ខេត្តប៉ៃលិន ៖ រហូតមកដល់វេលាម៉ោង៥និង៣០នាទីល្ងាច ថ្ងៃទី២៧ ខែតុលា ឆ្នាំ២០២២ កម្លាំងប៉ុស្តិ៍នគរបាលរដ្ឋបាលស្ទឹងត្រង់ បានទទួលពាក្យបណ្ដឹងពីម្ដាយក្មេងស្រីរងគ្រោះក្នុងករណីរំលោ.ភសេពសន្ទវៈ ទៅលើកូនស្រីរបស់ខ្លួន ដែលជាអនីតិជនអាយុ១៤ឆ្នាំ ដែលករណីនេះ បានកើតនៅចំណុចភ្នំកេះ ស្ថិតក្នុងភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
បើតាមប្រភពព័ត៌មានបានឱ្យដឹងថា ៖ ក្មេងស្រីរងគ្រោះខាងលើមានអាយុ១៤ឆ្នាំ មុខរបរកសិករ (ត្រូវជាកូនចុង) ចំណែកជសង្ស័យឈ្មោះ ហួន ឃ្លី ភេទប្រុស អាយុ៥៣ឆ្នាំ មុខរបរកសិករ (ត្រូវជាឪពុកចុង)។
ប្រភពដដែលបានបញ្ជាក់ថា ដោយមានការបំភ្លឺពីក្មេងស្រីរងគ្រោះថា ឪពុកចុងរបស់ខ្លួនបានចាប់រំលោ.ភនាងតាំងពីអាយុ៩ឆ្នាំ រហូតដល់អាយុអាយុ១៣ឆ្នាំ ខណៈពេលដែលកំពុងធ្វើការនៅប្រទេសថៃ។ លុះពេលត្រឡប់មកស្រុកខ្មែរវិញ បានរយៈពេល៥ខែ ឪពុកចុងរបស់នាងតែងតែមករកចាប់រំលោ.ភនាងជាច្រើនដងទៀត ទើបនាងសម្រេចចិត្តប្រាប់ម្ដាយខ្លួនឱ្យដឹងពីទង្វើរបស់ឪពុកចុង ដែលធ្លាប់មានគំនិតអាក្រក់មកលើរូបនាង ទើបម្ដាយនាងសម្រេចចិត្តដាក់ពាក្យបណ្តឹងទៅសមត្ថកិច្ចឱ្យចាត់តាមផ្លូវច្បាប់តែម្ដង។
បច្ចុប្បន្ន ជនសង្ស័យខាងលើ ត្រូវបាននាំខ្លួនយកមកអធិការដ្ឋាននគរបាលស្រុកសាលាក្រៅ ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ