ADផ្ទាំងផ្សព្វផ្សាយពាណិជ្ជកម្ម

Picture

ពលរដ្ឋ​មួយ​ចំនួន​ត្រឡប់​ទៅ​ផ្ទះ​ហើយ ខណៈ​មួយ​ចំនួន​ធំ​បន្ត​ស្នាក់​នៅ​ទីទួល​សុវត្ថិភាព​(​វី​ដេ​អូ​)

3 ខែ មុន
  • បន្ទាយមានជ័យ

ប្រជាពលរដ្ឋ​ស្នាក់​នៅ​ទីទួល​សុវត្ថិភាព ចំណុច​ផ្លូវ​វាង​ក្រុង​នោះ បាន​ត្រឡប់​ទៅ​លំនៅ​ដ្ឋា​ន​វិញ​ហើយ ក្រោយ​ទឹកជំនន់​បាន​ស្រក​ជិត​១​ម៉ែត្រ បើ​គិត​រហូត​មក​ដល់​

ខេត្តបន្ទាយមានជ័យ ៖ ប្រជាពលរដ្ឋ​ស្នាក់​នៅ​ទីទួល​សុវត្ថិភាព ចំណុច​ផ្លូវ​វាង​ក្រុង​នោះ បាន​ត្រឡប់​ទៅ​លំនៅ​ដ្ឋា​ន​វិញ​ហើយ ក្រោយ​ទឹកជំនន់​បាន​ស្រក​ជិត​១​ម៉ែត្រ បើ​គិត​រហូត​មក​ដល់​ថ្ងៃ​ទី​២៦ ខែតុលា ឆ្នាំ​២០២២​នេះ នៅ​ស្រុក​មង្គល​បូ​រី​។

Picture

លោក រ័​ត្ន ដា​ស៊ី​ណ​ង់ អភិបាលស្រុក​មង្គល​បូ​រី បាន​ប្រាប់​ថា នៅ​ស្រុក​មង្គល​បូ​រី រហូត​ដល់​ថ្ងៃ​ទី​២៦ ខែតុលា ឆ្នាំ​២០២២​នេះ ទឹកជំនន់​បាន​ស្រក​ជិត​១​ម៉ែត្រ ហើយ​ប្រជាពលរដ្ឋ​ដែល​ជម្លៀស​មក​ដាក់​ទីទួល​សុវត្ថិភាព លើ​ដងផ្លូវ​វៀង​ក្រុង ត្រូវ​ត្រឡប់​ទៅ​លំនៅ​ដ្ឋា​ន​វិញ និង​មួយ​ចំនួន​ទៀត​ត្រូវ​បាន​ត្រឡប់​ទៅ​ទីទួល​សុវត្ថិភាព​ចាស់ ដោយសារ​ផ្ទះ​របស់​គាត់​ទឹក​នៅ​មិន​ទាន់​ស្រក​អស់ ជា​ហេតុ​មិន​អាច​ទៅ​រស់នៅ​បាន​។

Picture

លោក​បាន​បញ្ជាក់​ថា កាលពី​ទឹកជំនន់​បាន​ជន់​លិច​នៅ​ដើមខែ​តុលា ឆ្នាំ​២០២២ ស្រុក​មង្គល​បូ​រី រង​ផល​ប៉ះពាល់​ចំនួន​១៣​ឃុំ ស្មើនឹង​១០៥​ភូមិ ដែល​មាន​ប្រជាពលរដ្ឋ​ចំនួន​៥.០០៤​គ្រួសារ ស្មើនឹង​មាន​មនុស្ស​រាយ​ចំនួន​១៩.៤៨៦​នាក់ ក្នុង​នោះ​ស្រី​ចំនួន​១០.៣៣២​នាក់​។ ហើយ​ត្រូវ​បាន​ជម្លៀស​ដាក់​ទីទួល​សុវត្ថិភាព​ចំនួន​២៨១​គ្រួសារ ស្មើនឹង​មនុស្ស​រាយ​ចំនួន​១.១១៥​នាក់ ក្នុង​នោះ​ស្រី​ចំនួន​៥៧៨​នាក់ កុមារ​ចំនួន​១៥៤​នាក់ ខណៈ​ទឹក​ក៏​បាន​លិច​ស្រូវ​ចំនួន​៤.៣១៩​ហិ​កតា លិច​ផ្លូវ​ចំនួន​២៤០​ខ្សែ ដែល​មាន​ប្រវែង​១៧៦.៤០៤​ម៉ែត្រ​។

Picture

លោក រ័​ត្ន ដា​ស៊ី​ណ​ង់ បាន​បញ្ជាក់​ថា ប្រជាពលរដ្ឋ​ដែល​ជម្លៀស​ដាក់​នៅ​ទីទួល​សុវត្ថិភាព​មាន​ចំនួន​២៨១​គ្រួសារ​។ ហើយ​ទឹក​លិច​ជំហាន​ដំបូង ត្រូវ​បាន​ជម្លៀស​ពលរដ្ឋ​ទៅ​ដាក់​ទីទួល​សុវត្ថិភាព​ក្បែរផ្លូវ​វៀង​ក្រុង ស្ថិត​ភូមិ​ព្រែកជីក ឃុំ​បត់​ត្រង់ ស្រុក​មង្គល​បូ​រី ប៉ុន្តែ​ទឹកជំនន់​នៅ​តែ​បន្ត​លិច​ទីទួល​ចាស់ ក៏​ត្រូវ​ជម្លៀស​ពលរដ្ឋ​ទៅ​ដាក់​លើ​ផ្លូវជាតិ​លេខ​៥ ផ្លូវ​កន្លង​ខាងត្បូង លុះ​រហូត​ដល់​ថ្ងៃ​ទី​២៦ ខែតុលា ឆ្នាំ​២០២២​នេះ ដោយ​ស្ថានភាព​ទឹកជំនន់​បាន​ស្រក​ជិត​១​ម៉ែត្រ ទើប​ប្រជាពលរដ្ឋ​មួយ​ចំនួន​បាន​ត្រឡប់​ទៅ​លំនៅ​ដ្ឋា​ន​វិញ ប៉ុន្តែ​ពលរដ្ឋ​មួយ​ចំនួន​ធំ​ទៀត មិន​ទាន់​អាច​ត្រឡប់​ផ្ទះ​វិញ​បាន​ឡើយ ព្រោះថា​ស្ថានភាព​ទឹក​នៅ​មិន​ទាន់​ស្រក​អស់ តែ​ពួក​គាត់​ត្រូវ​បាន​បន្ត​រស់នៅ​ទីទួល​សុវត្ថិភាព​។ ចំណែក​ប្រជាពលរដ្ឋ​ដែល​បាន​ចេញពី​រោង​លើ​ដងផ្លូវ និង​ត្រូវ​រុះរើ​សរោង​ចេញ ដើម្បី​សម្រួល​ចរាចរណ៍​លើ​ដងផ្លូវ​ជាតិ​លេខ​៥ ទៅ​មក​បាន​ទាំង​សងខាង​ធម្មតា​វិញ​៕

Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023