ខេត្តតាកែវ ៖ ក្រោយធ្លាយដំណឹងថា លោកចៅហ្វាយស្រុកអង្គរបូរីអនុញ្ញាតឲ្យក្រុមឈ្មួញកាយយកថ្មភ្នំបូរី លក់យ៉ាងគគ្រឹកគគ្រេង នៅព្រឹកថ្ងៃទី២៨ ខែវិច្ឆិកា ឆ្នាំ២០២២ នេះ ឮថា មន្ទីរជំនាញពាក់ព័ន្ធកំពុងរត់ខ្វែងជើងគ្នាទៅពិនិត្យទីតាំងភ្នំបូរីដែលជាភ្នំប្រវត្តិសាស្ត្រមួយនេះហើយ ។
តាមការបញ្ជាក់ពីលោក ផេង វុធ ប្រធានមន្ទីររ៉ែនិងថាមពលខេត្តតាកែវបានឲ្យដឹងនៅព្រឹកថ្ងៃទី២៨ វិច្ឆិកានេះ ថា ករណីកាយភ្នំបូរីលោកអត់ដឹង ហើយក៏មិនពាក់ព័ន្ធនិងជំនាញលោកដែរ ។ លោកប្រធានមន្ទីរបញ្ជាក់ថា ជំនាញលោកគ្មានសិទ្ធិក្នុងការអនុញ្ញាតច្បាប់ពាក់ព័ន្ធ និងការងាររ៉ែនិងថាមពលទៅឲ្យក្រុមឈ្មួញនោះទេ គឺខេត្តនិងស្រុកជាអ្នកអនុញ្ញាតជំនាញលោកគ្រាន់តែពិនិត្យនិងទទួលស្គាល់លើលិខិតស្នាមប៉ុណ្ណោះ ។
ចំណែកលោកជេត ពិសុទ្ធ ប្រធានមន្ទីរវប្បធម៌ និងវិចិត្រសិល្បៈខេត្តតាកែវវិញ នៅព្រឹកថ្ងៃទី២៨ វិច្ឆិកា នេះដែរ លោកមិនបានបកស្រាយវែងឆ្ងាយនោះទេ ដោយថា លោកកំពុងបើកឡានទៅពិនិត្យទីតាំងភ្នំបូរីនេះហើយ ។
សូមបញ្ជាក់ថា លោក រស់ ប៊ុនធឿន ចៅហ្វាយស្រុកអង្គរបូរី ដែលទើបឡើងកាន់ដំណែង៣-៤ ខែ បានបើកដៃឲ្យក្រុមឈ្មួញកាយយកថ្មភ្នំបូរី ដែលជាភ្នំប្រវត្តិសាស្ត្រលក់រាល់ថ្ងៃយ៉ាងគគ្រឹកគគ្រេង ដោយប្រជាពលរដ្ឋលើកឡើងថា ចៅហ្វាយស្រុកអង្គរបូរីរូបនេះចូលចិត្តច្រៀងខារ៉ាអូខេណាស់ ហើយប្រហែលជាអត់លុយច្រៀងហើយមើលទៅ បានជាឃុបឃិតអនុញ្ញាតឲ្យឈ្មួញកាយយកថ្មភ្នំបូរីលក់យ៉ាងនេះ .ខេត្តតាកែវ ប្រសិនអាជ្ញាធរខេត្តមិនចាត់វិធានការណ៍ទេ ភ្នំអង្គបុរីដែលជាទីតាំងប្រវត្តិសាស្ត្រនឹងរលាយជាមិនខាន ។
ព័ត៌មានបន្ថែមមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ