World Cup 2022 ៖ Lewandowski ជួយសង្គ្រោះ Messi ខណៈ Ronaldo មានសេរីភាពមុនពេលប្រកួត
ការបរាជ័យរបស់ក្រុមជម្រើសជាតិអាហ្សង់ទីន, Lewandowski ជួយសង្គ្រោះ Messi, Ronaldoមានសេរី
ការបរាជ័យរបស់ក្រុមជម្រើសជាតិអាហ្សង់ទីន, Lewandowski ជួយសង្គ្រោះ Messi, Ronaldoមានសេរី
កាតា ៖ ការបរាជ័យរបស់ក្រុមជម្រើសជាតិអាហ្សង់ទីន, Lewandowski ជួយសង្គ្រោះ Messi, Ronaldoមានសេរីភាពមុនពេលប្រកួត, Mbappe ជួយបារាំងឱ្យឈ្នះ, ប្រេស៊ីលរៀបចំយុទ្ធសាស្ត្រថ្មី និងជប៉ុនបានយកឈ្នះអាល្លឺម៉ង់គឺជាព័ត៌មានគួរឱ្យកត់សម្គាល់នៃការប្រកួតបាល់ទាត់ពិភពលោកឆ្នាំ 2022 ។ សូមក្រឡេកមើលចំណុចសំខាន់ៗ ដែលទាក់ទាញការចាប់អារម្មណ៍បំផុតរបស់អ្នកគាំទ្រនៅក្នុងព្រឹត្តិការណ៍បាល់ទាត់ពិភពលោកឆ្នាំ 2022 នៅថ្ងៃទី23 ខែវិច្ឆិកា។
*អាហ្សង់ទីនចាញ់អារ៉ាប៊ីសាអូឌីត
ក្នុងនាមជាម្ចាស់ជើងឯកទម្ងន់ធ្ងន់បំផុតនៃការប្រកួតបាល់ទាត់ពិភពលោកឆ្នាំ 2022 អាហ្សង់ទីនត្រូវបានគេកោតសរសើរយ៉ាងខ្លាំងនៅក្នុងពូល C។ ជួបអារ៉ាប៊ីសាអូឌីត Messi និងមិត្តរួមក្រុមរបស់គាត់ធ្វើបានល្អនៅតង់ទីមួយដោយគាត់បានស៊ុតបាល់ប៉េណាល់ទីដើម្បីជួយអាហ្សង់ទីននាំមុខ 1-0 ។
ទោះបីយ៉ាងណា ភាពភ្ញាក់ផ្អើលមិនគួរឱ្យជឿមួយបានកើតឡើងក្នុងតង់ទីពីរនៃការប្រកួតនេះ។ត្រឹមតែ5នាទីប៉ុណ្ណោះ (ពីនាទីទី48 ដល់នាទីទី53) អារ៉ាប៊ីសាអូឌីត រកបាន2គ្រាប់ជាប់ៗគ្នា លើអ្នកចាំទី Martinez យ៉ាងងាយ នាំមុខអាហ្សង់ទីន 1-2 ។ បន្ទាប់មក កងទ័ពរបស់គ្រូបង្វឹក Herve Renard បានលេងយ៉ាងក្លាហាន និងរារាំងរាល់ការវាយប្រហាររបស់ម្ចាស់ជើងឯក Copa America ។ អាហ្សង់
ទីនបានបង្ហាញភាពអស់សង្ឃឹមនៅចំពោះមុខហ្វូងមនុស្ស និងការដាក់ទោសពីអ្នកតំណាងអាស៊ី។ ពួកគេត្រូវតែទទួលយកការចាញ់ 1-2 ក្រោមស្នាដៃក្រុមអារ៉ាប៊ីសាអូឌីតនៅថ្ងៃបើកឆាក ហើយបានឈរនៅបាតតារាងនៃពូល C យ៉ាងជូរចត់។
*Lewandowski សង្គ្រោះ Messi
ការបរាជ័យរបស់អាហ្សង់ទីនក្រោមស្នាដៃអារ៉ាប៊ីសាអូឌីតគឺជាដំណឹងល្អសម្រាប់ក្រុមដែលនៅសេសសល់ក្នុងពូល C គឺប៉ូឡូញ និងមិចស៊ីកូ។ ពួកគេយល់ថា គ្រាន់តែយកឈ្នះគូប្រកួតក្នុងការប្រកួតបើកឆាក ហើយយកឈ្នះអារ៉ាប៊ីសាអូឌីត នឹងមានកម្រិតបន្ទាប់ខ្ពស់ណាស់។ ក្រុមផ្សេងទៀតក៏មានសង្ឃឹមច្រើនក្នុងការយកឈ្នះអាហ្សង់ទីនពេល Messi និងមិត្តរួមក្រុមចាញ់ក្នុងការប្រកួតដែលគេចាត់ទុកថាស្រួលបំផុតក្នុងពូលនេះ។
ចូលដល់ការប្រកួត ប៉ូឡូញបង្ហាញកាយវិការល្អជាងមិចស៊ីកូ ។ ទោះជាយ៉ាងណាក៏ដោយ ក្រុមមកពីអាមេរិកកណ្តាលក៏បានបង្ហាញពីភាពមិនស្រួលជាមួយនឹងសមត្ថភាពក្នុងការលេងលឿន និងដណ្តើមបាល់។ ភាពតានតឹងនៃការប្រកួតមានរយៈពេល 45 នាទីនៃតង់ទី 1 ហើយបណ្តាលឱ្យក្រុមទាំងពីរចាកចេញពីទីលានដោយពិន្ទុ 0-0 ។ ចូលដល់តង់ទីពីរ រឿងបានកើតឡើងនៅពេលដែល Lewandowskiត្រូវបានបង្កកំហុសនៅក្នុងតំបន់ពិន័យ។
ប៉ុន្តែក្នុងការស៊ុតបាល់11ម៉ែត្រ រូបគេមិនអាចផ្តួលអ្នកចាំទី Ochoa របស់មិចស៊ីកូបានឡើយ ។ នេះក៏ជាស្ថានភាពខកខានដែលគួរឱ្យកត់សម្គាល់បំផុតក្នុងការប្រកួតទាំងមូលនេះ។ ការដែលប៉ូឡូញ និងមិចស៊ីកូបានត្រឹមស្មើ ០-០ ធ្វើឲ្យអាហ្សង់ទីនស្រួលដកដង្ហើមបន្តិច ព្រោះ Messi និងមិត្តរួមក្រុមមានតែ1ពិន្ទុតាមពីក្រោយគូប្រកួតទាំងពីរនេះក្នុងតារាងចំណាត់ថ្នាក់ ។ ដោយគ្រាន់តែយកឈ្នះក្រុមទាំងពីរ អាហ្សង់ទីន ថែមទាំងអាចស្រមៃចង់ឡើងកំពូលតារាងពូល C និងគេចពីក្រុមបារាំង ដែលទំនងជាឈរនៅកំពូលតារាងពូល B។
*Ronaldo មានសេរីភាពមុនការប្រកួត World Cup 2022
គូប្រជែងរបស់ Messi គឺ Ronaldo ត្រូវប្រកួតនៅល្ងាចថ្ងៃទី24 ខែវិច្ឆិកា ។ ក្រុមព័រទុយហ្គាល់របស់គាត់ត្រូវជួបជាមួយហ្គាណាក្នុងពូល H ហើយមុនពេលការប្រកួតនេះបន្ទាប់ពីលឺថា Messi អាហ្សង់ទីនចាញ់ Ronaldo បានទទួលដំណឹងដ៏គួរឱ្យភ្ញាក់ផ្អើលមួយទៀតថា គាត់បានក្លាយជាកីឡាករគ្មានកិច្ចសន្យាជាផ្លូវការ ។ អាស្រ័យហេតុនេះ ក្រុមអ្នកគ្រប់គ្រងរបស់ CR7 កាលពីល្ងាចថ្ងៃទី22 ខែវិច្ឆិកា បានធ្វើសេចក្តីប្រកាសជាផ្លូវការអំពីការរំលាយកិច្ចសន្យាមុនកាលកំណត់ជាមួយ Ronaldo ។
Man Utd បានឈានដល់ការឯកភាពគ្នាជាមួយមេធាវី និងភ្នាក់ងាររបស់តារាឆ្នើមវ័យ 37 ឆ្នាំរូបនេះ ។ ដូច្នេះឥឡូវនេះ Ronaldo បានក្លាយជាកីឡាករ «គ្មានកិច្ចសន្យា» ហើយងាយស្រួលក្នុងការស្វែងរកកន្លែងបន្ទាប់របស់គាត់ ។ កាលពីសប្តាហ៍មុន ខ្សែប្រយុទ្ធសញ្ជាតិព័រទុយហ្គាល់មានការភ្ញាក់ផ្អើលនៅពេលដែលគាត់បានបង្ហាញខ្លួននៅក្នុងបទសម្ភាសន៍ពិសេសជាមួយអ្នកកាសែត Piers Morgan ។
នៅទីនេះគាត់បានចោទប្រកាន់ Man Utd និងគ្រូបង្វឹក Erik ten Hag ថាក្បត់គាត់។
ការរិះគន់របស់ CR7 បានធ្វើឱ្យម្ចាស់ក្លិប Man Utd មានការខឹងសម្បារ ហើយបន្ទាប់ពីនេះត្រឹមតែ 1 សប្តាហ៍ ពួកគេក៏សម្រេចចិត្តបែកគ្នា។
*Mbappe បានចូលរួមចំណែកជួយបារាំងឈ្នះយ៉ាងអង់អាចនៅថ្ងៃបើកឆាក
នៅព្រឹកថ្ងៃទី23 វិច្ឆិកា ក្រុមការពារតំណែងជើងឯកបារាំងត្រូវប្រកួតជាមួយគឺ អូស្ត្រាលី។ កាលពីបួនឆ្នាំមុននៅក្នុងប្រទេសរុស្ស៊ី ក្រុមទាំងពីរក៏បានជួបគ្នាក្នុងការប្រកួតដំបូងនៃវគ្គចែកពូល ហើយបារាំងបានព្យាយាមដើម្បីទទួលបានជ័យជម្នះ 2-1 ។ ក្នុងការប្រកួតសងសឹកនេះ ភាពភ្ញាក់ផ្អើលក៏បានកើតឡើងដែរពេលអូស្ត្រាលីនាំមុខ 1-0 នៅនាទីទី10 ដោយសារគ្រាប់បាល់របស់ Goodwin។
ទោះបីយ៉ាងណា ម្ចាស់ការពារតំណែងជើងឯករូបនេះបានបង្ហាញពីភាពក្លាហានរបស់ខ្លួនយ៉ាងរហ័ស។
នៅនាទីទី 27 ពួកគេបានតាមស្មើ 1-1 បន្ទាប់ពីគ្រាប់បាល់របស់ខ្សែបម្រើ Rabiot ។ ប្រាំនាទី ក្រោយមក ពិន្ទុគឺ 2-1 សម្រាប់បារាំង។
Mbappe មានបាល់ជ្រុងដ៏ល្អមួយដើម្បីជួយ Rabiot គេចចេញ ហើយបន្ទាប់មកបង្កើតជំនួយសម្រាប់ Giroud ដើម្បីរុញបាល់ចូលទៅក្នុងសំណាញ់ទីរបស់អូស្ត្រាលីដោយគ្មានអ្វីរារាំង។
ចូលដល់តង់ទីពីរ បារាំងបានបន្តគ្រប់គ្រងការប្រកួតទាំងស្រុង ធ្វើឲ្យអូស្ត្រាលីស្រឡាំងកាំងដោយ
ការវាយសម្រុកយ៉ាងមុតស្រួច ។ Mbappe បន្ទាប់ពីខកខានឱកាសមួយចំនួនក៏បានធ្វើឱ្យមានឈ្មោះនៅលើតារាងផងដែរជាមួយនឹងការស៊ុតបញ្ចូលទីនៅនាទីទី 68 បន្ទាប់ពីការបញ្ជូនរបស់ Dembele ។
3នាទីក្រោយមក Mbappe បន្តបញ្ចេញសមត្ថភាពនៅពេលគាត់បញ្ជូនបាល់ដើម្បីជួយ Giroud រកបានជ័យជម្នះ 4-1 សម្រាប់ក្រុមការពារតំណែងជើងឯកមួយនេះ។
*យុទ្ធសាស្ត្ររបស់ប្រេស៊ីលត្រូវបានចោទសួរមុនការប្រកួតជាមួយស៊ែប៊ី
ក្រុមប្រេស៊ីល គឺជាម្ចាស់ជើងឯកដែលមានទម្ងន់ធ្ងន់បំផុតក្នុងព្រឹត្តិការណ៍ World Cup ឆ្នាំ2022 ។ អ្នកជំនាញ និងអ្នកគាំទ្រកំពុងរង់ចាំយ៉ាងអន្ទះសារសម្រាប់ការបង្ហាញខ្លួនលើកដំបូងរបស់ក្រុមសាំបានៅពេលដែលពួកគេជួបជាមួយស៊ែប៊ី នៅរាត្រីថ្ងៃថ្ងៃទី24 ឈានចូលថ្ងៃទី25 ខែវិច្ឆិកា ។ ដើម្បីត្រៀមខ្លួនសម្រាប់ការប្រកួតនេះ ប្រេស៊ីលបានហ្វឹកហាត់យ៉ាងសកម្មនៅលើទីលាននៃក្លិប Al-Arabi ក្នុងទីក្រុងដូហា ប្រទេសកាតា។
ទោះបីជាវគ្គហ្វឹកហ្វឺនរបស់ប្រេស៊ីលត្រូវបានរក្សាជាឯកជនពីប្រព័ន្ធផ្សព្វផ្សាយក៏ដោយ ប៉ុន្តែថ្មីៗនេះ រូបភាពវីដេអូនៃការហ្វឹកហាត់របស់គ្រូបង្វឹក Tite ត្រូវបានផ្សព្វផ្សាយ ។ ក្នុងចំណោមនោះមានរូបភាពរបស់ Vinicius ពាក់អាវក្រោះពណ៌ទឹកក្រូចនៅលើទីលាន ។ អាវក្រោះនេះដើមឡើយជាអាវហ្វឹកហាត់របស់កីឡាករសំខាន់ៗ ហើយកាសែត Marca បាននិយាយថា ខ្សែប្រយុទ្ធ Real Madrid នឹងចាប់ផ្តើមក្នុងការប្រកួតទល់នឹងស៊ែប៊ី ។
មិនត្រឹមតែប៉ុណ្ណោះ កាសែតដែលមានមូលដ្ឋាននៅទីក្រុងម៉ាឌ្រីដ ក៏បានបង្ហាញពីអត្តសញ្ញាណនៃឈ្មោះដែលនៅសល់ចំនួន 10 នាក់នៅក្នុងក្រុមចាប់ផ្តើម ដូចជាអ្នកចាំទី Alisson, Thiago Silva, Marquinhos, Danilo និង Alex Sandro នឹងក្លាយជាខ្សែការពារ 4 នាក់របស់ក្រុមសាំបា ។ Lucas Paqueta នឹងផ្គូផ្គងជាមួយ Casemiro នៅខ្សែបម្រើកណ្តាល Vinicius និង Raphinha នឹងលេងទាំងសងខាងដោយគាំទ្រខ្សែប្រយុទ្ធ Richarlison ។
លេងនៅពីក្រោយគាត់គឺជាប្រធានក្រុម Neymar ក្នុងតំណែងលេខ 10 ដែលធ្លាប់ស្គាល់។ វីដេអូខាងលើត្រូវបានបង្ហាញនៅថ្ងៃទី23 វិច្ឆិកា ហើយយោងតាមប្រភពជាច្រើនវាត្រូវបានថតដោយសមាជិកដ៏សំខាន់ម្នាក់នៃក្លិប Al-Arabi ។ បច្ចុប្បន្ននេះ ភាគីប្រេស៊ីលនៅមិនទាន់ធ្វើអត្ថាធិប្បាយជុំវិញវីដេអូខាងលើនោះទេ ។ ទោះជាយ៉ាងណាក៏ដោយ មុនការបរាជ័យរបស់អាហ្សង់ទីននាពេលថ្មីៗនេះ ប្រេស៊ីលមានហេតុផលគ្រប់គ្រាន់ក្នុងការរៀបចំយុទ្ធសាស្ត្រជាថ្មី មុនការប្រកួតបើកឆាកចាប់ផ្ដើម ៕
ចែករំលែកព័តមាននេះ