លោក Elon Musk បាន​ចាប់ផ្តើម​ធ្វើការ​ស្ទង់​មតិ​លើ Twitter កាលពី​ថ្ងៃ​សុក្រ ទី ១៨ វិ​ច្ឆ​ការ​ម្សិលមិញ​នេះ ដោយ​ស្នើ​ឱ្យ​អ្នកគាំទ្រ​របស់​លោក​បោះ​ឆ្នោត​ថា​តើ​ត្រូវ​ឱ្យ​គណនេយ្យ​របស់​អតីត​ប្រធានាធិបតី​អា​មេ​រិ​ក Donald Trump ដំណើរការ​លើ Twitter វិញ​ឬ​យ៉ាងណា​។

លទ្ធផល​ដំបូង​នៃ​ការ​ស្ទង់​មតិ​បាន​បង្ហាញ​ថា អ្នកបោះឆ្នោត​ប្រហែល ៦០​ភាគរយ​ឆ្លើយ​ថាអោយ​ដំណើរការ​វិញ (Yes)​។ ការ​ស្ទង់​មតិ​នោះ​បើក​ឱ្យធ្វើ​រយៈពេល ២៤​ម៉ោង។

ម្ចាស់​ថ្មី​របស់ Twitter រូប​នេះ​បាន​សរសេរ​ជា​ឃ្លា​ឡា​តាំង​ថា “Vox Populi, Vox Dei” ដែល​មាន​ន័យ​ថា សំឡេង​របស់​ប្រជាជន​ជា​សំឡេង​របស់​ព្រះ​។

សូម​បញ្ជាក់​ថា លោក Elon Musk ធ្លាប់​បាន​និយាយ​កាលពី​ខែឧសភា​ថា លោក​នឹង​ដាក់​ឱ្យ​គណនេយ្យ​របស់​លោក Donald Trump ដំណើរការ​វិញ បន្ទាប់​ពី​គណនេយ្យ​របស់​លោក​ត្រូវ​បាន​ផ្អាក បន្ទាប់​ពី​មានការ​វា​.​យ​ប្រហារ​លើ​វិមាន​រដ្ឋាភិបាល​អា​មេ​រិ​ក​កាលពី​ឆ្នាំ​មុន​។

លោក​និយាយ​មុន​នេះ​ថា ការ​សម្រេចចិត្ត​ដើម្បី​យក​គណនេយ្យ​របស់​លោក Donald Trump ត្រឡប់​មក​វិញ​មិន​ទាន់​ត្រូវ​បាន​ធ្វើ​ឡើង​ទេ​៕ (​យោង​តាម​ប្រភព​៖ Reuters)