ខេត្តស្វាយរៀង ៖ ទូកកាណូតប៉ុកចៃឈ្មួញវៀតណាមរាប់សិបគ្រឿង បានសម្រុកចូលមកទិញស្រូវខ្មែរតាមផ្លូវទឹកនៅចំណុចប្រឡាយទាហានស្លាបប៉ុស្តិ៍ច្រកទ្វាព្រំដែនអន្តរជាតិព្រៃវល្ល៍ ក៏ប៉ុន្តែកសិករអ្នកផលិតនិយាយត្អូញត្អែថា ឈ្មួញអ្នកប្រមូលទិញស្រូវឲ្យតម្លៃទាប ស្រូវចម្រុះក្នុង១គីឡូក្រាមត្រឹមតែ៨០០រៀល ទៅ៩៥០រៀលប៉ុណ្ណោះ។ ប្រជាពលរដ្ឋបានត្អូញត្អែនេះកើតឡើងនៅព្រឹកថ្ងៃទី២៣ វិច្ឆិកា…
ខេត្តស្វាយរៀង ៖ ទូកកាណូតប៉ុកចៃឈ្មួញវៀតណាមរាប់សិបគ្រឿង បានសម្រុកចូលមកទិញស្រូវខ្មែរតាមផ្លូវទឹកនៅចំណុចប្រឡាយទាហានស្លាបប៉ុស្តិ៍ច្រកទ្វាព្រំដែនអន្តរជាតិព្រៃវល្ល៍ ក៏ប៉ុន្តែកសិករអ្នកផលិតនិយាយត្អូញត្អែថា ឈ្មួញអ្នកប្រមូលទិញស្រូវឲ្យតម្លៃទាប ស្រូវចម្រុះក្នុង១គីឡូក្រាមត្រឹមតែ៨០០រៀល ទៅ៩៥០រៀលប៉ុណ្ណោះ។
ប្រជាពលរដ្ឋបានត្អូញត្អែនេះកើតឡើងនៅព្រឹកថ្ងៃទី២៣ វិច្ឆិកា ២០២២ នៅភូមិព្រៃវល្ល៍ ឃុំថ្មី ស្រុកកំពង់រោទ៍។ បើតាមសមត្ថកិច្ចបានឲ្យដឹងថា គិតចាប់ពីពាក់កណ្តាលខែវិច្ឆិកា២០២២នេះ ឈ្មួញបាននាំស្រូវចេញទៅប្រទេសវៀតណាមគិតជាមធ្យមជាង៣០០តោន ទៅ៥០០តោនក្នុង១ថ្ងៃ ។
ប្រភពបន្តទៀតថា ឈ្មួញវៀតណាមបានចូលទូកកាណូតប៉ុកចៃ មកទិញស្រូវខ្មែរ នៅចំណតទូកប្រឡាយទាហាន ស្លាបច្រកទ្វារព្រំដែនអន្តរជាតិព្រៃវល្លិ៍ ស្ថិតនៅភូមិព្រៃវល្លិ៍ ឃុំថ្មី ស្រុកកំពង់រោទ៍ ។
ទាក់ទិនករណីវៀតណាមសម្រុកចូលមកទិញស្រូវនេះដែរ មន្ត្រីម្នាក់សុំមិនបញ្ចេញឈ្មោះបានប្រាប់ឲ្យដឹងដែរថា ឈ្មួញអ្នកប្រមូលទិញស្រូវពីប្រជាកសិករផ្ទាល់ ស្រូវចម្រុះ «ស្រូវ ខា ៥៤ ឬស្រូវស្រាលបាយរឹង» ស្រូវសើម ក្នុង១គីឡូ ក្រាម៨០០រៀល ទៅ៩៥០រៀល ។ បើដឹកមកដល់ចំណតទូក វៀតណាមទិញក្នុង១គីឡូក្រាម១,១០០រៀល ចំពោះស្រូវក្រអូប ទិញពីកសិករផ្ទាល់១គីឡូក្រាម១,០៥០ ទៅ១,១០០រៀល លក់ឲ្យឈ្មួញវៀតណាមតម្លៃ ១គីឡូក្រាមតម្លៃ១,២០០ទៅ១,៣០០រៀល។
បើតាមអាជីវករអ្នកប្រមូលទិញស្រូវពីកសិករផ្ទាល់បានលើឡើងថា បញ្ហាពួកគេប្រមូលទិញស្រូវពីកសិករផ្ទាល់ឲ្យតម្លៃទាប ដោយចំណាយតាមផ្លូវច្រើន គិតថ្លៃឈ្នួលរថយន្តដឹក ថ្លៃកម្មករលើកដាក់រថយន្ត លើកចុះទូក និងបង់សេវាសមត្ថកិច្ចតាមផ្លូវនិងចំណតទូក ដូច្នេះ ត្រូវចំណាយច្រើន បើកសិករគាត់យកមកលក់ផ្ទាល់ដល់ចំណតទូកវៀតណាមទិញ ស្រូវចម្រុះ១គីឡូក្រាមតម្លៃ១,១០០រៀល ស្រូវក្រអូបស្ងួត១គីឡូតម្លៃ១,៣០០រៀល។
អាជីវករម្នាក់បានឲ្យដឹងថា គាត់ទិញស្រូវក្រអូប (ផ្កាម្លិះ) ពីខេត្តបន្ទាយមានជ័យ គឺត្រូវចំណាយលើសមត្ថកិច្ចតាមដងផ្លូវអស់ច្រើន ហើយអាជីវករវៀតណាមទិញ ស្រូវគេកាត់ក្នុងរថយន្ត១គ្រឿង១០០គីឡូក្រាមស្រូវសើម (រថយន្ត១គ្រឿង២០តោនទៅ២៥តោន) ។
ទាក់ទិនករណីនេះដែរ លោកសុខ សុទ្ធាវុធ ប្រធានមន្ទីរកសិកម្មរុក្ខាប្រម៉ាញ់និងនេសាទខេត្ត
ស្វាយរៀងបានប្រាប់កោះសន្តិភាពតាមទូរសព្ទ័នាព្រឹកថ្ងៃទី២៣ វិច្ឆិកា នេះថា ឈ្មួញនាំស្រូវចេញទៅប្រទេសវៀតណាមក្នុង១ថ្ងៃ ៣,៥០០គីឡូក្រាម (ជាង៣តោនប៉ុណ្ណោះ) តាមរបាយការណ៍មន្ត្រី ការិយាល័យកសិកម្មនៃរដ្ឋបាលស្រុកកំពង់រោទ៍ដោយមានការរាយការណ៍រួមគ្នា ពីមន្ត្រីគយនិងមន្ត្រីច្រកទ្វារព្រំដែនអន្តរជាតិព្រៃវល្លិ៍ គឺរបាយការណ៍ក្នុងសប្តាហ៌មុនហើយនៅសប្តាហ៌នេះមិនទាន់ទទួលរបាយការណ៍ទេ ។ ចំណែកមន្ត្រីសមត្ថកិច្ចឈជើងនៅច្រកទ្វារព្រំដែនទឹកព្រៃវល្លិ៍ប្រាប់ថា ចាប់ពីពាក់កណ្តាលខែវិច្ឆកា២០២២នេះ ក្នុង១ថ្ងៃឈ្មួញនាំស្រូវទៅប្រទេសវៀតក្នុង១ថ្ងៃ៣០០តោនទៅ៥០០តោន មិនមែនជាង៣តោនទេទានគឺខុសគ្នាឆ្ងាយណាស់ ។
មហាជនបានលើកឡើងថា មន្ត្រីនៃមន្ទីរកសិកម្មគួរយកចិត្តទុកដាក់លើទីផ្សារ ស្រូវជូនប្រជាកសិករអ្នកផលិត ចៀសវាងតម្លៃស្រូវតាមមាត់ឈ្មួញ។
ព័ត៌មានលម្អិតនឹងមានផ្សាយជូនលើកាសែតកោះសន្តិភាព
ចែករំលែកព័តមាននេះ