លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា សំណុំរឿងជនសង្ស័យជនជាតិវៀតណាមម្នាក់ ពាក់ព័ន្ធករណី
រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា សំណុំរឿងជនសង្ស័យជនជាតិវៀតណាមម្នាក់ ពាក់ព័ន្ធករណីធ្វើទារុ.ណកម្មលើបុរសម្នាក់ និងស្ត្រីម្នាក់ដែលជាជនជាតិវៀតណាមដូចគ្នានោះ ពេលនេះត្រូវបានលោក ចែ សុង ព្រះរាជអាជ្ញារង នៃអយ្យការអមសាលាដំបូង បើកការស៊ើបសួរពីបទ.ហិ.ង្សាដោយចេតនាមានស្ថានទម្ងន់ទោស និងរក្សាទុកដោយខុសច្បាប់នូវសារធាតុញៀ.ន។
ជនសង្ស័យខាងលើនេះមានឈ្មោះ ចាំង ង៉ុកវាំង ភេទប្រុស អាយុ២៥ឆ្នាំ ត្រូវបានកម្លាំងសមត្ថកិច្ចនគរបាលខណ្ឌសែនសុខ ឃាត់ខ្លួន និងបញ្ជូនទៅកាន់សាលាដំបូងរាជធានីភ្នំពេញ កាលពីព្រឹកថ្ងៃទី៦ ខែធ្នូ ឆ្នាំ២០២២ នេះ ។
យោងតាមសារសម្លេងដែលបែកធ្លាយរបស់លោក សាន សុខសីហា អ្នកនាំពាក្យនៃស្នងការដ្ឋានរាជធានីភ្នំពេញ បានឲ្យដឹងថា ទាក់ទងបញ្ហាការប្រើប្រាស់អំពើហិ.ង្សានឹង គឺសមត្ថកិច្ចយើងបានឈានដល់ការឃាត់ខ្លួនជនបង្ក ដោយសារតាមដំណើរដើមរឿង គឺដំបូងជនសង្ស័យបាននាំជនរងគ្រោះចំនួន២នាក់ពីខាងកំពង់សោម មកធ្វើការនៅភ្នំពេញ លុះមកដល់ត្រង់ចំណុចទំនប់កប់ស្រូវ ជនរងគ្រោះទាំង២នាក់នឹងក៏បានរត់ ហើយនៅពេលរត់ទៅ ក៏ត្រូវបានសមត្ថកិច្ចឃាត់ខ្លួន បន្ទាប់មកក៏ធ្វើការសួរនាំទៅ ក៏បែកធ្លាយរឿង ហើយក៏យើងក៏បានឃាត់ជនសង្ស័យនៅពេលនឹងផងដែរ។ ឥឡូវនឹង គឺខាងក្រុមការងារជំនាញ សមត្ថកិច្ចបានធ្វើការសហការគ្នាសាកសួរ ហើយក៏ដូចជារៀបចំកសាងសំណុំរឿង ដើម្បីបញ្ជូនជនសង្ស័យទៅកាន់តុលាការនៅស្អែកព្រឹកថ្ងៃទី៦ ខែធ្នូនេះ ។ ដោយ ទី១- ពាក់ព័ន្ធក្នុងការធ្វើអំពើហិ.ង្សាដោយចេតនា មោងទី២- ទាក់ទងការរក្សាទុក និងប្រើប្រាស់សារធាតុញៀ.ន។
ហើយចំណែកឯជនរងគ្រោះទាំង២នាក់ដែលជាជនជាតិវៀតណាមដែរនោះ គឺសមត្ថកិច្ចខណ្ឌបានប្រគល់ឲ្យខាងការិយាល័យជំនាញអន្តោប្រវេសន៍ ដើម្បីធ្វើការសាកសួរ និងពិនិត្យមើលឯកសារ។ ក្រោយពីការពិនិត្យមក គឺមិនមានឯកសារអីជាផ្លូវការទាំងអស់ អញ្ចឹងយើងកំពុងតែរៀបចំបញ្ជូនទៅខាងអគ្គនាយកដ្ឋានអន្តោប្រវេសន៍ ដើម្បីរៀបចំបណ្តេញនៅពេលឆាប់ៗ ដើម្បីសុំគោលការណ៍ថ្នាក់ដឹកនាំ។ ហើយជនសង្ស័យជាជនជាតិវៀតណាមដែរ គឺស្អែកព្រឹកសមត្ថកិច្ចនឹងបញ្ជូនទៅកាន់សាលាដំបូងរាជធានីភ្នំពេញ ដើម្បីអនុវត្តបន្តតាមនីតិវិធីច្បាប់ ។
បើតាមសមត្ថកិច្ចពិនិត្យមើលរូបភាពក្នុងឃ្លីបវីដេអូមួយដែលគេចែកចាយតៗគ្នាតាមទូរស័ព្ទដៃ អំពីសកម្មភាពរបស់ជនសង្ស័យវា.យធ្វើទារុ.ណកម្មទៅលើជនរងគ្រោះ ពិតជាសាហា.វព្រៃផ្សៃបំផុត។ ដោយជនរងគ្រោះត្រូវបានជនសង្ស័យចងដៃទាំងពីរ រួចវា.យ និងប្រើដំបងឆក់ នៅបន្ទប់ដែលគ្មានអ្នកណាចូលទៅជួយ ហើយក៏មិនទាន់បានដឹងពីរឿងហេតុនៃទំហំក្នុងអំពើហិ.ង្សានោះដែរ ៕
ចែករំលែកព័តមាននេះ