កូនស្រីបង្កើតរបស់មេដឹកនាំកូរ៉េខាងជើង Kim Jong-un ត្រូវបានបង្ហាញដល់ពិភពលោក នៅក្នុងការបង្ហាញខ្លួនជាសាធារណៈលើកដំបូងបង្អស់កាលពីថ្ងៃទី១៨ វិច្ឆិកា ម្សិលមិញនេះ។ នេះបើយោងតាមប្រព័ន្ធផ្សព្វផ្សាយរដ្ឋ KCNA។ រូបភាពដែលចែលរំលែកដោយទីភ្នាក់ងាររដ្ឋបានបង្ហាញថា…
កូនស្រីបង្កើតរបស់មេដឹកនាំកូរ៉េខាងជើង Kim Jong-un ត្រូវបានបង្ហាញដល់ពិភពលោក នៅក្នុងការបង្ហាញខ្លួនជាសាធារណៈលើកដំបូងបង្អស់កាលពីថ្ងៃទី១៨ វិច្ឆិកា ម្សិលមិញនេះ។ នេះបើយោងតាមប្រព័ន្ធផ្សព្វផ្សាយរដ្ឋ KCNA។
រូបភាពដែលចែលរំលែកដោយទីភ្នាក់ងាររដ្ឋបានបង្ហាញថា ក្មេងស្រីស្ថិតក្នុងសំលៀកបំពាក់អាវធំពណ៌.សឈរកាន់ដៃលោក Kim Jong-un ខណៈពួកគេឈរនៅជិតឧបករណ៍យោធា។
KCNA មិនបានបញ្ចេញឈ្មោះរបស់នាងនោះទេ។ នាងទំនងជាមកតាមលោក Kim Jong-un ដែលធ្វើការត្រួតពិនិត្យការបា.ញ់សាកល្បងមីស៊ីលកាលពីថ្ងៃសុក្រម្សិលមិញនេះ។
ជីវិតឯកជនរបស់មេដឹកនាំផ្តាច់ការរូបនេះត្រូវបានគេដឹងតិចតួចប៉ុណ្ណោះ។ ប៉ុន្តែក្នុងឆ្នាំ២០១៣ អតីតតារាបាល់បោះ Dennis Rodman បានប្រាប់កាសែតអង់គ្លេស The Guardian ដូច្នេះថា លោក Kim Jong-un មានកូនស្រីម្នាក់ឈ្មោះ Ju Ae។
លោកនិយាយថា លោកបានចំណាយពេលជាមួយនឹងគ្រួសាររបស់មេដឹកនាំកូរ៉េខាងជើង និងបានហៅលោក Kim Jong-un ថាជាឪពុកដ៏ល្អ ហើយលោកថែមទាំងបាននិយាយជាមួយភរិយារបស់លោក Kim Jong-un ទៀតផងឈ្មោះ Ri Sol Ju។
មានការចុះផ្សាយកាលពីឆ្នាំ២០១២ថា លោកស្រី Ri Sol Ju ប្រហែលមានផ្ទៃពោះ បន្ទាប់ពីរូបថតមួយសន្លឹករបស់គាត់ដែលថតដោយប្រព័ន្ធផ្សព្វផ្សាយរដ្ឋបានបង្ហាញថា គាត់ពាក់អាវវែងដែលសម្រាប់លាក់បាំង។ ប៉ុន្តែអាជ្ញាធរកូរ៉េខាងជើងរក្សាភាពស្ងៀមស្ងាត់ចំពោះបញ្ហានោះ។
ប្រព័ន្ធផ្សព្វផ្សាយមិនបានប្រកាសពីការរៀបអាពាហ៍ពិពាហ៍របស់លោក Kim Jong-un រហូតដល់ខែតុលា ឆ្នាំ ២០១២ ប្រហែល ៣ឆ្នាំបន្ទាប់ពីភ្នាក់ងារស៊ើបការណ៍របស់កូរ៉េខាងត្បូងជឿជាក់ថា ការរៀបអាចបានកើត ឡើង។
ភ្នាក់ងារសេវាកម្មស៊ើបការណ៍សម្ងាត់របស់កូរ៉េខាងត្បូងបានឱ្យដឹងថា លោក Kim Jong-un និងភរិយារបស់លោកមានកូនចំនួន៣នាក់ជាមួយគ្នា៕ (យោងតាមប្រភព៖ CNN)
ចែករំលែកព័តមាននេះ