ខេត្តតាកែវ ៖ ក្រោយមានការផ្លាស់ប្តូរ លោក ស៊ុន ឆាយ មកកាន់ដំណែងជាប្រធានសាខាគយ និងរដ្ឋករខេត្តតាកែវ មានក្រុមអាជីវករជាអ្នករកស៊ីដឹកទំនិញចេញ-ចូលប្រទេសវៀណាម តាមច្រកទ្វាអន្តរជាតិភ្នំដិន ស្រុកគីរីវង់ ខេត្តតាកែវ មិនតិចនាក់នោះទេ កំពុងតែត្អូញត្អែពីតម្លៃពន្ធដែលពួកគាត់ត្រូវបង់មួយគុណនិងពីរ គុណនិង៣ បើប្រៀបធៀបនិងតម្លៃដែលចំណាយពេលមុន ។
![](https://kohsantepheapdaily.com.kh/wp-content/uploads/2022/11/e937008b2e672beae13aa1c278525fd3.jpg)
ស្ត្រីជាអាជីវករម្នាក់សុំមិនបញ្ចេញឈ្មោះប្រាប់កោះសន្តិភាព កាលពីរសៀលថ្ងៃទី៣១ ខែតុលា ឆ្នាំ២០២២ ម្សិលមិញនេះថា ទំនិញប្រភេទសម្ភារប្រើប្រាស់ប្រចាំថ្ងៃ និងសម្ភារផ្ទះបាយ ក្នុងមួយរថយន្តពីមុនគាត់បង់ពន្ធតែ៥លានរៀលទេ (ប្រាំលានរៀល) ។ តែមកដល់ថ្ងៃនេះ គាត់ត្រូវបង់១២លានរៀល (ដប់ពីរលានរៀល) គឺគុណនិង២ គុណនិង៣ឯណោះ ហើយក្រុមអាជីវករផ្សេងៗទៀតដែលដឹកបន្លែ ផ្លែឈើក៏មិនខុសពីគាត់ដែរ ។
![](https://kohsantepheapdaily.com.kh/wp-content/uploads/2022/11/85127ae9ad7d0af4e50c8404b2ab38a7.jpg)
គាត់ថា ពិបាករកស៊ីណាស់ បើដំឡើងថ្លៃម្លឹងៗនោះ ចាប់តាំងពីលោកមេគយថ្មី ស៊ុន ឆាយ មកកាន់ដំណែងនៅខេត្តតាកែវ ។ លោក កែវ ផាន ប្រធានការិយាល័យគយនិងរដ្ឋករច្រកទ្វារអន្តរជាតិភ្នំដិន មិនអាចសុំការបកស្រាយបានទេកាលពីរសៀលថ្ងៃទី៣១ តុលា នេះ ។
![](https://kohsantepheapdaily.com.kh/wp-content/uploads/2022/11/948eed323e986f5abdc750f5c4561bfc.jpg)
ដោយឡែក លោក ស៊ុន ឆាយ ប្រធានសាខាគយនិងរដ្ឋករខេត្តតាកែវបានឲ្យដឹងតាមរយៈការហៅទូរស័ព្ទកាលពីរសៀលថ្ងៃទី៣១ ខែតុលានេះដែរថា ពិតជាមានការដំឡើងតម្លៃយកព័ន្ធពីអ្នករកស៊ីដឹកទំនិញចេញ-ចូលប្រទេសវៀតណាមមែន ព្រោះនេះ ជាគោលការណ៍ប្រមូលព័ន្ធពីអគ្គនាយកដ្ឋានគយ និងរដ្ឋករកម្ពុជា ។
ព័ត៌មានបន្ថែមនឹងមានផ្សាយជូនបន្តលើកាសែតកោះសន្តិភាព ។
![](https://kohsantepheapdaily.com.kh/wp-content/uploads/2022/11/2f178b5b5d09e130b51a2cf7f336f29b.jpg)
![](https://kohsantepheapdaily.com.kh/wp-content/uploads/2022/11/1e363b467fb9efe6629d15037d444e97.jpg)
![](https://kohsantepheapdaily.com.kh/wp-content/uploads/2022/11/c40806cee9a987ae0beeefe1216b0e76.jpg)
ចែករំលែកព័តមាននេះ