ក្រោយច្រៀងមានអ្នកគាំទ្រច្រើន ឡៅ ចន្ទ្រា ចង់កាន់ក្បាលមីក្រូចេញរកលុយតាមឆាកតន្ត្រីនានា
- ភ្នំពេញ
រាជធានីភ្នំពេញ ៖ ក្រោយពីបង្ហាញខ្លួនជាតារាចម្រៀងអាថ៌កំបាំងក្នុងកម្មវិធី The Wall Song
រាជធានីភ្នំពេញ ៖ ក្រោយពីបង្ហាញខ្លួនជាតារាចម្រៀងអាថ៌កំបាំងក្នុងកម្មវិធី The Wall Song
រាជធានីភ្នំពេញ ៖ ក្រោយពីបង្ហាញខ្លួនជាតារាចម្រៀងអាថ៌កំបាំងក្នុងកម្មវិធី The Wall Song Cambodia របស់ PNN កីឡាករឡៅ ចន្ទ្រា បានធ្វើឱ្យមហាជន និងតារាកិត្តិយស សរសើរមិនដាច់ពីមាត់ថា កីឡាកររូបនេះបកស្រាយបទចម្រៀងពីរោះដូចតារាចម្រៀងអាជីព ។
ក្រោយពីទទួលការសរសើរពីសំណាក់មហាជនបែបនេះ កីឡាករ ឡៅ ចន្ទ្រា បានបង្ហាញអារម្មណ៍រំភើបយ៉ាងខ្លាំង រហូតលោកមានបំណងចង់ចេញរកលុយតាមកម្មវិធីតន្ត្រី ហើយប្រសិនមានកម្មវិធីហៅទៅច្រៀង លោកនឹងទៅទោះបីតម្លៃខ្លួនបានតិចជាងការឡើងសង្វៀនប្រដាល់ក្តី ។ ការបង្ហាញខ្លួន និងបញ្ចេញសមត្ថភាពច្រៀងលើឆាកតន្ត្រីរបស់កីឡាករ ឡៅ ចន្ទ្រា លើកនេះ លោកបានបកស្រាយបទចម្រៀងរួមជាមួយតារាកិត្តិយស លោក គង់ ចំរើន ដែលមានចំណងជើងថា «ជំងឺខ្វះអ្នកថែរស់បានយូរប៉ុនណា»ពីសំនៀងដើមឧកញ៉ា ខេមរៈ សិរីមន្ត ។
ការបកស្រាយបទចម្រៀងរបស់កីឡាករប្រដាល់ខាងលើ បានធ្វើឱ្យទស្សនិកទស្សនាកម្មវិធីនេះ រួមទាំងតារាកិត្តិយសផង បានពោលសរសើរ ឡៅ ចន្ទ្រា មិនដាច់ពីមាត់ថា លោកមិនត្រឹមជាកីឡាករប្រដាល់មានប្រជាប្រិយភាពប៉ុណ្ណោះទេ ថែមទាំងអាចបកស្រាយបទចម្រៀងបានពីរោះដូចតារាចម្រៀងអាជីពថែមទៀត។
ទន្ទឹមនឹងទទួលបានការលើកសរសើរជាច្រើននេះដែរ លោក ឡៅ ចន្ទ្រា បានបង្ហាញចំណាប់អារម្មណ៍តាមទូរសព្ទប្រាប់អ្នកសារព័ត៌មានថា ពេលទស្សនិកជនសរសើរលោកច្រៀងពីរោះ លោកពិតជាមានចិត្តរំភើបនិងសប្បាយយ៉ាងខ្លាំង ។ ក្នុងនោះដែរ លោកបានឱ្យដឹងទៀតថា សម្រាប់អ្នកគាំទ្រដែលចង់ឱ្យលោកច្រៀង Cover នោះលោកមិនទាន់គិតនោះទេ ប៉ុន្តែបើមានក្រុមហ៊ុនចង់ហៅចុះកុងត្រាជាមួយលោកក៏មិនបដិសេធដែរ ។
បន្ថែមពីនេះ កីឡាករ ឡៅ ចន្ទ្រា បានឱ្យដឹងទៀតថា ទោះបីជាពេលនេះមិនទាន់មានម្ចាស់កម្មវិធីតន្ត្រីផ្សេងៗ ហៅលោកទៅច្រៀងក្តី ប៉ុន្តែប្រសិនជាម្ចាស់កម្មវិធី ចង់ហៅលោកទៅច្រៀងនោះ លោក
នឹងទៅ គឺមិនបដិសេធទេ ទោះបីជាតម្លៃខ្លួនបានតិចជាងការវាយប្រដាល់ក្តី។
គួរបញ្ជាក់ថា កីឡាករជើងខ្លាំងលំដាប់ A ឡៅ ចន្ទ្រា ពេលឡើងប្រកួតលើសង្វៀនម្តងៗមានតម្លៃខ្លួនចន្លោះពី៥០០ទៅ៧០០ដុល្លារក្នុងមួយប្រកួត ប៉ុន្តែមួយរយៈចុងក្រោយនេះ លោកហាក់ពុំបង្ហាញវត្តមានញឹកញាប់នៅលើសង្វៀនទេ ខណៈដែលលោកបានឡើងគីឡូធំ។
ទោះបីយ៉ាងណា ការណ៍ដែលឡៅ ចន្ទ្រា បង្ហាញចេតនាចង់ចេញរកលុយពីការងារសិល្បៈបន្ថែមនេះ សង្ឃឹមថា ទស្សនិកជន នឹងជួយគាំទ្រមិនខានឡើយ ៕
ចែករំលែកព័តមាននេះ