ខេត្តស្វាយរៀង ៖ ករណីគ្រូពេទ្យឆ្មបមណ្ឌលសុខភាពសង្ឃ័រធ្វើការធ្វេសប្រហេសបង្កឱ្យកើតរឿងផ្អើលពេញប្រទេស លើករណីស្ត្រីឈ្មោះសេង រតនា អាយុ២៨ឆ្នាំ នៅភូមិរមាំងថ្កោល ឃុំរមាំងថ្កោល ស្រុកស្វាយទាប សម្រាលកូនភ្លាមត្រូវសត្វពស់ចម្លែកពាំយកទៅបាត់…
ខេត្តស្វាយរៀង ៖ ករណីគ្រូពេទ្យឆ្មបមណ្ឌលសុខភាពសង្ឃ័រធ្វើការធ្វេសប្រហេសបង្កឱ្យកើតរឿងផ្អើលពេញប្រទេស លើករណីស្ត្រីឈ្មោះសេង រតនា អាយុ២៨ឆ្នាំ នៅភូមិរមាំងថ្កោល ឃុំរមាំងថ្កោល ស្រុកស្វាយទាប សម្រាលកូនភ្លាមត្រូវសត្វពស់ចម្លែកពាំយកទៅបាត់ ហើយត្រូវអាជ្ញាធរស្រុកដឹកនាំកម្លាំងចុះស្រាវជ្រាវ រួចបានចេញលិខិតបំភ្លឺ និងបដិសេធថា ជាករណីប្រឌិតផ្តល់ព័ត៌មានមិនពិត ។ សូមរំលឹកថា៖ អាជ្ញាធរស្រុកស្វាយទាប បញ្ជាក់ថា ស្ត្រីដែលប្រឌិតរឿងសត្វពស់ពាំកូនរបស់នាងទៅបាត់ គឺចង់បានប្រាក់ខែពីរោងចក្រ
ក៏ប៉ុន្តែមានសារព័ត៌មានជាច្រើន បានចុះទៅយកព័ត៌មានផ្ទាល់ដល់ផ្ទះស្ត្រីឈ្មោះសេង រតនា និងក្រុមគ្រួសារ ព្រមទាំងប្រជាពលរដ្ឋជិតខាងក្នុងភូមិ ហើយបកស្រាយនិងវិភាគផ្អើលតាមបណ្តាញសង្គម ដោយស្ត្រីឈ្មោះសេង រតនា បង្ហាញបណ្ណ័លឿង បណ្ណ័ពិនិត្យផ្ទៃពោះចេញដោយមណ្ឌលសុខភាពសង្កាត់សង្ឃ័រ ក្រុងស្វាយរៀង ធ្វើឲ្យកាន់តែមានសំណួរដេញដោល ។
ជាក់ស្តែង នៅព្រឹកថ្ងៃទី១៨ វិច្ឆិកា ២០២២ លោកប្រធានមន្ទីរសុខាភិបាលនៃរដ្ឋបាលសាលាខេត្តស្វាយរៀង បានចាត់លោកអនុប្រធានមន្ទីរសុខាភិបាលខេត្ត ដឹកនាំលោកប្រធានមន្ទីរពេទ្យបង្អែក ក្រុងស្វាយរៀង ចុះទៅជួបមន្ត្រីឆ្មបមណ្ឌលសុខភាពសង្ឃ័រ ដើម្បីបញ្ជាក់អំពីករណីចេញបណ្ណ័ពិនិត្យផ្ទៃពោះឲ្យឈ្មោះសេង រតនា ដែលនាំឲ្យបង្កើតរឿង សម្រាលកូនមកសត្វពស់ពាំយកកូនទៅបាត់ ។
លោកវេជ្ជបណ្ឌិត គុជ ស៊ីថា ប្រធានមន្ទីរសុខាភិបាលនៃរដ្ឋបាលខេត្តស្វាយរៀងបានមានប្រសាន៍ថា នេះជាករណី នៃការធ្វេសប្រហេសរបស់មន្ត្រីមណ្ឌលសុខភាពសង្ឃ័រ។ លោកវេជ្ជបណ្ឌិតបញ្ជាក់ថា ទំនងឈ្មោះសេង រតនា បានមកនិយាយកុហក់ គ្រូពេទ្យករណីមានផ្ទៃពោះ ដោយប្រាប់ពេទ្យថា ខ្លួនបាត់រដូវ គ្រូពេទ្យក៏បានពិនិត្យសុខភាព ដោយស្ត្រីនោះធាត់ផង និង២ខែដំបូង គឺមិនអាចពិនិត្យដឹងថា មានគត៌ ឫអត់នោះទេ ក៏បានចេញបណ្ណ័ពិនត្យផ្ទៃពោះឲ្យ ។
ដល់ខែក្រោយមក ពិនិត្យសុខភាពទៀត គឺជួបគ្រូពេទ្យទីពីរមិនបានពិនិត្យដឹតដល់ទ្វេសប្រហេស ថ្លឹងទម្ងន់ហើយក៏បានបើកថ្នាំរក្សាគ៌រ ឲ្យ ។ ក្រោយៗមក គ្រាន់តែសួរនាំថ្លឹងទម្ងន់មិនបានពិនិត្យ វាស់កំហាប់ឈាម តាមដានចង្វាក់បេះដូង មើលជីបចរ ម្យ៉ាងដោយមណ្ឌលសុខភាពពុំមាន ឧបករណ៍ ថតអេកូ ដូចមន្ទីរពេទ្យបង្អែក ទើបធ្វើឲ្យមានការថ្លោះធ្លោយបែបនេះ ដោយស្ត្រីខាងលើ ផ្តល់ព័ត៌មានកុហក់ពេទ្យ ដោយចង់បានផលប្រយោជន៍ផង ទើបកើតបញ្ហាបែបនេះ ។
ដោយការធ្វើការធ្វេសប្រហេសនេះហើយ ទើបលោកឲ្យលោកអនុប្រធានមន្ទីរសុខាភិបាល និងលោកប្រធានមន្ទីរពេទ្យបង្អែកចុះទៅសាកសួររកមូលហេតុ និងជាបទពិសោធន៍ជាមេរៀន ។ លោកវេជ្ជបណ្ឌិតបានប្រជុំដាក់វិធានការរឹតបន្តឹងដល់មន្ត្រីពេទ្យឆ្មបមណ្ឌល់សុខភាពឃុំសង្កាត់ គ្រប់មណ្ឌលសុខភាពទូទាំងខេត្តត្រូវអនុវត្តការងារ ពិនិត្យផ្ទៃពោះ ជូនស្ត្រី មានគ័រ(មានផ្ទៃពោះ)ត្រូវតែពិនិត្យឲ្យបានត្រឹមត្រូវតាមជំនាញវិជ្ជាជីវៈ ចៀសវាង មានការថ្លោះធ្លោយ ដោយដារតែការធ្វេសប្រហេសបន្តទៀត ។
មន្ទីរសុខាភិបាលនៃរដ្ឋបាលខេត្តស្វាយរៀងបានចេញលិខិតបំភ្លឺ ករណីស្ត្រីឈ្មោះសេង រតនា នៅភូមិរមាំងថ្កោលឃុំរមាំងថ្កោលស្រុកស្វាយទាប សម្រាលកូនភ្លាមត្រូវសត្វពស់ពាំយកទៅបាត់គឺជារឿងប្រឌិត ។ សូមរំលឹកថា៖ រឿងសឹងមិនគួរជឿ៖ សត្វពស់ពាំកូនង៉ែតយកទៅបាត់ស្រមោលនៅស្រុកស្វាយទាប
សូមអានលិខិតខាងក្រោម៖
ចែករំលែកព័តមាននេះ