ជីវិតថ្លៃ! រកឃើញកុមារម្នាក់នៅរស់ក្បែរស.ពជីដូនក្រោមគំនរបាក់បែក ក្រោយគ្រោះរញ្ជួយដី
ឥណ្ឌូនេស៊ី ៖ ក្មេងប្រុសអាយុ៦ឆ្នាំម្នាក់ត្រូវបានទាញចេញពីគំនរបាក់បែកកាលពីថ្ងៃពុធ ទី ២៣ វិច្ឆិ
ឥណ្ឌូនេស៊ី ៖ ក្មេងប្រុសអាយុ៦ឆ្នាំម្នាក់ត្រូវបានទាញចេញពីគំនរបាក់បែកកាលពីថ្ងៃពុធ ទី ២៣ វិច្ឆិកា ម្សិលមិញនេះ បន្ទាប់ពីស្ថិតនៅក្រោមគំនរបាក់បែកអគារអស់រយៈពេល២ថ្ងៃ ក្រោយពេលគ្រោះរញ្ជួយដីវា.យប្រហារខេត្ត West Java របស់ឥណ្ឌូនេស៊ី។
ទីភ្នាក់ងារជាតិគ្រប់គ្រងគ្រោះមហន្តរាយរបស់ឥណ្ឌូនេស៊ី (BNPB) បាននិយាយថាក្រុមជួយសង្គ្រោះ បានរកឃើញកុមារា Azka Maulana Malik នៅក្នុងភូមិ Nagrak នៃតំបន់ Cianjur។
ក្មេងប្រុសជីវិតថ្លៃរូបនេះត្រូវបានរកឃើញនៅក្បែរសាកស.ពជីដូនរបស់គាត់ ហើយបច្ចុប្បន្ន គាត់កំពុងត្រូវបានគេព្យាបាលនៅមន្ទីរពេទ្យ Cianjur។ ក្រុមជួយសង្គ្រោះបានយកសាកស.ពរបស់ឪពុកម្តាយគាត់ចេញមុននេះ។
សូមបញ្ជាក់ថា គ្រោះរញ្ជួយដីកម្រិត ៥,៦ រិចទ័របានវា.យប្រហារតំបន់ Cianjure ក្នុងខេត្ត West Java កាលពីថ្ងៃចន្ទកន្លងទៅនេះក្នុងជម្រៅ ១០គីឡូម៉ែត្រ បណ្តាលឱ្យអគារជាច្រើនខ្នងបានដួលរលំ។
គិតមកត្រឹមថ្ងៃពុធ ចំនួនអ្នកស្លា.ប់បានកើនឡើងដល់ ២៧១នាក់ ខណៈអ្នករបួសមានជាង ២.០០០នាក់៕ (យោងតាមប្រភព៖ CNN)
ចែករំលែកព័តមាននេះ