ជញ្ជីង​ស្ថិរភាព មន្ត្រី​បក្ស​កាន់​អំណាច​ថា នយោបាយ​ក្តៅ ត្រជាក់​មក​ពី​បក្ស​ប្រឆាំង


រាជធានី​ភ្នំពេញ ៖ ស្ថានការណ៍​នយោបាយ​ក្តៅ​ឬ​ត្រជាក់ គឺ​កើតមក​គណបក្សប្រឆាំង​ជា​អ្នក​លើក​ឡើង​រហូត ។ នេះ​បើ​តាម​ការ​អះអាង​របស់​មន្ត្រីជាន់ខ្ពស់គណបក្ស​កាន់​អំណាច ។

លោក សុខ ឥ​សាន អ្នកនាំពាក្យ​គណបក្ស​ប្រជាជន​កម្ពុជា បាន​ឲ្យ​ដឹង​តាម​ប្រព័ន្ធ​តេ​ឡេ​ក្រាម​នា​ថ្ងៃ​ទី​២៩ ខែមេសា​ថា សភាពការណ៍​នយោបាយ​ចាប់តាំងពី​ឆ្នាំ​២០១៣​មក មានការ​រំជើបរំជួល​ដោយសារ​តែ​គណបក្សប្រឆាំង​ធ្វើ​សកម្មភាព​តវ៉ា​លទ្ធផល​បោះ​ឆ្នោត ។ ប៉ុន្តែ ចាប់ពី​ថ្ងៃ​ទី​២១ ខែកក្កដា ឆ្នាំ​២០១៤ រហូត​មក​ដល់​បច្ចុប្បន្ន ក្រោយ​ពី​មាន​កិច្ចព្រមព្រៀង​នយោបាយ​មក មិន​មាន​បញ្ហា​អ្វី​ដែល​អាច​និយាយ​ថា សភាពការណ៍​នយោបាយ​ក្តៅ​ឬ​ត្រជាក់​នោះ​ទេ គឺ​មាន​ស្ថិរភាព​ជា​ធម្មតា ។ ប៉ុន្តែ​ជា​ការ​កត់សម្គាល់ សភាពការណ៍​ក្តៅ​ឬ​ត្រជាក់ អាស្រ័យ​លើ​មាត់​និយាយ​របស់​បក្ស​ប្រឆាំង​តែ​ប៉ុណ្ណោះ ។

លោក សុខ ឥ​សាន បញ្ជាក់​ថា «​បើ​ចង់​មិន​ចូល​ប្រជុំ​សភា គេ​នាំ​គ្នា​និយាយ​ថា​សភាពការណ៍​ក្តៅ តែបើ​ចូល​ប្រជុំ​សភា គេ​នាំ​គ្នា​និយាយ​ថា សភាព​កាណ៍​ត្រជាក់ ។ ប៉ុន្តែ​ទោះជា​ថា​ក្តៅ ឬ​ត្រជាក់ គឺ​សភាពការណ៍​នៅ​តែ​ដដែល គ្មាន​អ្វី​ចម្លែក​គួរ​ឲ្យ​ចាប់អារម្មណ៍​ឡេ​ី​យ ។ ជីវភាព​សេដ្ឋកិច្ច​-​សង្គម នៅ​ដំណើរការ​ជា​ធម្មតា​»​។

លោក សុខ ឥ​សាន បន្ថែម​ថា នៅ​ពេល​បុណ្យចូលឆ្នាំ​ថ្មី ប្រជាពលរដ្ឋ​រាប់​ម៉ឺន រាប់​សែន​នាក់ និង​អ្នកទេសចរ​បរទេស បាន​ចូលរួម​ក្នុ​ពិធី​អង្គរ​សង្ក្រាន្ត​យ៉ាង​សប្បាយ​រីករាយ ។ ប្រជាជន​ទូ​ទាំង​ប្រទេស បាន​សប្បាយ​រីករាយ​ទទួល​ទេវតាឆ្នាំ​ថ្មី​យ៉ាង​គគ្រឹកគគ្រេង គ្មាន​ភ័យ​ព្រួយ​អ្វី​ឡើយ ។

ជាមួយ​គ្នា​នេះ លោក​ក៏​បាន​លើក​ឡើង​ថា​អ្នក​រកស៊ី អ្នក​ប្រកប​របរ​អាជីវកម្ម​ផ្សេង​ៗ នៅ​តែ​ដំណើរការ​ទៅ​មុខជា​ធម្មតា ។ សិស្ស​នុ​សិស្ស និស្សិត នាំ​គ្នា​ទៅ​សាលា​ជា​ធម្មតា សាលារៀន មិន​បាន​បិទទ្វារ​ឡើយ ។ តាម​ផ្ទះ​ប្រជាជន គ្មានផ្ទះ​ណា​ជីក​លេណដ្ឋាន​ឡើយ ។ លក្ខណៈ​នេះ​បញ្ជាក់​ច្បាស់​ថា ក្នុង​សង្គម​កម្ពុជា​គ្មាន​សភាពការណ៍​ក្តៅ ​ឬ​ត្រជាក់​អ្វី​ទេ គឺ​ធម្មតា ។ ក្តៅ​ឬ​ត្រជាក់ មាន​តែ​ចំពោះ​គណបក្សប្រឆាំងប៉ុណ្ណោះ ។

សូម​រំឭក​ថា ក្រោយ​ពី​ការ​បោះ​ឆ្នោត​ជ្រើសតាំង​តំណាងរាស្ត្រ​ឆ្នាំ​២០១៣ ស្ថានការណ៍នយោបាយ​មាន​ភាព​តានតឹង​ដោយសារ​គណបក្ស​ប្រឆាំង បាន​ប្រកាស​មិន​ទទួលស្គាល់​ការ​ចាញ់ឆ្នោត រហូត​ដល់​ដឹកនាំ​ការ​ធ្វើ​បាតុកម្ម​ពាសពេញ​រាជធានី​ភ្នំពេញ ។ ប៉ុន្តែ​ក្រោយមក កិច្ចព្រមព្រៀង​នយោបាយ​ម​យ​យ​ជាមួយ​គណបក្សកាន់អំណាច ធ្វើ​ឲ្យ​សមាជិក​សភា​គណបក្សប្រឆាំងសម្រេច​ចូល​សភា ។

លោក​កឹ​ម សុខា ទទួលស្គាល់​ថា នៅ​កម្ពុជា​មាន​សន្តិភាពប្រធាន​គណបក្ស​សង្គ្រោះ​ជាតិ លោកកឹ​ម សុខា បាន​ប្រកាស​ទទួលស្គាល់​ថា​នៅ​កម្ពុជា​បច្ចុប្បន្ន​មាន​សន្តិភាព​។
ថ្លែង​ក្នុង​ពិធី​សំណេះសំណាល​ជាមួយ​សកម្មជន​នៅ​សហរដ្ឋអាមេរិក កាលពី​ថ្ងៃ​ទី​២៩ ខែមេសា តាម​វី​ដេ​អូ​ឃ្លី​ប បាន​បញ្ជាក់​ថា «​អ្នកខ្លះ​គេ​ថា​ប្រទេស​កម្ពុជា​មាន​សន្តិភាព​ហើយ ប៉ុន្តែ​យើង​ក៏​មិន​ប្រឆាំង​ដែរ​ថា​មាន​សន្តិភាព ។ ប៉ុន្តែហេតុ​អ្វី​បាន​គណបក្ស​សង្គ្រោះ​ជាតិ​ធ្វើ​បន្ត​ព្រោះថា​អ្នកខ្លះ​សប្បាយ អ្នកខ្លះ​ជាប់គុក ដោយ​អយុត្តិធម៌ ។ នេះ​ហើយ​ប្រជារាស្ត្រ​ខ្មែរ​មានការ​ឈឺចាប់​»​។

លោក​បន្ថែម​ថា អ្នកខ្លះ​ថា​កម្ពុជា​មានការ​អភិវឌ្ឍ យើង​ទទួលស្គាល់​ប៉ុន្តែ​ការ​អភិវឌ្ឍ​នេះ​គេ​ប្រៀបធៀប​នៅ​សម័យ​មុន​សម័យ​សង្គ្រាម​។ ប៉ុន្តែ​ការ​អភិវឌ្ឍ​ប​ច្ចប្ប​ន្ន មិនមែន​ជា​ការ​អភិវឌ្ឍ​ដោយ​ចីរភាព​នោះ​ទេ ។ លោក​ថា គណបក្ស​របស់​លោក​ចង់បាន​ការ​អភិវឌ្ឍ​ដោយ​សមធម៌ និង​ចីរភាព​។

ជាមួយ​គ្នា​នេះ លោក កឹ​ម សុខា បាន​គូសបញ្ជាក់​ផង​ដែរ​ថា មាន​ផ្លូវ​ខ្លះ​គេ​ដើរ​បាន ហើយ​ពាក្យ​ខ្លះ​គេ​និយាយ​បាន សកម្មភាព​ខ្លះ​គេ​ធ្វើ​បាន យើង​ធ្វើ​មិន​បាន ។ សូ​ម្បី​តែ​យើង​ធ្វើ​សមាជ​វិសាមញ្ញ​យើង​ធ្វើ​នៅ​ស្នាក់​ការ​បក្ស ។ កន្លែង​ដែល​យើង​សុំ​ជួល​ធ្វើ គេ​អត់​ឲ្យ​ធ្វើ​ទេ ។

លោក​បាន​លើក​ឡើង​ទៀត​ថា សមាជ យើង​ធ្វើ​នៅ​ស្នាក់​ការ​បក្ស ខាង​សាលា​រាជធានី​គេ​ថា​កុំ​ឲ្យ​ធ្វើ​ដល់​ចិញ្ចើម​ផ្លូវ ។ ប៉ុន្តែ​បើ​យើង​មើល​រោងការ​ខ្លះ​បិទផ្លូវ មួយទៀត​បើ​អ្នកធំ​មាន អំណាច​វិញ​បិទផ្លូវ​ទៀត​។

លោក​បញ្ជាក់​ថា «​ខ្ញុំ​ចង់​បញ្ជាក់​ថា មាន​ផ្លូវ​ខ្លះ​គេ​ធ្វើ​បាន យើង​មិន​បាន មាន​ពាក្យ​ខ្លះ គេ​និយាយ​បាន​យើង​និយាយ​មិន​បាន​ទេ​! សកម្មភាព​ខ្លះ​គេ​ធ្វើ​បាន យើង​មិន​បាន​ទេ​! នេះ​ហើយ គេ​ហៅ​ថា​អយុត្តិធម៌​»​។

ទាក់ទង​នឹង​ការ​លើក​ឡើង​របស់​ប្រធាន​គណបក្ស​សង្គ្រោះ​ជាតិ​នេះ អ្នកនាំពាក្យ គណបក្ស​ប្រជាជន​កម្ពុជា​(CPP) លោក សុខ ឥ​សាន បាន​ថ្លែង​ថា គ្មាន​អ្នក​ណា​ម្នាក់​ហាមឃាត់​លោក កឹ​ម សុខា ប្រធាន​គណបក្ស​សង្គ្រោះ​ជាតិ (CNRP) មិន​ឲ្យ​និយាយ​នៅ​តាម​ទី​សាធារណៈ​នោះ​ទេ គឺ​មនុស្ស​គ្រប់​គ្នា​មាន​សិទ្ធិ​ក្នុង​ការនិយាយ​។

លោក សុខ ឥ​សាន ថ្លែង​ថា «​គួរ​ឲ្យ​ហួសចិត្ត​ណាស់​ដែល​លោក កឹ​ម សុខា ថា​និយាយ​មិន​បាន នៅ​ពេល​ដែល​លោក​កំពុងនិយាយ​បាន ។ មាន​អ្នក​ណា​ហាមឃាត់​លោក​មិន​ឲ្យ​និយាយ គ្មាន​ការ​គំរាមកំហែង​លោក​ទេ លោក​អាច​និយាយ​បាន​ដោយ​សេរី​»​។

លោក​បន្ដ​ទៀត​ថា ជា​ប្រចាំ​ថ្ងៃ លោក កឹ​ម សុខា បាន​ចុះ​ទៅ​តាម​មូលដ្ឋាន​ទូ​ទាំង​ប្រទេស ដោយ​ធ្វើ​សកម្មភាព​នយោបាយ​បាន​ដោយ​សេរី ដោយ​គ្មាន​ការ​ភ័យ​ខ្លាច តែ​លោក​បែរជា​និយាយ​ថា កំពុង​មានការ​ភ័យ​ខ្លាច ។ លោក​ថា នេះ​ហើយ បាន​ហៅ​ថា​ល្បិច​នយោបាយ​លើគោក ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

​នយោបាយ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ