ថៃអនុញ្ញាតឱ្យអ្នកទោសមើល World Cup ទូទាំងប្រទេស
ថៃ ៖ នាយកដ្ឋានគ្រប់គ្រងអ្នកទោសថៃនឹងអនុញ្ញាតឱ្យអ្នកទោសមើលការប្រកួតបាល់ទាត់
ថៃ ៖ នាយកដ្ឋានគ្រប់គ្រងអ្នកទោសថៃនឹងអនុញ្ញាតឱ្យអ្នកទោសមើលការប្រកួតបាល់ទាត់ពិភពលោក World Cup ២០២២ នៅក្នុងពន្ធនាគារទូទាំងប្រទេស។
ព្រឹត្តិការណ៍ FIFA World Cup បានចាប់ផ្តើមប្រកួតតាំងពីថ្ងៃទី ២០ ខែវិច្ឆការ និងបន្តរហូតដល់ថ្ងៃទី ១៨ ខែធ្នូ នៅក្នុងប្រទេសកាតា។
អគ្គនាយកនៃនាយកដ្ឋានគ្រប់គ្រងអ្នកទោស លោក Aryut Sinthopphan និយាយកាលពីថ្ងៃអាទិត្យម្សិលមិញថា នាយកដ្ឋានសង្ឃឹមថាការសម្រេចចិត្តនេះនឹងលើកកម្ពស់សីលធម៌ក្នុងចំណោមអ្នកទោស និងលើកទឹកចិត្តឱ្យពួកគេយកចិត្តទុកដាក់បន្ថែមលើការហាត់ប្រាណ និងកីឡា។
លោកបញ្ជាក់ថា សកម្មភាពទាំងនេះនឹងក៏ជួយកាត់បន្ថយភាពតានតឹងនៅក្នុងចំណោមអ្នកទោសចាប់តាំងពីមានកូវីដ ១៩ និងធ្វើឱ្យអាកប្បកិរិយារបស់ពួកគេបានប្រសើរឡើង។
អ្នកទោសទាំងអស់នឹងត្រូវអនុញ្ញាតឱ្យមើលការប្រកួតផ្ទាល់ (live match) រហូតដល់ម៉ោង ៩យប់រៀងរាល់ថ្ងៃ ប៉ុន្តែលោកនិយាយថា ការឈ្លោះប្រកែកគ្នា និងការភ្នាក់គ្នាមិនត្រូវកើតឡើងជាដាច់ខាតអំឡុងការប្រកួត។
លើសពីនេះទៅទៀត សម្រាប់ជាកាដូរឆ្នាំថ្មី នាយកដ្ឋាននឹងអនុញ្ញាតិឱ្យសាច់ញាតិមកសួរសុខទុក្ខអ្នកទោសទាំងអស់ពីថ្ងៃទី ៣០ ខែធ្នូ ដល់ថ្ងៃទី ២ ខែមករា ក្រោមវិធានការគ្រប់គ្រងជំងឺ៕ (យោងតាមប្រភព៖ Bangkok Post)
ចែករំលែកព័តមាននេះ