ប៉េតង់កម្ពុជាឈ្នះមេដាយ៧គ្រឿង ពីការប្រកួតជើងឯកអាស៊ី លើកទី៤ នៅប្រទេសថៃ
- ភ្នំពេញ
រាជធានីភ្នំពេញ ៖ ក្រុមប្រតិភូ គ្រូបង្វឹក កីឡាករ កីឡាការិនីប៊ូល និងប៉េតង់កម្ពុជា ធ្វើបានយ៉ាងល្អ
រាជធានីភ្នំពេញ ៖ ក្រុមប្រតិភូ គ្រូបង្វឹក កីឡាករ កីឡាការិនីប៊ូល និងប៉េតង់កម្ពុជា ធ្វើបានយ៉ាងល្អ
រាជធានីភ្នំពេញ ៖ ក្រុមប្រតិភូ គ្រូបង្វឹក កីឡាករ កីឡាការិនីប៊ូល និងប៉េតង់កម្ពុជា ធ្វើបានយ៉ាងល្អក្នុងការប្រកួតជើងឯកអាស៊ីលើកទី៤ ចាប់ពីថ្ងៃទី១០-១៤ ខែវិច្ឆិកា ឆ្នាំ២០២២ នៅទីក្រុងបាងកក ប្រទេសថៃ ដោយដណ្តើមបានមេដាយសរុប៧គ្រឿងក្នុងនោះមេដាយមាស៣ ប្រាក់២ និងសំរឹទ្ធ២។
កញ្ញា គីន សំណាង អគ្គលេខាធិការរង សហព័ន្ធកីឡាប៊ូល និងប៉េតង់កកម្ពុជា បានបញ្ជាក់ពីប្រទេសថៃមកថា មេដាយចំនួន៧គ្រឿងរបស់ក្រុមជម្រើសជាតិប៉េតង់កម្ពុជា រួមមាន៖ មេដាយមាស ៣គ្រឿង ដណ្តើមបានលើវិញ្ញាសាយុវជនវាយយកពិន្ទុ អាយុក្រោម១៨ឆ្នាំ ដោយកីឡាករ អ៊ុត ដួងខែ ។
បុរសឈុតធំវិញ្ញាសាវាយយកពិន្ទុ ដោយកីឡាករ ថោង ឈឿន, វិញ្ញាសាបុរស ៣នាក់ទល់៣នាក់ ដោយកីឡាករ ថោង ឈឿន, កីឡាករ យឹម សុភ័ណ្ឌ, កីឡាករ សៅ សុភារ៉ាន់ និងកីឡាករ តិប នរ៉ា ។
មេដាយប្រាក់ ចំនួន ២គ្រឿងដណ្ដើមបានលើវិញ្ញាសានារីវាយយកពិន្ទុ ដោយកីឡាការិនី អ៊ុន ស្រីយ៉ា និងវិញ្ញាសានារី ៣នាក់ទល់៣នាក់ ដោយកីឡាការិនី អ៊ុន ស្រីយ៉ា, កីឡាការិនី អ៊ុក ស្រីមុំ, កីឡាការិនី ឃួន យ៉ារី និងកីឡាការិនី អ៊ុ ដាវីន។
ចំពោះមេដាយសំរឹទ្ធិ២គ្រឿង ដណ្តើមបានលើវិញ្ញាសាយុវជន ៣នាក់ទល់៣នាក់ អាយុក្រោម
១៨ឆ្នាំ ដោយកីឡាករ ភាព ផាឃិន, កីឡាករ អ៊ុត សុខជា, កីឡាការិនី ហាក់ ស្រីនុត និងកីឡាករ
នូច សុខេមរៈ ។ វិញ្ញាសាបុរស ៣នាក់ទល់៣នាក់ ដោយកីឡាករ ហេង ស៊ូមៀន, កីឡាករ ស៊ីន វង់,
កីឡាករ ញ៉ែម បូរ៉ា, និងកីឡាករ ពុធយ៉ុន ច័ន្ទដារ៉ា ។ ក្រៅពីមេដាយមាស ប្រាក់ និងមេដាយសំរឹទ្ធិ សរុបទាំង៧វិញ្ញាសា ដែលប៉េតង់កម្ពុជាដណ្តើមបាននេះ ក្រុមប៉េតង់កម្ពុជា ក៏ដណ្តើមបានពានរង្វាន់១ផងដែរ លើវិញ្ញាសាយុវជន ៣នាក់ទល់៣នាក់ អាយុក្រោម ១៨ឆ្នាំ ដែលនេះជាការប្រកួតពានរង្វាន់លើកទឹកចិត្ត។
គួរបញ្ជាក់ថា សហព័ន្ធកីឡាប៊ូលនិងប៉េតង់កម្ពុជា បានបញ្ជូនប្រតិភូ គ្រូបង្វឹក កីឡាករ កីឡាការិនីចំនួន២៧នាក់ ដឹកនាំដោយឯកឧត្តម ស៊ុម សុជាតិ អនុប្រធានសហព័ន្ធកីឡាប៊ូលនិងប៉េតង់កម្ពុជា ចូលរួមការប្រកួតកីឡាប៉េតង់ជើងឯកអាស៊ី លើកទី៤ ចាប់ពីថ្ងៃទី១០ដល់ថ្ងៃទី១៤ ខែវិច្ឆិកា ឆ្នាំ២០២២ ។ ជាការកត់សម្គាល់ ក្រុមប៉េតង់កម្ពុជា ដែលមានទាំងឈុតយុវជន និងឈុតធំបុរស-នារីចំនួន៨ក្រុម គឺដណ្តើមបានមេដាយ ៧ក្រុម ៕
ចែករំលែកព័តមាននេះ