ខេត្តក្រចេះ ៖ បុរសម្នាក់ត្រូវបានឃាត់ខ្លួនដោយកម្លាំងអាវុធហត្ថ ខណៈដឹកទំនិញគេចពន្ធនិងបើករថយន្តបំបុ.ករថយន្តសមត្ថកិច្ចព្រមទាំងបុ.កបារ៉ាស់ថែមទៀត ដែលហេតុការណ៍នេះបានកើតឡើង កាលពីល្ងាចថ្ងៃទី៩ វិច្ឆកា ស្ថិតត្រង់ចំណុចភូមិព្រែកតាអាំ ឃុំបុសលាវ ស្រុកចិត្របុរី…
ខេត្តក្រចេះ ៖ បុរសម្នាក់ត្រូវបានឃាត់ខ្លួនដោយកម្លាំងអាវុធហត្ថ ខណៈដឹកទំនិញគេចពន្ធនិងបើករថយន្តបំបុ.ករថយន្តសមត្ថកិច្ចព្រមទាំងបុ.កបារ៉ាស់ថែមទៀត ដែលហេតុការណ៍នេះបានកើតឡើង កាលពីល្ងាចថ្ងៃទី៩ វិច្ឆកា ស្ថិតត្រង់ចំណុចភូមិព្រែកតាអាំ ឃុំបុសលាវ ស្រុកចិត្របុរី ខេត្តក្រចេះ ។
យោងតាមប្រភពព័ត៌មានឱ្យដឹងថា ក្រោយទទួលបានព័ត៌មានស្តីពីករណីដឹកទំនិញគេចពន្ធ កម្លាំងគយចល័តតំបន់៦ រួមសហការកម្លាំងកងរាជអាវុធហត្ថដោយមានការសម្របសម្រួលពីលោក គឺ
ប៊ុណ្ណារ៉ា ព្រះរាជអាជ្ញាសាលាដំបូងខេត្ត ក្នុងការស្ទាក់បង្ក្រាបរថយន្តសង្ស័យមួយ បើកបរដោយឈ្មោះ សាន វ៉ាន់ថៃ ភេទប្រុស អាយុ២៨ឆ្នាំ ជាជនជាតិខ្មែរ មានទីលំនៅក្នុងភូមិតាលុស ឃុំបុសលាវ ស្រុកចិត្របុរី ខេត្តក្រចេះ ។
ប្រភពដដែលបន្តថា គ្រាប្រទះរថយន្តសង្ស័យខាងលើ គយចល័តតំបន់៦បានបញ្ជាឱ្យឈប់ តែរថយន្តសង្ស័យមិនព្រមឈប់ បែរជាបើករថយន្តបំបុកនិងកៀររថយន្តមន្ត្រីគយរហូតធ្លា.ក់ស្នាមភ្លោះ ហើយបន្តបើករថយន្តគេចខណៈនោះ កម្លាំងកងរាជអាវុធហត្ថក៏បានអន្តរាគមន៍បើករថយន្តប្រដេញ និងដាក់បារ៉ាស់ឃាត់ តែរថយន្តសង្ស័យបន្តបើកបំបុកទម្លាយបារ៉ាស់បន្ថែមទៀតរហូតដល់ចំណុចភូមិព្រែកតាអាំ ឃុំបុសលាវ ស្រុកចិត្របុរី ទើបឃាត់ជាប់ ។
ទាក់ទិនករណីខាងលើ ក្រោយកម្លាំងសមត្ថកិច្ចឃាត់រថយន្តសង្ស័យជាប់បានត្រួតពិនិត្យ និងរឹបអូសវត្ថុតាំងរួមមានរថយន្ដ១គ្រឿងម៉ាកហ៊ីយ៉ាន់ដាយ ពណ៌.ស ពាក់ស្លាកលេខក្រចេះ ៣A-១០៥៩ និងទំនិញក្រោមការសង្ស័យអត់ពន្ធនាំចូលចំនួន៨មុខ ទី១-ស្បែកជើងជ័រប្រភេទចម្រុះ ៣៧៦គីឡូក្រាម ទី២-សំបកបេ ចំនួន៥៥ដុំ ទី៣-តង់ ៨៤ គីឡូក្រាម ទី៤-កៅស៊ូផ្លាស្ទិក ៤២០គីឡូក្រាម ទី៥-មីកញ្ចប់ ៥០០កេស ទី៦-ថ្នាំបាញ់ស្មៅ ៥កេសទី៧.ធុងបាញ់ថ្នាំ ២០ធុង និងទី៨-វ៉ាលី ចំនួន៥។
បច្ចុប្បន្ន ជនសង្ស័យត្រូវបានឃាត់ខ្លួននិងសាកសួរនៅមន្ទីរស្រាវជ្រាវ និងបង្ក្រាបបទល្មើស អាវុធហត្ថខេត្ត និងចាត់ការតាមនីតិវិធី ចំណែកវត្ថុតាង ប្រគល់ឲ្យជំនាញគយតំបន់៦ យកទៅរក្សាទុកនៅសាខាគយចល័តតំបន់៦ ស្រុកពញាក្រែក ខេត្តត្បូងឃ្មុំ តាមនីតិវិធី ។
ចែករំលែកព័តមាននេះ