បុគ្គលិកអាកាសយាន្តដ្ឋានភ្ញាក់ផ្អើល ក្រោយស្កេនឃើញរបស់មួយក្នុងវ៉ាលីអ្នកដំណើរ
អាមេរិក ៖ បុគ្គលិកសន្តិសុខនៅអាកាសយានដ្ឋានអន្តរជាតិ John F. Kennedy នៃទីក្រុង New York
អាមេរិក ៖ បុគ្គលិកសន្តិសុខនៅអាកាសយានដ្ឋានអន្តរជាតិ John F. Kennedy នៃទីក្រុង New York បានរកឃើញសត្វឆ្មាមួយក្បាលពេលធ្វើការស្កេនកាំរស្មីអ៊ិចលើវ៉ាលីអ្នកដំណើរ។
រដ្ឋបាលសន្តិសុខដឹកជញ្ជូនបាននិយាយថា ភ្នាក់ងារដែលឃ្លាំមើលការថតកាំរស្មីអ៊ិចនៅអាកាសយានដ្ឋានបានកត់សម្គាល់ឃើញអ្វីដែលមើលទៅដូចជាគ្រោងរបស់សត្វ។
វ៉ាលីនោះត្រូវបានបើកមើលដោយមន្ត្រីសន្តិសុខ ហើយគាត់មានការភ្ញាក់ផ្អើលយ៉ាងខ្លាំងនៅពេលឃើញសត្វឆ្មារស់ពណ៌លឿងមួយក្បាលនៅខាងក្នុង។ នេះបើយោងតាមការចុះផ្សាយរបស់កាសែត The Washington Post។
ភ្នាក់ងារសន្តិសុខបានប្រាប់ក្រុមហ៊ុនអាកាសចរណ៍ Delta Airlines អំពីការរកឃើញនោះ ហើយក្រុមហ៊ុនបានរកឃើញម្ចាស់វ៉ាលី ដែលកំពុងត្រៀមនខ្លួនធ្វើការហោះហើរទៅទីក្រុង Orlando នៃរដ្ឋ Florida។
ម្ចាស់វ៉ាលីនិយាយថា ឆ្មានោះជារបស់សមាជិកម្នាក់នៃគ្រួសាររបស់គាត់។ បុរសនោះគាត់បានធ្វើការកក់ជើងហោះហើរនៅថ្ងៃបន្ទាប់ ដូច្នេះគាត់អាចយកឆ្មាត្រឡប់ទៅផ្ទះវិញបាន៕ (យោងតាមប្រភព៖ The Washington Post)
ចែករំលែកព័តមាននេះ