ប្រធានការិយាល័យនិតិកម្មក្រសួងធនធានទឹកត្រូវខ្មាំងកាំភ្លើងបាញ់3គ្រាប់ស្លាប់
រាជធានីភ្នំពេញ ៖ បុរសម្នាក់ជាប្រធានការិយាល័យនិតិកម្មក្រសួងធនធានទឹកខណៈបើករថយន្តចេញពីកម្មវិធីនៅកោះពេជ្រមកដល់ផ្លូវបត់ចូលផ្ទះទៅហើយ ស្រាប់តែ
រាជធានីភ្នំពេញ ៖ បុរសម្នាក់ជាប្រធានការិយាល័យនិតិកម្មក្រសួងធនធានទឹកខណៈបើករថយន្តចេញពីកម្មវិធីនៅកោះពេជ្រមកដល់ផ្លូវបត់ចូលផ្ទះទៅហើយ ស្រាប់តែមានខ្មាំងកាំភ្លើង២នាក់ជិះម៉ូតូមកតាមបាញ់សម្លាប់ត្រូវចំនួនបីគ្រាប់បណ្តាលឱ្យស្លាប់ក្នុងរថយន្តតែម្តង ។ ហេតុការណ៍នេះបង្កឱ្យមានការភ្ញាក់ផ្អើកាលពីម៉ោងប្រហែល៩និង៣០នាទីយប់ថ្ងៃទី១៣ ខែឧសភា ឆ្នាំ២០១៧ នៅចំណុចមុខផ្ទះលេខ៤៤១Eo ផ្លូវលំ ភូមិប៉ប្រក់ខាងត្បូង សង្កាត់កាកាប ខណ្ឌពោធិ៍សែនជ័យ ។ បុរសដែលគេបាញ់សម្លាប់ឈ្មោះ សឿង ផានិត អាយុ២៧ឆ្នាំ ជាប្រធានការិយាល័យនិតិកម្មក្រសួងធនធានទឹកស្នាក់នៅផ្ទះលេខ៨៥១ ផ្លូវលំ ភូមិប៉ប្រក់ខាងត្បូង សង្កាត់កាកាប ខណ្ឌពោធិ៍សែនជយ័ ។
តាមប្រភពបានឱ្យដឹងថា មុនពេលកើតហេតុជនរងគ្រោះបានបើករថយន្តម៉ាកកាម៉ារីពណ៌ទឹកប្រាក់ពាក់ស្លាកលេខ ភ្នំពេញ2P-9758 ចេញពីហូបការនៅកោះពេជ្រ ខណៈត្រលប់មកផ្ទះវិញដល់ចំណុចមុខផ្ទះលេខ៤៤១ ផ្លូវលំ ភូមិប៉ប្រក់ខាងត្បូង សង្កាត់កាកាប ស្រាប់តែមានជនសង្ស័យ២នាក់ជិះម៉ូតូមួយគ្រឿងម៉ាកហុងដាឌ្រីមសេ១២៥ ពណ៌ខ្មៅ មិនចាំស្លាកលេខ ប្រដាប់ដោយអាវុធខ្លីមួយដើមមិនស្គាល់ម៉ាកសកម្មភាពបាញ់សំដៅជនរងគ្រោះនៅក្នុងរថយន្តចំណុចទ្វាខាងឆ្វេងចំនួនបីគ្រាប់បណ្តាលឱ្យត្រូវស្លាប់តែម្តង ។ បន្ទាប់ពីជនសង្ស័យបាញ់រួចបានជិះម៉ូតូគេចខ្លួនទៅទិសខាងត្បូងបាត់ស្រមោលតែម្តង ។
ក្រោយកើតហេតុសមត្ថកិច្ចជំនាញរបស់ការិយាល័យនគរបាលបច្ចេកទេស និងវិជ្ជសាស្ត្ររាជធានីភ្នំពេញចុះពិនិត្យសាកសពខាងលើឃើញថា ត្រូវបានឃាតករជាខ្មាំងកាំភ្លើងបាញ់ត្រូវចំនួនបីគ្រាប់ ចំស្មាខាងឆ្វេងចំនួនបីកន្លែងបណ្តាលឱ្យស្លាប់នៅ និងកន្លែងបន្សល់ទុកសំបកគ្រាប់ចំនួន២គ្រាប់នៅកន្លែងកើតហេតុផងដែរ ។ ក្នុងករណីនេះសមត្ថកិច្ចនៅមិនទាន់សន្និដ្ឋានថា ជារឿងគំនុំឬជាករណីឃាតកម្មនៅឡើយទេ ដោយសមត្ថកិច្ចកំពុងធ្វើការស្រាវជ្រាវនៅឡើយ រីឯសពក្រោយពិនិត្យរួចបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ