រាជធានីភ្នំពេញ ៖ វាជារឿងធម្មតាសម្រាប់កុមារ និងមនុស្សពេញវ័យ ដែលជួនកាលកុហក ហើយជារឿយៗមានភាពមិនស្មោះត្រង់ម្តងម្កាល តែវាមិនគួរបង្កឱ្យមានការបារម្ភឡើយ ។ ទោះជាយ៉ាងណាក៏ដោយ នៅពេលដែលការនិយាយកុហកក្លាយជារឿងធម្មតា វាអាចប្រែទៅជាបញ្ហាសំខាន់ ។ បញ្ហាធំមួយគឺថា ប្រសិនបើកូនរបស់អ្នកត្រូវបានគេដឹងថាកុហក នោះអ្នកប្រហែលជាមិនជឿពួកគេនៅពេលពួកគេកំពុងនិយាយការពិត ។ ការបង្រៀនកូនរបស់អ្នកនូវតម្លៃនៃការនិយាយការពិត បង្កើតសារៈសំខាន់នៃទំនួលខុសត្រូវផ្ទាល់ខ្លួន ការជឿទុកចិត្ត និងការយកចិត្តទុកដាក់ ។
ការនិយាយកុហកអាចក្លាយជាទម្លាប់អាក្រក់មួយ នៅពេលដែលក្មេងៗមើលឃើញថា វាជាមធ្យោបាយដ៏មានប្រសិទ្ធភាពមួយដើម្បីគេចចេញពីបញ្ហា ឬគេចចេញពីការទទួលខុសត្រូវ ។ ដូច្នេះ ពេលកូនរបស់អ្នកនិយាយកុហក ចូរនិយាយដោយត្រង់ៗ ហើយហាមកុំឱ្យកើតឡើងម្តងទៀត ។
មានជាយុទ្ធសាស្ត្រ ៦ យ៉ាងដែលរារាំងកុមារពីការនិយាយកុហក ៖
១. និយាយការពិតជាច្បាប់គ្រួសារ ៖ ជាផ្នែកនៃច្បាប់ និងតម្លៃគ្រួសាររបស់អ្នក សូមបង្កើតច្បាប់គ្រួសារច្បាស់លាស់ ដែលសង្កត់ធ្ងន់លើសារៈសំខាន់នៃភាពស្មោះត្រង់ និងការប្រាស្រ័យទាក់ទងដោយស្មោះត្រង់ ។ នេះនឹងធានាថា កូនរបស់អ្នកយល់ថា អ្នកឱ្យតម្លៃលើការពិត ទោះបីជាវាពិបាកក្នុងការប្រាប់ក៏ដោយ ។ និយាយអំពីប្រភេទផ្សេងគ្នានៃការកុហក និងការខូចខាតប្រភេទនីមួយៗ ។ ពន្យល់ពីហេតុផលផ្សេងៗដែលមនុស្សនិយាយកុហក និងមូលហេតុដែលអ្នកចង់បានភាពស្មោះត្រង់ ។
២. តួនាទីគំរូ ភាពស្មោះត្រង់ ៖ ដើរតួជាគំរូអាកប្បកិរិយាដែលអ្នកចង់ឃើញពីកូនរបស់អ្នក មានន័យថា និយាយការពិតគ្រប់ពេលវេលា ។ ដូច្នេះចូរកុំនិយាយកុហកអំពីអាយុរបស់កូនអ្នក ប្រាប់អ្នកដទៃ ព្រោះកូនរបស់អ្នកនឹងធ្វើតាមអ្វីដែលគេមើលអ្នកធ្វើ ។
៣. ពិភាក្សាអំពីផលវិបាក ៖ និយាយជាមួយកូនរបស់អ្នកអំពីផលវិបាកធម្មជាតិនៃការកុហក ។ ពន្យល់ថា ភាពមិនស្មោះត្រង់នឹងធ្វើឱ្យអ្នកពិបាកជឿពួកគេនៅពេលក្រោយ សូម្បីតែនៅពេលពួកគេនិយាយការពិតក៏ដោយ ។ ហើយអ្នកផ្សេងទៀតក៏មិនចូលចិត្ត ឬជឿជាក់លើមនុស្សដែលគេស្គាល់ថា និយាយកុហកដែរ ។
៤. ពង្រឹងភាពស្មោះត្រង់ ៖ ឱ្យកូនរបស់អ្នកនិយាយការពិត និងផ្តល់នូវការពង្រឹងវិជ្ជមាន ។ សរសើរពួកគេដោយនិយាយថា «ប៉ាដឹងថា កូនពិបាកប្រាប់ប៉ាថា កូនធ្វើឱ្យបែកចាន ប៉ុន្តែប៉ារីករាយណាស់ដែលកូនជ្រើសរើសស្មោះត្រង់» ។
៥. បង្កើតទំនុកចិត្ត ៖ ប្រសិនបើកូនរបស់អ្នកមានទម្លាប់អាក្រក់ក្នុងការនិយាយកុហក សូមបង្កើតផែនការដើម្បីជួយពួកគេបង្កើតទំនុកចិត្តឡើងវិញ ។ ជាឧទាហរណ៍ បង្កើតកិច្ចសន្យាអាកប្បកិរិយាដែលភ្ជាប់សិទ្ធិកាន់តែច្រើនទៅនឹងភាពស្មោះត្រង់ ។ នៅពេលដែលពួកគេនិយាយការពិត ពួកគេនឹងកាន់តែខិតទៅជិតមួយជំហាន ដើម្បីទទួលបានសិទ្ធិកាន់តែច្រើនត្រឡប់មកវិញ ។
៦. ស្វែងរកជំនួយពីអ្នកជំនាញ ៖ មានពេលខ្លះដែលការនិយាយកុហកអាចក្លាយជាបញ្ហាធ្ងន់ធ្ងរសម្រាប់កុមារ ។ ប្រសិនបើការកុហករបស់កូនអ្នកហាក់ដូចជាមានរោគសាស្ត្រ ឬវាបង្កបញ្ហាដល់កូនអ្នកនៅសាលារៀន ឬជាមួយមិត្តភ័ក្តិ សូមស្វែងរកជំនួយពីអ្នកជំនាញដើម្បីដោះស្រាយការកុហករបស់ពួកគេ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សម្រាប់វគ្គសិក្សាថ្មី កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសិស្សធំ កម្មវិធីភាសាចិន ចូលរៀនថ្ងៃទី ១ ខែវិច្ឆិកា ឆ្មាំ ២០២២ ។ ចំណែកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះចូលរៀនជារៀងរាល់ថ្ងៃ ។ ការចុះឈ្មោះបុត្រធីតានៅសាលារៀនយើងខ្ញុំ លោកអ្នកនឹងទទួលបានពិន្ទុសន្សំកាន់តែច្រើន ដើម្បីប្តូរយកសម្ភារ ឬទូទាត់ជាមួយនិងសេវាសផ្សេងៗ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ