វៀតណាមគ្រោងនាំចេញអង្ករ៧លានតោនក្នុងឆ្នាំនេះ ខណៈតម្លៃកើនឡើង៣០ដុល្លារក្នុង១តោន
វៀតណាម ៖ វៀតណាមគ្រោងនាំចេញអង្ករចំនួន ៧លានតោននៅក្នុងឆ្នាំនេះ ក្រោយពេលឥណ្ឌាហាម
វៀតណាម ៖ វៀតណាមគ្រោងនាំចេញអង្ករចំនួន ៧លានតោននៅក្នុងឆ្នាំនេះ ក្រោយពេលឥណ្ឌាហាមឃាត់ការនាំចេញអង្ករខូច និងបានយកពន្ធ ២០ភាគរយលើការនាំចេញអង្ករប្រភេទផ្សេងៗកាលពីដើមខែកញ្ញា។
តម្លៃអង្ករវៀតណាមបានកើនឡើង ៣០ដុល្លារដោយមានតម្លៃចន្លោះពី ៤០៨-៤២៨ដុល្លារក្នុងមួយតោន។
ការរួមចំណែកមួយទៀតគឺការកែលម្អគុណភាពអង្ករ ដោយសាររដ្ឋាភិបាលមូលដ្ឋាន រួមជាមួយនឹងកសិករ និងសហករណ៍ បានបន្តជំរុញឱ្យផលិតកម្មតូចៗធ្វើការផលិតប្រកបដោយគុណភាពខ្ពស់ និងមិនសូវប្រើជី និងថ្នាំសម្លាប់សត្វល្អិតញឹកញាប់។
លោក Nguyễn Anh Tuấn នាយកប្រតិបត្តិក្រុមហ៊ុន Green Stars JSC និងជាពាណិជ្ជករអង្ករនៅទីក្រុង Ho Chi Minh បាននិយាយថា កសិករបានរាយការណ៍ពីការធ្លាក់ចុះថ្លៃដើមពី ១០ ទៅ ១៥ភាគរយ និងកើនឡើងប្រាក់ចំណេញជាមធ្យមពី ៨ ទៅ ១០ភាគរយ។
លោកនិយាយថា «វាមានសារសំខាន់ខ្លាំងណាស់សម្រាប់កសិករ និងអ្នកនាំចេញធ្វើការរួមគ្នាក្នុងការផលិតអង្ករដែលមានគុណភាពខ្ពស់ដោយប្រើថ្នាំសម្លា.ប់សត្វល្អិតអប្បបរមាសម្រាប់ការនាំចេញ»។
សូមបញ្ជាក់ថា កាលពីឆ្នាំមុន វៀតណាមដែលជាប្រទេសនាំចេញអង្ករធំបំផុតទី ២ក្នុងលោកបាននាំចេញអង្ករចំនួន ៦,២លានតោនកាលពីឆ្នាំ ២០២១៕ (យោងតាមប្រភព៖ Vietnam News)
ចែករំលែកព័តមាននេះ