Wayne Rooneyខ្សែប្រយុទ្ធក្លិបបិសាចក្រហម Man Utd នឹងជួយដល់ជនរងគ្រោះក្នុងហេតុការណ៍ផ្ទុះគ្រាប់បែកនៅពហុកីឡដ្ឋាន Manchester Arena តាមរយៈមូលនិធិ Wayne Rooney Foundation ចំនួន១០០.០០០ផោន ។ សេចក្តីថ្លែការណ៍លើផេកមូលនិធិខាងលើឱ្យដឹងថា៖«វាជាហេតុការណ៍តក់ស្លុតមួយរបស់គ្រួសារជនរងគ្រោះ ។ ខ្ញុំក៏មានអារម្មណ៍សោកស្តាយដូចពួកគេក្នុងនាមជាឪពុកដែរ» ។
ការបរិច្ចាគរបស់Wayne Rooney កើតឡើងបន្ទាប់ពីអតីតកីឡាករPhil Neville របស់ក្លិប Man Utd នាំម្ហូបអាហារទៅចែកជូនអ្នកជំងឺ និងបុគ្គលិកនៅមន្ទីរពេទ្យកុមារ Royal Manchester Children’s Hospital ក្រោយពីរងគ្រោះក្នុងហេតុការណ៍ខាងលើ ។ គួរបញ្ជាក់ថា ការបំផ្ទុះគ្រាប់បែកនៅពហុកីឡដ្ឋាន Manchester Arena ក្រោយពេលចប់ការប្រគំតន្ត្រីបានធ្វើឱ្យមនុស្សស្លាប់២២នាក់ និងរបួស៥៩នាក់ ខណៈជនសង្ស័យត្រូវបានប៉ូលិសចាប់ខ្លួនជាបន្តបន្ទាប់ ៕
ចែករំលែកព័តមាននេះ