ស្គាល់គ្នាអូនបង1អាទិត្យចាញ់សម្រស់អស់ស្គូពី1គ្រឿង
រាជធានីភ្នំពេញ ៖ បុរសម្នាក់មានទំនាក់ទំនងស្នេហ៍ជាមួយនឹងស្រីស្រស់សោភាម្នាក់ និងបានបង្កើតភាពជិតស្និទ្ធជាមួយគ្នាមិនដឹងយ៉ាងណាយ៉ាងណីខ្លះទេ
រាជធានីភ្នំពេញ ៖ បុរសម្នាក់មានទំនាក់ទំនងស្នេហ៍ជាមួយនឹងស្រីស្រស់សោភាម្នាក់ និងបានបង្កើតភាពជិតស្និទ្ធជាមួយគ្នាមិនដឹងយ៉ាងណាយ៉ាងណីខ្លះទេ
រាជធានីភ្នំពេញ ៖ បុរសម្នាក់មានទំនាក់ទំនងស្នេហ៍ជាមួយនឹងស្រីស្រស់សោភាម្នាក់ និងបានបង្កើតភាពជិតស្និទ្ធជាមួយគ្នាមិនដឹងយ៉ាងណាយ៉ាងណីខ្លះទេ ។ បន្ទាប់មកនាងបានធ្វើដំណើរទៅលេងបុរសនោះដល់បន្ទប់និងស្នាក់នៅទីនោះចំនួន៣យប់ថែមទៀត នាថ្ងៃចូលឆ្នាំទី២។ បន្ទាប់មក ស្ត្រីនោះបានខ្ចីម៉ូតូជិះ ដោយប្រាប់ថាអូនទៅរកទិញម្សៅលាបមុខមួយភ្លែត ។ ឯបុរសនេះមិននឹកស្មានថានាងម្នាក់នេះមានគំនិត អាក្រក់ឡើយ ក៏បានឲ្យខ្ចីហើយស្ត្រីនោះក៏បានយកទៅបាត់រហូតតែម្ដង។ ក្រោយពេលចាញ់បោកស្ត្រីខាងលើ បុរសរូបនេះបានធ្វើដំណើរទៅកាន់ប៉ុស្ដិ៍នគរបាលចោមចៅ ដើម្បីដាក់ពាក្យបណ្ដឹង កាលពីវេលាម៉ោង៣និង១៥នាទីរសៀល ថ្ងៃទី២៧ ខែមេសា ។
បុរសនោះឈ្មោះ ប៊ុន ហ៊ុល អាយុ៣៥ឆ្នាំមុខរបរលក់ដូរ ស្នាក់នៅផ្ទះលេខB39 ផ្លូវលំ ភូមិអង្គ សង្កាត់ចោមចៅ ខណ្ឌពោធិ៍សែនជ័យ។ ចំណែកឯស្ត្រីឆបោកនោះឈ្មោះ ធីតា ហៅត្រងោល អាយុប្រហែលជាង២០ឆ្នាំ មិនដឹងថាស្នាក់នៅទីណាឡើយ បានមកដេកកៀកកើយផ្អែមត្រជាក់បាន៣យប់ ក៏បោកយកម៉ូតូម៉ាកហុងដាស្គូពី ពណ៌ស ពាក់ផ្លាកលេខ ភ្នំពេញ ១CX-៨១២៨ ទៅបាត់ដោយសុវត្ថិភាព ។
បុរសខាងលើឲ្យដឹងថា ខ្លួនបានស្គាល់នារីម្នាក់នោះតាមរយៈទូរស័ព្ទកាលពីថ្ងៃទី១២ ខែមេសា ហើយចាប់តាំងពីបានស្គាល់គ្នាកាលណាមក តែងតែទូរស័ព្ទរកគ្នានិងនិយាយគ្នាលេងជាបន្តបន្ទាប់ ។ ម្យ៉ាងទៀត នាងបានទៅលេងខ្លួនដល់បន្ទប់ ព្រមទាំងស្នាក់នៅទីនោះរយៈពេល៣យប់ទៀតផង ។ លុះនៅថ្ងៃទី១៩ ខែមេសា ស្ត្រីរូបនេះបានខ្ចីម៉ូតូរបស់ខ្លួនជិះដោយប្រាប់ថា ទៅទិញម្សៅលាបមុខមួយភ្លែត ។ មុនដំបូង ខ្លួនមានការស្ទាក់ស្ទើរក្នុងចិត្តមិនចង់ឲ្យដែរ និងបាននិយាយថា នាងថាម្សៅនៅជិតនេះមានដែរ ប៉ុន្តែនាងថាកន្លែងផ្សេងបានល្អ ហើយក៏យកម៉ូតូជិះទៅបាត់រហូតតែម្ដង ។
ប្រភពដដែលបន្តថា ខ្លួនមិនបានដឹងនិងចាប់អារម្មណ៍ថាស្ត្រីម្នាក់នោះគឺជាជើងល្អខាងបោកបែបនេះទេ ទើបត្រូវនាងបោកបាន ហើយក្រោយពីដឹងថាចាញ់បោក ខ្លួនបានតាមរកគ្រប់ទីកន្លែង ប៉ុន្តែមិនបានឃើញឡើយ ហើយក៏មិនបានដឹងថានាងម្នាក់នេះមានទីលំនៅនៅឯណាដែរ ។ ប៉ុន្តែខ្លួនមានរូបថតរបស់នាងម្មាក់នោះ ហើយបន្ទាប់ពីតាមរកមិនឃើញទើបផ្ដិតរូបថតជាច្រើនសន្លឹកកាន់ទៅប៉ុស្ដិ៍នគរបាល ដាក់ពាក្យបណ្ដឹង ។
ប្រសិនបើបងប្អូនណាបានឃើញស្ត្រីដែលមានភិនភាគដូចនៅក្នុងរូបថតនេះ សូមជួយឃាត់ខ្លួនឬក៏ផ្ដល់ដំណឹងមកនគរបាលប៉ុស្ដិ៍ចោមចៅផង ជាពិសេសសូមមានការប្រុងប្រយ័ត្ន កុំឲ្យចាញ់បោកនាងនោះទៀត ៕
ចែករំលែកព័តមាននេះ