លោក​តា​អាចារ្យ​លង់​ស្នេហ៍ នាង​ខារ៉ាអូ​ខេ​ពេញ​មួយ​រាត្រី បោក​យក​ម៉ូតូ​ទៅ​បាត់​ស្រមោល


ខេត្ត​​ឧត្តរ​មាន​ជ័យ​ ៖ ​លោក​អាចារ្យ​​វត្ត​អូរ​​គគីរ​​កណ្តាល​ម្នាក់​ដែល​​​មាន​សីល​វិន័យ​​ពេញ​ខ្លួន​​​ និង​មាន​ពុទ្ធ​បរិស័ទ​ចំណុះ​ជើង​វត្ត​​គោរព​​គ្រប់​គ្នា​​នោះ​ បែរ​ជា​លប​លួច​មាន​ទំនាក់​ទំនង​ជាមួយ​ស្ត្រី​បម្រើ​ផ្លូវ​​ភេទ​ធ្វើ​ឱ្យ​អាប់​​ឱន​ដល់​កេរ្តិ៍​​ឈ្មោះ​របស់​ខ្លួន​​ ។​ ទោះ​បី​ជា​បែប​ណា​​​នេះ​ជា​រឿង​​បុគ្គល​​ ពុំ​មាន​អ្វី​​​ប៉ះពាល់​​ដល់​ព្រះពុទ្ធ​សាសនា​នោះ​ទេ ។

​លោក​​អាចារ្យ​វត្ត​អូរគគីរ​កណ្តាល​​​​រូប​នេះ​ឈ្មោះ​សូរ ​ក្រឹង ​អាយុ​៦០​ឆ្នាំ ​​មាន​ស្រុក​កំណើត​នៅ​​​ស្រុក​អង្គរ​ជ័យ ​​ខេត្ត​កំពត ​បច្ចុប្បន្ន​​មក​រស់​នៅ​​​ក្នុង​វត្ត​អូរ​គគីរ​កណ្តាល​ ស្ថិត​​ក្នុង​ភូមិ​​​អូរគគីរ​កណ្តាល​ ឃុំ​លំទង ស្រុក​អន្លង់​វែង ។ ​ដោយ​សារ​ការ​រស់នៅ​​ឆ្ងាយ​​​ពី​លំនៅ​​​ឋាន​ឯ​ខេត្ត​កំពត​​​​ ធ្វើ​ឱ្យ​​​លោក​អាចារ្យ​​ធ្លាក់​ក្នុង​អន្លង់​​ស្នេហ៍​ជាមួយ​ស្ត្រី​ម្នាក់​នៅហាង​​ខារ៉ាអូខេ​ម្លប់​ស្វាយ​គោ២ ។

អ្វី​ដែល​​ធ្វើ​ឱ្យ​លោក​អាចារ្យ​​ជួប​នូវ​​បញ្ហា​អាស្រូវ​​កេរ្តិ៍​នោះ​គឺ ​​បន្ទាប់​ពី​បាន​​រួម​រ័ក​ស្នេហា​ជាមួយ​ស្រី​ស្នេហ៍​​​ពេញ​មួយយប់​​​​ លុះ​​ព្រឹក​ថ្ងៃ​ទី​២០ កុម្ភៈ​ ​២០១៣ ស្រី​​កំណាន់​​ចិត្ត​របស់​​​លោក​​អាចារ្យ​​ក៏​បាន​​ខ្ចី​ម៉ូតូ​​​ជិះ​ទៅ​ផ្សារ​​ហើយ​ក៏​​ទៅ​បាត់​ស្រមោល​​​តែម្តង ទើប​លោក​​​អាចារ្យ​​មក​ដាក់​ពាក្យបណ្តឹង​​​នៅ​អធិការ​​ដ្ឋាននគរ​បាល​​​ស្រុក​អន្លង់​វែង​​​ឱ្យ​ជួយ​ធ្វើការ​ស្រាវ​ជ្រាវ​​​​តាម​រក​ម៉ូតូ​របស់​គាត់​​មក​វិញ ។

​លោក​វរសេនីយ៍​ត្រី​ស៊ុយ សេង អធិការ​​នគរ​បាល​​ស្រុក​អន្លង់​វែង​​​ឱ្យដឹង​​ថា លោក​​​អាចារ្យ​​​វត្ត​អូូរគគីរ​​កណ្តាល​ឈ្មោះ​​សូ ក្រឹង​ បាន​ចូល​មក​ដាក់​ពាក្យបណ្តឹង​​​​ពី​ស្រី​ស្នេហ៍​​របស់​គាត់​ឈ្មោះ​​​ដា ជា​ស្រី​​បម្រើ​ផ្លូវ​ភេទ​​​​ថា​ បាន​ឆបោក​​យក​ម៉ូតូ​​​​សេ​​​១២៥ ស៊េរី​២០០៧ ពាក់​ស្លាកលេខ​1A-0907 ពណ៌​ខ្មៅ កាល​​ពី​ថ្ងៃទី​​២០ កុម្ភៈ​ ​២០១៣​កន្លង​ទៅ​នេះ​​​ទៅបាត់ ។ បន្ទាប់​ពី​ទទួល​​ពាក្យ​បណ្តឹង​​​រួច​ សមត្ថកិច្ច​​នគរ​បាល​បាន​ធ្វើការ​ស្រាវ​ជ្រាវ​​​រុក​រក​​​​ តែ​រហូត​មក​ទល់​​ពេល​នេះ​នៅ​ពុំ​ទាន់​​​​ប្រទះ​ឃើញ​នៅឡើយ​ទេ​ ៕   

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ