៅក្នុងខេត្តសៀមរាប
ខេត្តកំពង់ធំ ៖ ករណីជនឆបោកមួយក្រុមបាននាំរថយន្តឡិចស៊ីស RX-៣៣០ មួយគ្រឿងយកទៅបញ្ចាំឲ្យទៅបុរសម្នាក់នៅក្នុងខេត្តសៀមរាប ក្រោយពីបានត្រូវរ៉ូវតម្លៃគ្នា ហើយម្ចាស់ហាងពុំបានយកចិត្តទុកដាក់និងឯកសារឲ្យបានច្បាស់ជាមុនទេ ក៏បានហុចលុយចំនួន២ម៉ឺនដុល្លារឲ្យទៅបុរសជើងល្អ២នាក់ដែលយករថយន្តមកបញ្ចាំ ខណៈដែលម្ចាស់កំពុងតែពិនិត្យម្តងទៀតទើបដឹងថាជាឯកសារក្លែងក្លាយ រីឯជនសង្ស័យបានវេចលុយហើយរត់ចូលរថយន្តបាឡែនមួយគ្រឿង ពណ៌ទឹកប្រាក់ដែលបក្ខពួករបស់គេឈប់ចាំនៅខាងក្រៅនោះជិះគេចខ្លួនបាត់ស្រមោល។
ពាក់ព័ន្ធករណីប្រភពពីសមត្ថកិច្ចបានប្រាប់ថា ក្រោយពីជនឆបោកបានរត់ចូលឡានម្ចាស់លុយបាននាំគ្នាជិះម៉ូតូដេញតាមក្រុមជនសង្ស័យបានយកលុយ២ម៉ឺនដុល្លាទៅជាមួយផង ដោយមិនបានដឹងថា គោលដៅរបស់ក្រុមជនឆបោកនឹងធ្វើដំណើរឆ្ពោះទៅផ្លូវណានោះទេ ដោយមានកិច្ចសហការជាមួយជាមួយនឹងកម្លាំងសមត្ថកិច្ចខេត្តកំពង់ធំជាប់ព្រំប្រទល់ដើម្បីស្ទាក់ចាប់។ ក្រោយពីទទួលបានព័ត៌មាននេះ លោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ បានបញ្ជាកម្លាំងតាមគោលដៅឃ្លាំមើលរថយន្តមុខសញ្ញា ហើយលោកឧត្តមសេនីយ៍ត្រី អ៊ុក កុសល ស្នងការនគរបាលខេត្តកំពង់ធំបានបញ្ជាកម្លាំងរបស់លោកឃ្លាំមើលរថយន្តមុខសញ្ញា ពេលនោះសមត្ថកិច្ចបានកាក់ឃាត់រថយន្តបាឡែនដែលជាមុខសញ្ញា តែត្រូវក្រុមជនឆបោកដឹងខ្លួនក៏បើករត់ចូលតាមផ្លូវលំ ឯកកម្លាំងសមត្ថកិច្ចដេញប៉ផាប់ចាប់ពភីងទាំងកណ្តាលភ្លៀង ធ្វើឲ្យរថយន្តក្រុមជនសង្ស័យរអិលធ្លាក់ទៅនឹងគ្រលុកកប់ក្បាលទៅមុខលែងរួច ហើយក្រុមជនសង្ស័យក៏បង្ខំចិត្តបើករថយន្តនាំយកលុយ២ម៉ឺនដុល្លារត់ចូលក្នុងព្រៃគេចខ្លួនបាត់។
លោកវរៈសេនីយ៍ទោ ខេន ឈុនគ័រ អធិការស្រុកកំពង់ស្វាយ បានឲ្យដឹងថា ក្រោយពីបានទទួលបានបទបញ្ជាពីស្នងការនគរបាលខេត្តកំពង់ធំ និងលោកព្រះរាជអាជ្ញាខេត្តកំពង់ធំ កាលពីរសៀល ថ្ងៃទី៥ ខែមិថុនា ឆ្នាំ២០១៧ ក្រោយពីថយន្តជនសង្ស័យរអិលធ្លាក់គ្រលុកនៅចំណុចនីពិជ្រ(ក) ឃុំនីពេជ ស្រុកកំពង់ស្វាយ ខេត្តកំពង់ធំ កម្លាំងរបស់លោកជាង២០នាក់នាំគ្នាហ៊ុំព័ទ្ធក្នុងព្រៃរហូតមកដល់ម៉ោង១០យប់ ពុំប្រទះឃើញក្រុមជនសង្ស័យនោះទេ។ នៅក្នុងកិច្ចសហប្រតិបត្តិការបង្ក្រាបបទល្មើសនេះសមត្ថកិច្ចបានឃាត់បានរថយន្តចំនួន ២គ្រឿងផងដែរ ទី១គឺរថយន្តឡិចស៊ីស RX-៣៣០ និងរថយន្តបាឡែនអត់ស្លាកលេខមួយគ្រឿង បានប្រគល់ឲ្យទៅខាងខេត្តសៀមរាបស្ទូចយកទៅភ្លាមៗនៅល្ងាចថ្ងៃទី០៥ ខែមិថុនា ឆ្នាំ២០១៧ ដើម្បីចាត់ការតាមផ្លូវច្បាប់៕
ចែករំលែកព័តមាននេះ