យុវតីខ្មែរអ៊ិស្លាមត្រូវចោរប្លន់សម្លា.ប់យកកងដៃនិងទូរស័ព្ទ
រាជធានីភ្នំពេញ ៖ ខណៈឪពុកម្តាយរវល់ទៅលក់សាច់គោអស់ ទុកឲ្យកូនស្រីនៅចាំផ្ទះតែម្នាក់ឯង ត្រូវឃាតករវាយរួចយកក្រមាចងបិទមាត់សម្លា.ប់
រាជធានីភ្នំពេញ ៖ ខណៈឪពុកម្តាយរវល់ទៅលក់សាច់គោអស់ ទុកឲ្យកូនស្រីនៅចាំផ្ទះតែម្នាក់ឯង ត្រូវឃាតករវាយរួចយកក្រមាចងបិទមាត់សម្លាប់ ប្លន់យកកងដៃនិងទូរស័ព្ទដៃត្រូវបានសន្និដ្ឋានថា ជាអំពើប្លន់សម្លាប់ ។
អំពើចោរកម្មដ៏សាហាវនេះ បានបង្កឲ្យមានការភ្ញាក់ផ្អើលឆោឡោឡើងនៅវេលាម៉ោង៧យប់ថ្ងៃទី២៥ មេសា តាមបណ្តោយផ្លូវបេតុងជាប់នឹងមាត់ទន្លេ នៅក្នុងរោងគោ ក្នុងក្រុមទី៦ ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ ។
ជនរងគ្រោះដែលស្លាប់មានឈ្មោះ ម៉ាន ហៅស្រីមុំ អាយុ១៧ឆ្នាំ ជាខ្មែរអ៊ិស្លាម និងជាសិស្សថ្នាក់ទី៩ ស្នាក់នៅក្រុមទី៦ ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ មានឪពុកឈ្មោះ ទូល័ស ម៉ាន អាយុ៤៨ឆ្នាំ អ្នកលក់សាច់គោ និងមានម្តាយឈ្មោះ ធីត ម៉ាន់ អាយុ៤៥ឆ្នាំ ។
តាមប្រភពព័ត៌មានពីឪពុកម្តាយក្មេងស្រីរងគ្រោះបានរៀបរាប់ឱ្យដឹងថា មុនពេលកើតហេតុគាត់ទាំង២នាក់ប្តីប្រពន្ធបានចេញទៅស្ពានទី៦ តាមផ្លូវជាតិលេខ៦ ក្នុងខណ្ឌជ្រោយចង្វារ ដើម្បីលក់សាច់គោ ដោយបានទុកឱ្យកូនស្រីនៅដេកចាំក្នុងរោងដាក់គោតែម្នាក់ឯងមិនបានទៅជាមួយនោះទេ ព្រោះជាប់រវល់រៀនសូត្រ ។ លុះពេលដល់ម៉ោង១២ថ្ងៃត្រង់ថ្ងៃដដែល រូបគាត់ជាឪពុកបានទូរស័ព្ទទៅប្រាប់កូនស្រីថា ទុកលុយចំនួន១លាន៩០ម៉ឺនរៀល ឱ្យថ្លៃម្ចាស់គោឈ្មោះ យឿន ជាអ្នកមកយក ។ រហូតដល់ម៉ោង៣រសៀលម្តាយបានទូរស័ព្ទសួរកូនស្រីរូបនេះ នាងប្រាប់ថាគេមកយកលុយរួចហើយ ។ លុះដល់ម៉ោង៥ល្ងាចម្តាយបានទូរស័ព្ទមក កូនស្រីជាច្រើនដងតែអត់មានអ្នកលើក ។ ពេលនោះម្តាយសង្ស័យកូនស្រីកើតខ្យល់ ក៏បានបបួលប្តីឱ្យត្រឡប់ទៅផ្ទះសំរាកវិញ ។
លុះពេលធ្វើដំណើរមកដល់ផ្ទះវិញនៅវេលាម៉ោង៦និង២០នាទីល្ងាច ឃើញក្នុងរោងស្នាក់នៅងងឹតអត់បើកភ្លើង និងមិនបានចាក់សោទ្វារមុខនោះទេ ធ្វើឲ្យឪពុកសង្ស័យក៏បានឡើងទៅលើរោងសម្រាក ឃើញកូនស្រីដេកផ្កាប់មុខនៅលើពូកក្នុងសំលៀកបំពាក់ធម្មតា តែមានក្រមាពណ៌ខ្មៅចងរុំបិទមាត់ ។ ឪពុករៀបរាប់ទៀតថា ពេលឃើញកូនស្រីដេកក្នុងស្ថានភាពបែបនេះ គាត់បានដាស់កូនតែនាងអត់ភ្ញាក់ ក៏បានលើកកូនផ្ងារហើយស្រាយក្រមាចងបិទមាត់ចេញ ក៏ឃើញមានឈាមហូរចេញពីមាត់ និងមានស្នាមរយះលើផ្ទៃមុខភ្លាមៗនោះទើបដឹងថា កូនស្រីរបស់គាត់បានស្លាប់បាត់ទៅហើយ ។
ប្រភពដដែលបន្តទៀតថា ពេលកើតហេតុអាចចំពេលដែលមេឃកំពុងតែមានភ្លៀងខ្យល់ធ្លាក់យ៉ាងខ្លាំង រហូតដល់ម៉ោងជិត៥ទើបភ្លៀងរាំងវិញ ហើយពេលកើតហេតុអត់មានអ្នកដឹងទេ ។ តាមប្រភពព័ត៌មានបាននិយាយថា មុនពេលកើតហេតុអ្នកជិតខាងឃើញជនរងគ្រោះដើរទៅដូរកំប៉ុងហ្គាសដូចធម្មតា មិនមានអ្នកណាចាប់អារម្មណ៍ទេ រហូតដល់ពេលឪពុកម្តាយត្រឡប់មកពីលក់ដូរវិញ ឃើញកូនស្រីដេកស្លាប់ផ្កាប់មុខលើពូក បាត់កងដៃ និងទូរស័ព្ទដៃមួយគ្រឿង ព្រមទាំងនៅក្នុងផ្ទះមានរើកកាយរបស់របររាយប៉ាយពេញផ្ទះផងដែរ ។
ក្រោយពេលកើតហេតុទើបភ្ញាក់ផ្អើលក្នុងភូមិមកចោមរោមមើលរាប់រយនាក់ និងសមត្ថកិច្ចចុះពិនិត្យនៅកន្លែងកើតហេតុ ក៏ឃើញរបងផ្ទះមានប្រហោង សង្ស័យជនដៃដល់ចេញចូលតាមប្រហោងនោះ រត់គេចខ្លួនបាត់ស្រមោល ។
ជុំវិញករណីខាងលើនេះ សមត្ថកិច្ចសន្និដ្ឋានថា ជាករណីប្លន់យកកងដៃនិងទូរស័ព្ទរួចវាយ សម្លាប់ព្រោះតែជាអ្នកស្គាល់គ្នា ។ សពជនរងគ្រោះត្រូវឪពុកម្តាយសាច់ញាតិបងប្អូនយកទៅធ្វើបុណ្យនៅឯភូមិព្រែកតាណុង ឃុំព្រែកតាណុង ស្រុកកោះសូទិន ខេត្តកំពង់ចាម ទៅតាមប្រពៃណី ៕
ចែករំលែកព័តមាននេះ