ភ្នំពេញ៖ នៅល្ងាចថ្ងៃទី២០ ខែវិច្ឆិកា ឆ្នាំ២០២២នេះ មានសាឡង់ដឹកខ្សាច់មួយគ្រឿង បានបើកបុកស្ពានដែកបាឡេ នៅឫស្សីកែវ ឆ្លងទន្លេសាប ភ្ជាប់ក្រុងរណបជ្រោយចង្វា មកកាន់ផ្លូវជាតិលេខ៥…
ភ្នំពេញ៖ នៅល្ងាចថ្ងៃទី២០ ខែវិច្ឆិកា ឆ្នាំ២០២២នេះ មានសាឡង់ដឹកខ្សាច់មួយគ្រឿង បានបើកបុកស្ពានដែកបាឡេ នៅឫស្សីកែវ ឆ្លងទន្លេសាប ភ្ជាប់ក្រុងរណបជ្រោយចង្វា មកកាន់ផ្លូវជាតិលេខ៥ ចំណុចឃ្លាំងសាំង បណ្តាលឱ្យសាឡង់នោះ លិច និងពិតជាប់ជាមួយសសរស្ពាន។
ដើម្បីបង្ការគ្រោះថ្នាក់ រដ្ឋបាលរាជធានីភ្នំពេញ បានសម្រេចផ្អាកការធ្វើចរាចរណ៍ជាបណ្តោះអាសន្ន លើស្ពានដែកបាឡេនោះ ចាប់ពីល្ងាចថ្ងៃទី២០វិច្ឆិកានេះ។ នៅជាប់នឹងស្ពានដែកបាឡេនោះ ការដ្ឋានសាងសង់ស្ពានថ្ម ក៏កំពុងដំណើរការនៅឡើយ។ ដូច្នេះចរាចរណ៍ នឹងត្រូវបុកមកឆ្លងតាមស្ពានជ្រោយចង្វារ ដែលអាចនឹងបង្កការកកស្ទះចរាចរណ៍ជាងមុន។
សូមរម្លឹកថា កាលពីថ្ងៃទី១០ ខែកញ្ញា ឆ្នាំ២០១៩ ស្ពានដែកបាឡេឬស្សីកែវ ក៏ត្រូវបានសាឡង់ដឹកប្រេងរបស់ក្រុមហ៊ុន «សាវីមិច» បើកបុក។ ភ្លាមៗ នៅថ្ងៃទី១១ ខែកញ្ញា ឆ្នាំ២០១៩ អាជ្ញាធរបានសម្រេចផ្អាកចរាចរណ៍នៅស្ពានដែកបាឡេឬស្សីកែវ ជាបណ្តោះអាសន្នមួយរយៈផងដែរ៕
ចែករំលែកព័តមាននេះ