បុរសម្នាក់បាត់បង់ជីវិតភ្លាមៗ ក្រោយជិះម៉ូតូបុ.កសត្វក្របី
ខេត្តព្រះសីហនុ ៖ បុរសម្នាក់បានជិះម៉ូតូបុ.កសត្វក្របី១ក្បាល កំពុងដើរឆ្លងផ្លូវ បណ្តាលឱ្យអ្នក
ខេត្តព្រះសីហនុ ៖ បុរសម្នាក់បានជិះម៉ូតូបុ.កសត្វក្របី១ក្បាល កំពុងដើរឆ្លងផ្លូវ បណ្តាលឱ្យអ្នកបើកបរម៉ូតូបាត់បង់ជីវិតភ្លាមៗនៅនឹងកន្លែងកើតហេតុ ចំណែកសត្វក្របីបានរងរបួស ។
ហេតុការណ៍ខាងលើនេះបានកើតឡើងកាលពីវេលាម៉ោងប្រហែល៣ឈានចូលព្រឹកថ្ងៃទី០៦ ខែវិច្ឆិកា ឆ្នាំ២០២២ តាមបណ្តោយផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៩៩-២០០ ស្ថិតក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
បុរសរងគ្រោះដែលបាត់បង់ជីវិតខាងលើ មិនស្គាល់អត្តសញ្ញាណនោះទេ ជាអ្នកបើកបរម៉ូតូ១គ្រឿងម៉ាក HONGDA DREAM ពណ៌ខ្មៅ គ្មានផ្លាកលេខ
តាមប្រភពព័ត៌មានបានឱ្យដឹងថា នៅមុនពេលកើតហេតុ ជនរងគ្រោះបានជិះម៉ូតូមួយគ្រឿងធ្វើដំណើរក្នុងទិសដៅពីភ្នំពេញ ឆ្ពោះទៅខេត្តព្រះសីហនុ លុះមកដល់ចំណុចកើតហេតុខាងលើ បានបុ.កសត្វក្របី១ក្បាល ដើរឆ្លងផ្លូវ បណ្ដាលឲ្យអ្នកបើកបរម៉ូតូស្លា.ប់ភ្លាមៗនៅកន្លែងកើតហេតុ ។ ចំណែកសត្វក្របីនោះបានរងរបួស។
បច្ចុប្បន្ន ស.ពជនរងគ្រោះ ត្រូវបានកម្លាំងជំនាញនគរបាលស្រុកព្រៃនប់ កំពុងស្រាវជ្រាវរកសាច់ញាតិ ដើម្បីឱ្យមកទទួលយកទៅធ្វើបុណ្យតាមប្រពៃណី ហើយវត្ថុតាងបានរក្សាទុកបណ្ដោះអាសន្ននៅអធិការដ្ឋាននគរបាលស្រុកព្រៃនប់ រីឯសត្វក្របីកំពុងស្វែងរកម្ចាស់ដើម្បីឱ្យមកទទួលខុសត្រូវ ៕
ចែករំលែកព័តមាននេះ