ADផ្ទាំងផ្សព្វផ្សាយពាណិជ្ជកម្ម

Picture

ម្ចាស់រថយន្តបើករេចុះរេឡើងពេញផ្លូវល្បឿនលឿនត្រូវសមត្ថកិច្ចកោះហៅមកធ្វើការផាកពិន័យ និងចុះកិច្ចសន្យាហើយ

3 ខែ មុន
  • ភ្នំពេញ

រាជធានី​ភ្នំពេញ ៖ ម្ចាស់​រថយន្ត​ដែល​បើក​រេ​ចុះ​រេ​ឡើង​ពេញ​ផ្លូវ​ល្បឿន​លឿន ត្រូវ​បាន​សមត្ថកិច្ច​កោះហៅ​មក​ធ្វើការ​ផាកពិន័យ ដក​ពិន្ទុ អប់រំ​ណែនាំ និង​ចុះ​កិច្ចសន្យា​ហើយ​។​នេះ​បើ​យោង​តាម​ផេ​ក​ក្រសួង​សាធារណការ និង​ដឹក​ជញ្ជូន​។ យោង​តាម​សេចក្តីរាយការណ៍​របស់​កងកម្លាំង​សមត្ថកិច្ច​នៃ​ក្រុម​ប្រតិបត្តិការ​នគរបាល​ចរាចរណ៍​ផ្លូវ​ល្បឿន​លឿន​ភ្នំពេញ​-​ក្រុងព្រះសីហនុ បានឱ្យ​ដឹង​ថា…

រាជធានី​ភ្នំពេញ ៖ ម្ចាស់​រថយន្ត​ដែល​បើក​រេ​ចុះ​រេ​ឡើង​ពេញ​ផ្លូវ​ល្បឿន​លឿន ត្រូវ​បាន​សមត្ថកិច្ច​កោះហៅ​មក​ធ្វើការ​ផាកពិន័យ ដក​ពិន្ទុ អប់រំ​ណែនាំ និង​ចុះ​កិច្ចសន្យា​ហើយ​។​នេះ​បើ​យោង​តាម​ផេ​ក​ក្រសួង​សាធារណការ និង​ដឹក​ជញ្ជូន​។

Picture

យោង​តាម​សេចក្តីរាយការណ៍​របស់​កងកម្លាំង​សមត្ថកិច្ច​នៃ​ក្រុម​ប្រតិបត្តិការ​នគរបាល​ចរាចរណ៍​ផ្លូវ​ល្បឿន​លឿន​ភ្នំពេញ​-​ក្រុងព្រះសីហនុ បានឱ្យ​ដឹង​ថា ៖ ករណី​ម្ចាស់​រថយន្ត​ម៉ាក Toyota Prius ដែល​បាន​បើកបរ​ប្តូរ​គន្លង​ទៅ​មក រេ​ចុះ​រេ​ឡើង​ពេញ​ផ្លូវ​(​កៀរ​) កាលពី​ថ្ងៃ​ទី​២៧ ខែតុលា ឆ្នាំ​២០២២ កន្លង​ទៅ​ត្រូវ​បាន​កំណត់​អត្តសញ្ញាណ និង​កោះហៅ​មក​ធ្វើការ​ផាកពិន័យ ដក​ពិន្ទុ​ពី​បណ្ណ​បើកបរ​អប់រំ​ណែនាំ និង​ចុះ​កិច្ចសន្យា​រួចរាល់​ហើយ​។

Picture

បុរស​ជា​អ្នកបើកបរ​ផ្ទុយ​ពី​សេចក្តីណែនាំ និង​ច្បាប់​ចរាចរណ៍​រូប​នោះ ត្រូវ​បាន​ផាកពិន័យ និង​ដក​ពិន្ទុ​ពី​បណ្ណ​បើកបរ​ចំនួន​០៤​ពិន្ទុ​លើ​០២​ករណី​រួម​មាន​៖

១.​បើកបរ​ប្តូរ​គន្លង​ទៅ​មក​រេ​ចុះ​រេ​ឡើង​ពេញ​ផ្លូវ
២. បណ្ណ​បើកបរ​ផុត​សុពលភាព​។

ក្រសួង​សាធារណការ និង​ដឹក​ជញ្ជូន សូម​ធ្វើការ​ក្រើនរម្លឹក​ជា​ថ្មី​ម្តងទៀត ចំពោះ​អ្នកបើកបរ​យានយន្ត​គ្រប់​រូប មិន​ថា​លើ​ផ្លូវ​ល្បឿន​លឿន ឬ​ផ្លូវ​ប្រភេទ​ណា​ឡើយ ត្រូវ​តែ​គោរព​ច្បាប់​ចរាចរណ៍​ផ្លូវគោក និង​គោលការណ៍​សុវត្ថិភាព​ក្នុង​ការ​បើកបរ ឱ្យ​បាន​ម៉ឺងម៉ាត់​ជាទី​បំផុត ដើម្បី​ជៀសវាង​គ្រោះថ្នាក់​ចរាចរណ៍ និង​ទទួល​បាន​សុវត្ថិភាព​ក្នុង​ការ​ធ្វើ​ដំណើរ​ទាំងអស់​គ្នា​៕

Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023