ភ្លៀងមួយយប់មួយថ្ងៃ លិចផ្លូវ ៤កន្លែង ប្រវែងជាង ២០០ម៉ែត្រ
- បន្ទាយមានជ័យ
បន្ទាយមានជ័យ៖ ភ្លៀងមួយយប់មួយថ្ងៃ បណ្តាលឱ្យលិចផ្លូវ ៤កន្លែង មានប្រវែងជាង ២០០ម៉ែត្រ ដែលមន្ទីរធនធានទឹក និងឧតុនិយម ខេត្តបន្ទាយមានជ័យ បានសន្យាដាក់លូជាង…
បន្ទាយមានជ័យ៖ ភ្លៀងមួយយប់មួយថ្ងៃ បណ្តាលឱ្យលិចផ្លូវ ៤កន្លែង មានប្រវែងជាង ២០០ម៉ែត្រ ដែលមន្ទីរធនធានទឹក និងឧតុនិយម ខេត្តបន្ទាយមានជ័យ បានសន្យាដាក់លូជាង…
បន្ទាយមានជ័យ៖ ភ្លៀងមួយយប់មួយថ្ងៃ បណ្តាលឱ្យលិចផ្លូវ ៤កន្លែង មានប្រវែងជាង ២០០ម៉ែត្រ ដែលមន្ទីរធនធានទឹក និងឧតុនិយម ខេត្តបន្ទាយមានជ័យ បានសន្យាដាក់លូជាង ១ឆ្នាំហើយ តែមិនទាន់បានធ្វើ។ ដូច្នេះហើយ កំណាត់ផ្លូវ នៅឃុំទួលប្រាសាទ ស្រុកម៉ាឡៃនេះ លិចទឹក មិនតិចជាង ១០ដងទេ។
អភិបាលរងស្រុកម៉ាឡៃ បានប្រាប់ថា ភ្លៀងមួយយប់មួយថ្ងៃ នៅយប់ថ្ងៃទី២៧ ដល់ថ្ងៃទី២៨ ខែតុលា ឆ្នាំ២០២២ បណ្តាលឱ្យទឹកជន់លិចផ្លូវ ៤កន្លែង មានប្រវែង ២២០ម៉ែត្រ រួមមាន៖ ១.ទឹកហូរកាត់ផ្លូវកែងបឹងខ្យងប្រវែង ១០០ម៉ែត្រ ២.លិចផ្លូវប្រវែង ៣០ម៉ែត្រ ជម្រៅជាងកន្លះម៉ែត្រ ៣.ទឹកហូរកាត់ផ្លូវជាង ១០ម៉ែត្រ ៤.ទឹកលិចផ្លូវជម្រៅជិតកន្លះម៉ែត្រ មានប្រវែង ៨០ម៉ែត្រ។
អភិបាលរងស្រុករូបនោះ បានបញ្ជាក់ថា នៅពេលទឹកលិចផ្លូវ កម្លាំងនគរបាល កងរាជអាវុធហត្ថ យោធា និងក្រុមយុវជន បានជួយអន្តរាគមន៍ និងសម្រួលដល់ប្រជាពលរដ្ឋឆ្លងកាត់ មានខ្លះជួយរុញម៉ូតូ ខ្លះទៀត ជួយយកអីវ៉ាន់ រឺបីកូនតូច ដោយចងខ្សែកាន់ សម្រាប់ឆ្លងកាត់ ការពារគ្រោះថ្នាក់ កើតឡើង។
អភិបាលរងស្រុក បានបញ្ជាក់ថា ផ្លូវដែលរងការលិចលង់នេះ នៅ ៤ភូមិ គឺ១.ភូមិបឹងជម្រុក ២.ភូមិស្រឡៅជ្រុំ ៣.ភូមិអូរកេះ និង៤.ភូមិទួលប្រាសាទ ដែលស្ថិតឃុំទួលប្រាសាទ ស្រុកម៉ាឡៃ។
កន្លងមក ប្រធានមន្ទីរធនធានទឹក និងឧតុនិយម ខេត្តបន្ទាយមានជ័យ បានសន្យាដាក់លូរំដោះទឹក រយៈពេលជិត ១ឆ្នាំហើយ។ តែមិនទាន់បានធ្វើ។ នៅពេលនេះ ដើម្បីរំដោះទឹក ត្រូវបានអាជ្ញាធរ កាយផ្តាច់ផ្លូវ ទទឹងជិត ៤ម៉ែត្រ៕ ប៊ុនធឿន
ចែករំលែកព័តមាននេះ