ខេត្តកំពង់ចាម ៖ និស្សិតស្រីឆ្នាំទី២ម្នាក់ នៅសាកលវិទ្យាល័យវេស្ទើន ក្រុងកំពង់ចាម ត្រូវបានជនសង្ស័យ ដែលធ្លាប់រៀនអនុវិទ្យាល័យព្រីងជ្រុំ អំឡុងឆ្នាំ២០១៩ ចា.ក់សម្លា.ប់ បន្ទាប់ពីបានជួបគ្នាដោយចៃដន្យ រួចក៏បបួលគ្នាដើរលេង ហើយបានជូនជនរងគ្រោះត្រឡប់ទៅបន្ទប់ជួលវិញ តែដោយខឹងជនរងគ្រោះមិនឲ្យខ្លួនរួមភេ.ទជាមួយ ក៏អារ.កសម្លា.ប់ តែម្ដង ។
ហេតុការណ៍នេះ បានកើតឡើងនៅវេលាម៉ោង ០៥និង៣០នាទីព្រឹកថ្ងៃទី០១ ខែធ្នូ ឆ្នាំ២០២២ បន្ទាប់ពីកម្លាំងប៉ុស្តិ៍នគរបាលរដ្ឋបាលវាលវង់ នៃអធិការដ្ឋាននគរបាលក្រុងកំពង់ចាម បានទទួលព័ត៌មានពីឈ្មោះ លី ឈាងគី ភេទស្រី អាយុ៣៥ឆ្នាំ ម្ចាស់ផ្ទះជួល បានរាយការណ៍មកថា មានករណីបង្កហិង្សា ក្នុងបន្ទប់ជួលរបស់គាត់ ដែលបានជួលឲ្យក្មេងស្រីម្នាក់ ស្នាក់នៅរៀនសូត្រ ។
ក្រោយទទួលព័ត៌មានភ្លាម លោកវរសេនីយ៍ឯក អ៊ឹង ប៊ុន អធិការនគរបាលក្រុមកំពង់ចាម បានចាត់បញ្ជាឲ្យកម្លាំងជំនាញ នៃអធិការដ្ឋាន កម្លាំងប៉ុស្តិ៍រដ្ឋបាលវាលវង់ សហការជាមួយកម្លាំងជំនាញ នៃផែនការងារនគរបាលព្រហ្មទណ្ឌខេត្ត ចុះដល់ទីតាំងកើតហេតុ ដើម្បីធ្វើការត្រួតពិនិត្យ ។
ពេលកម្លាំងចុះដល់ទីតាំងកើតហេតុ ក៏ប្រទះឃើញមានមនុស្សម្នាក់ ភេទប្រុស ដៃកាន់កូនកាំបិត ដោយមានអាការសង្ស័យ សមត្ថកិច្ច ក៏បានឃាត់ខ្លួនជនសង្ស័យនោះភ្លាមៗ និងពិនិត្យមើលក្នុងបន្ទប់ ឃើញមានស្នាមឈា.មប្រលាក់ពេញការ៉ូ និងឃើញក្នុងបន្ទប់ទឹក (បន្ទប់ជួល) នោះ មានសាកស.ពនារីម្នាក់ ទើបសមត្ថកិច្ចសន្មត់ថា ជាករណីឃា.តកម្ម តែម្ដង ។
តាមការសាកសួរម្ចាស់បន្ទប់ជួលខាងលើ បានប្រាប់ថា នារីរងគ្រោះ មានឈ្មោះ វៀត ចន្ទ្រា អាយុ២០ឆ្នាំ មុខរបរជានិស្សិតឆ្នាំទី២ នៅសាកលវិទ្យាល័យវេស្ទើន និងមានទីលំនៅ ក្នុងភូមិស្ដើងជ័យ ស្រុកជើងព្រៃ ខេត្តកំពង់ចាម ។
ដោយឡែក ជនសង្ស័យមានឈ្មោះ យឺ ម៉េងឈៀក ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិដំណាក់អំពិល ឃុំស្ដើងជ័យ ស្រុកជើងព្រៃ ខេត្តកំពង់ចាម បានឆ្លើយសារភាពថា ខ្លួនពិតជាបានធ្វើសកម្មភាព (អារ.ក) សម្លា.ប់នារីជានិស្សិតឆ្នាំទី២ ពិតប្រាកដមែន ដោយយកកាំបិតចិត្តបន្លែ ទៅអារ.កសម្លា.ប់នាងបណ្ដាលឲ្យដាច់ខ្យល់នៅក្នុងបន្ទប់ជួល នៅទីតាំងកើតហេតុ កាលពីវេលាម៉ោង០៤និង០៥នាទីថ្ងៃទី០១ ធ្នូ ។
ជនសង្ស័យ ឆ្លើយសារភាពទៀតថា មូលហេតុ កន្លងមកនេះ រូបគេ និងជនរងគ្រោះធ្លាប់ស្គាល់រាប់អានគ្នា កាលពីរៀននៅអនុវិទ្យាល័យព្រីងជ្រុំ អំឡុងឆ្នាំ២០១៩ រហូតពេលកើតហេតុ ក៏ជិះម៉ូតូជួបគ្នា ដោយចៃដន្យ រួចក៏បបួលគ្នាដើរលេង និងបានជូននាងទៅបន្ទប់ដេកវិញ ដោយខឹងនាង មិនឲ្យខ្លួនដេក(រួមភេ.ទ)ជាមួយ ក៏ចាប់អារ.កសម្លា.ប់ តែម្ដង។
សមត្ថកិច្ចរកឃើញវត្ថុតាងនៅកន្លែងកើតហេតុ បន្សល់ទុកនូវកាំបិត ចិតបន្លែ បាក់ដងចំនួន០១ដើម និងម៉ូតូម៉ាកសេ ១២៥ ផលិតឆ្នាំ២០១៩ ពណ៌ខ្មៅ (គ្មានស្លាកលេខ) និងស្នាមកាប់ ។
លទ្ធផលធ្វើតេស្តទឹកនោមរបស់ជនសង្ស័យ បង្ហាញថា មិនមានសារធាតុញៀនក្នុងខ្លួនទេ ។
បច្ចុប្បន្ន កម្លាំងជំនាញ បានឃាត់និងបញ្ជូននាំខ្លួនជនសង្ស័យ មកអធិការដ្ឋាននគរបាលក្រុងកំពង់ចាម ដើម្បីបន្តកសាងសំណុំរឿង តាមនីតិវិធី ៕
ចែករំលែកព័តមាននេះ