ADផ្ទាំងផ្សព្វផ្សាយពាណិជ្ជកម្ម

Picture

ចាប់បានម៉ូតូ​កែច្នៃដាក់​បំពង់​ស៊ី​ម៉ាំង​ប្រែ​ន​​និង​ដាក់​អំ​ពូ​ល​ហ្វា​ឡា​ស៊ែរ​​​និងម្ចាស់

2 ខែ មុន
  • បន្ទាយមានជ័យ

ខេត្ត​បន្ទាយ​មាន​ជ័យ ​៖ ​ម៉ូតូ​កែ​ច្នៃ​ដាក់​បំពង់​ស៊ី​ម៉ាំង​ប្រែ​ន​ និង​ដាក់​អំ​ពូ​ល​ហ្វា​ឡាស៊ែរ​​​​ជាង​១០​គ្រឿង​ ត្រូវ​បាន​កម្លាំង​នគរបាល​ឃាត់​ធ្វើការ​អប់រំ​និង​កិច្ចសន្យា​​និងឱ្យដោះ​ចេញ​ ។​ ហើយបើចាប់​លើក​ក្រោយ​ទៀត នឹង​​ចាត់ការ​តាម​ច្បាប់ផ្លូវច្បាប់ ។ ការចាប់មកអប់រំលើកនេះ…

ខេត្ត​បន្ទាយ​មាន​ជ័យ ​៖ ​ម៉ូតូ​កែ​ច្នៃ​ដាក់​បំពង់​ស៊ី​ម៉ាំង​ប្រែ​ន​ និង​ដាក់​អំ​ពូ​ល​ហ្វា​ឡាស៊ែរ​​​​ជាង​១០​គ្រឿង​ ត្រូវ​បាន​កម្លាំង​នគរបាល​ឃាត់​ធ្វើការ​អប់រំ​និង​កិច្ចសន្យា​​និងឱ្យដោះ​ចេញ​ ។​ ហើយបើចាប់​លើក​ក្រោយ​ទៀត នឹង​​ចាត់ការ​តាម​ច្បាប់ផ្លូវច្បាប់ ។ ការចាប់មកអប់រំលើកនេះ ធ្វើឡើង​​នៅ​ថ្ងៃ​ទី​១៤ ខែ​វិច្ឆិកា​ ឆ្នាំ​២០២២ ស្ថិត​នៅ​ស្នងការដ្ឋាន​នគរបាល​ខេត្តបន្ទាយមានជ័យ​។

Picture

លោក​ឧត្តមសេនីយ៍ត្រី ង៉ា​ន់ ចាន់​ដា ស្នងការ​រង​ទទួល​ការងារ​សណ្តាប់ធ្នាប់​ និង​ចរាចរណ៍​ផ្លូវគោក​ខេត្តបន្ទាយមានជ័យ​បាន​ប្រាប់​ថា ​ជា​ការ​ណែនាំ​ពី​លោក​ឧត្តមសេនីយ៍ទោ សិទ្ធិ ឡោះ ស្នងការ​នគរ​បាល​ខេត្តបន្ទាយមានជ័យ ដើម្បី​មាន​វិធានការ​ចំពោះ​រថយន្ត​និង​យានយន្ត​ដែល​ដាក់​បំពង់​ស៊ី​ម៉ាំង​ប្រែ​ន​ និង​អំ​ពូ​ល​ហ្វា​ឡាស៊ែរ​ខុស​លក្ខណៈ​បច្ចេក​ទេស​​ដែល​ប៉ះ​ពាល់​ដល់​អ្នក​រួម​ដំណើរ​ និង​សាធារណៈ​ប្រឈម​គ្រោះថ្នាក់​កើត​មាន​។

Picture

លោក​បានអោយ​កម្លាំង​នគរបាល​ជំនាញ​បាន​ចុះ​អនុវត្តន៍​តាម​ដងផ្លូវ​សាធារណៈ​ដោយ​អនុវត្ត​ច្បាប់​​ចរាចរណ៍​ផ្លូវគោក​តាម​មាត្រា​លេខ​៦៦​ ដោយ​មន្ត្រី​នគរបាល​ចរាចរណ៍​ផ្លូវគោក​ត្រូវ​អនុវត្ត​អោយ​បាន ​ចំពោះ​រថយន្ត​និង​យានយន្ត​ដែល​ដាក់​បំពង់​ស៊ី​ម៉ាំង​ប្រែ​ន​និង​ភ្លើង​អំ​ពូ​ល​ប្រភេទ​ឡាស៊ែរ​ល្មើស​​និង​ច្បាប់​ត្រូវ​ឃាត់​មាន​ម៉ូតូ​ជាង​១០​គ្រឿង​ដែល​ភាគច្រើន​ប្រើប្រាស់​បំពង់​ស៊ី​ម៉ាំង​ប្រែ​ន​ខុស​ពី​លក្ខណៈ​បច្ចេកទេស​ប៉ៈ​ពាល់​សាធារណៈ និង​ដាក់​ភ្លើង​អំ​ពូ​ល​ហ្វារ​ប្រភេទ​ឡាស៊ែរ​ប៉ះ​ពាល់​អ្នក​រួម​ដំណើរ​។

Picture

លោក​ឧត្តមសេនីយ៍ត្រី ង៉ា​ន់ ចាន់​ដា បាន​បញ្ជាក់​ថា ​ក្រោយ​ឃាត់​ម៉ូតូ​ជាង​១០​គ្រឿង​ដែល​ដាក់​ស៊ី​ម៉ាំង​ប្រែ​ន និង​ដាក់​អំ​ពូ​ល​ភ្លើង​ឡាស៊ែរ ត្រូវ​បាន​យក​ទៅ​រក្សា​ទុក​នៅ​ការិយាល័យ​ចរាចរណ៍​ផ្លូវគោក​នៃ​ស្នងការដ្ឋាន​នគរបាល​ខេត្តបន្ទាយមានជ័យ ហើយ​អោយ​ម្ចាស់​ចូលខ្លួន​មក​ធ្វើ​កិច្ចសន្យា​ និង​អប់រំ​អោយ​បញ្ឈប់​សកម្មភាព​ដាក់​បំពង់​ស៊ី​ម៉ាំង​ប្រែ​ន និង​ដាក់​អំ​ពូ​ល​ហ្វា​ឡាស៊ែ​រហើយ​អោយ​ដោះ​ចេញ ​និង​ទិញ​មក​ដាក់​វិញ​នៅ​បំពង់​ស៊ី​ម៉ាំង និង​អំ​ពូ​ល​ហ្វារ​ដូច​ដើម​វិញ​ទើប​អោយ​យក​ម៉ូតូ​ចេញ ហើយ​ណែនាំ​អោយ​បញ្ឈប់​សកម្មភាព​ល្មើសច្បាប់​បើ​ឃាត់​លើក​ក្រោយ​ទៀត​មាន​វិធានការ​តាម​ច្បាប់​ ។

Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023