ឈើអុសដើមអាកាស្យាចំនួន២ឡានយីឌុប ដែលត្រូវបានកម្លាំងនគរបាលសេដ្ឋកិច្ចខេត្តឃាត់បាន ខណៈពេលដែលរថយន្តទាំង២គ្រឿងនោះ បានដឹកអុសអាកាស្យានេះមិនបានដឹងច្បាស់លាស់ថា ដឹកចេញមកពីណាច្បាស់លាស់ និងដឹកយកទៅណាអោយបានច្បាស់លាស់នោះទេ
ខេត្តតាកែវ ៖ ឈើអុសដើមអាកាស្យាចំនួន២ឡានយីឌុប ដែលត្រូវបានកម្លាំងនគរបាលសេដ្ឋកិច្ចខេត្តឃាត់បាន ខណៈពេលដែលរថយន្តទាំង២គ្រឿងនោះ បានដឹកអុសអាកាស្យានេះមិនបានដឹងច្បាស់លាស់ថា ដឹកចេញមកពីណាច្បាស់លាស់ និងដឹកយកទៅណាអោយបានច្បាស់លាស់នោះទេ។ ហេតុការណ៍នគរបាលសេដ្ឋកិច្ចចាប់រថយន្ត ដឹកដើមអាកាស្យានេះ បានកើតឡើងនៅថ្ងៃទី១១ ខែធ្នូ ឆ្នាំ២០២២ វេលាម៉ោង២និង៣០នាទីយប់រំលងអធ្រាត្រនៅចំណុចមុនមន្ទីរកិច្ចការនារីខេត្ត ស្ថិតក្នុងសង្កាត់រកា ក្រុងដូនកែវ ខេត្តតាកែវ។
លោកវរសេនីយ៍ត្រី ព្រឿង ណាវី នាយរងការិយាល័យនគរបាលសេដ្ឋកិច្ចខេត្ត បានអោយដឹងថា រថយន្តដឹកអុសទាំង២គ្រឿងនេះ ដែល១គ្រឿងពាក់ស្លាកលេខ ភ្នំពេញ ៣B 8049 និង១គ្រឿងទៀត ពាក់ស្លាកលេខ ភ្នំពេញ 3D 1990 ។
លោកនាយរងការិយាល័យនគរបាលសេដ្ឋកិច្ចខេត្ត បានបន្តទៀតថា ចំពោះការឃាត់នេះ គឺដោយសារតែមានការណែនាំពីលោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលពីលោកព្រះរាជអាជ្ញាអមសាលាដំបូងខេត្តនោះ ទើបកម្លាំងរបស់លោកឃាត់ទុក ដើម្បីសួរនាំរកលិខិតស្នាមអោយបានត្រឹមត្រូវ តែនៅពេលយើងត្រួតពិនិត្យ គឺមិនមានលិខិតស្នាមអ្វីទាំងអស់។
បើនគរបាលសេដ្ឋកិច្ចខេត្ត បានបញ្ជាក់ថា ចំពោះរថយន្តដឹកឈើអាកាស្យាទាំង២គ្រឿងនេះ គឺបានដឹកដោយមានការលាក់លៀម មិនមានគោលដៅច្បាស់លាស់ថា តើដឹកចេញមកពីណាទៅចំណុចណាឡើយ? ហើយច្រើនជើងណាស់មកហើយ គឺពួកឈ្មួញ គ្រាន់តែត្រូវគ្នាជាមួយនឹងរដ្ឋបាលព្រែឈើតែប៉ុណ្ណោះ គឺចប់។
បើតាមសំដីអ្នកបើកបររថយន្តដឹកអុសអាកាស្យា បានអោយដឹងថា រថយន្តទាំង២គ្រឿងនេះបានដឹកមកពីខេត្តកោះកុងស្រែអំបិល។
គួរបញ្ជាក់ថា កោះសន្តិភាពយើងមិនអាចសុំការបំភ្លឺពីមេខណ្ឌរដ្ឋបាលព្រែឈើខេត្ត បានឡើយ នៅព្រឹកថ្ងៃទី១១ ខែធ្នូ ឆ្នាំ២០២២នេះ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព។
ចែករំលែកព័តមាននេះ