ដោយមានការព្រួយបារម្ភចំពោះសភាពការណ៍នៅឧបទ្វីបកូរ៉េ និងការវាយប្រហារនុយក្លេអ៊ែរជាយថាហេតុរបស់ក្រុងព្យុងយ៉ាង អាជ្ញាធរជប៉ុនបានណែនាំដល់ពលរដ្ឋខ្លួនថា មានពេលត្រឹម១០នាទី ដើម្បីរត់ចូលក្នុង
ដោយមានការព្រួយបារម្ភចំពោះសភាពការណ៍នៅឧបទ្វីបកូរ៉េ និងការវាយប្រហារនុយក្លេអ៊ែរជាយថាហេតុរបស់ក្រុងព្យុងយ៉ាង អាជ្ញាធរជប៉ុនបានណែនាំដល់ពលរដ្ឋខ្លួនថា មានពេលត្រឹម១០នាទី ដើម្បីរត់ចូលក្នុងជម្រកក្នុងករណីមានការវាយប្រហារពិតប្រាកដ ។
យោងតាមកាសែតអង់គ្លេស DAILY MAIL ថា អាជ្ញាធរជប៉ុនបានណែនាំដល់ពលរដ្ឋខ្លួនឱ្យរត់ចូលរូងក្រោមដី ឬក្នុងលេណដ្ឋានធ្វើពីបេតុង បើមានការវាយប្រហារដោយអាវុធនុយក្លេអ៊ែរ ។
ម្យ៉ាងវិញទៀត បើតាមអភិបាលក្រុងអូសាកា ជប៉ុន លោកហ៊ីរ៉ូហ្វូមី យូស៊ី មូរ៉ា ថា មីស៊ីលពេលបាញ់មកអាចចាប់ឃើញយឺតនាំឱ្យប្រជាជនមានពេលវេលាតិច ដើម្បីរត់រកជម្រកការពារខ្លួន ។
មុននេះរដ្ឋាភិបាលជប៉ុនបានចេញផ្សាយការណែនាំនានាក្នុងករណីមានការវាយប្រហារជាយថាហេតុរបស់កូរ៉េខាងជើង ។ យោងតាមទីភ្នាក់ងារព័ត៌មានជប៉ុនក្យូដូថា វិធានការទាំងឡាយចេញផ្សាយដោយខុទ្ទកាល័យគណៈរដ្ឋមន្ត្រីជប៉ុន នាយកដ្ឋានការពារប្រឆាំងគ្រោះអគ្គិភ័យ ព្រមទាំងរដ្ឋបាលក្រុងតូក្យូ ៕
ចែករំលែកព័តមាននេះ