រហូតមកដល់ថ្ងៃទី២៨ ខែវិច្ឆិកា ឆ្នាំ២០២២នេះ អាជ្ញាធរខេត្តប៉ៃលិន បានចុះផ្អាកទីតាំងស្តង់ពោត និងដំឡូងមីទាំង១៨កន្លែង ដែលទទួលទិញកសិផលពោតក្រហម និងដំឡូងមីរបស់ប្រជាកសិករ ក្រោយពីរកឃើញថា មានជញ្ជីងថ្លឹងមិនប្រក្រតីមួយចំនួន ស្ថិតក្នុង
ខេត្តប៉ៃលិន ៖ រហូតមកដល់ថ្ងៃទី២៨ ខែវិច្ឆិកា ឆ្នាំ២០២២នេះ អាជ្ញាធរខេត្តប៉ៃលិន បានចុះផ្អាកទីតាំងស្តង់ពោត និងដំឡូងមីទាំង១៨កន្លែង ដែលទទួលទិញកសិផលពោតក្រហម និងដំឡូងមីរបស់ប្រជាកសិករ ក្រោយពីរកឃើញថា មានជញ្ជីងថ្លឹងមិនប្រក្រតីមួយចំនួន ស្ថិតក្នុងសង្កាត់ប៉ៃលិន សង្កាត់អូរតាវ៉ៅ សង្កាត់បយ៉ាខា ក្រុងប៉ៃលិន និងស្រុកសាលាក្រៅ ខេត្តប៉ៃលិន។
ក្រោយមកអាជ្ញាធរខេត្ត ក៏បានចុះផ្អាកទីតាំងស្តង់ពោត និងដំឡូងមី ចំនួន១៨កន្លែង ដែលមានសភាពមិនប្រក្រតីនៃជញ្ជីងថ្លឹងកសិផល ក្នុងនោះនៅសង្កាត់ប៉ៃលិន សង្កាត់អូរតាវ៉ៅ សង្កាត់បរយ៉ាខា និងស្រុកសាលាក្រៅផងដែរ តែសម្រេចថា មិនផាកពិន័យ។
សូមបញ្ជាក់ថា ៖ កាលពីថ្ងៃទី២៤ ខែវិច្ឆិកា ឆ្នាំ២០២២ អាជ្ញាធរខេត្តបានចុះរៀបចំបច្ចេកទេសជញ្ជីងថ្លឹងតាមស្តង់ពោត និងដំឡូងមីឡើងវិញ ដើម្បីធានាភាពសុក្រឹតសម្រាប់ទទួលទិញកសិផលរបស់ប្រជាពលរដ្ឋទូទាំងខេត្ត។
ក្រោយមកអាជ្ញាធរខេត្ត ក៏បានណែនាំឱ្យម្ចាស់ស្តង់នីមួយៗផ្អាកដំណើរការមួយរយៈពេលសិន ដើម្បីរង់ចាំរហូតដល់ក្រសួងចុះពិនិត្យមើលជញ្ជីង និងរៀបចំកែតម្រូវឱ្យមានសុក្រិតភាពឡើងវិញសិន ទើបអនុញ្ញាតឱ្យដំណើរការតាមធម្មតាឡើងវិញ។
គួររំលឹកថា ៖ អាជ្ញាធរខេត្ត ចុះផ្អាកទីតាំងស្តង់ពោត និងដំឡូងមី ដែលជញ្ជីងមិនប្រក្រតីជាង១០កន្លែង៕
ចែករំលែកព័តមាននេះ