ពេជ្រ សម្បត្តិ ប្រាប់មូលហេតុវ៉ៃមិនសូវបានល្អក្នុងជំនួបទល់នឹងកីឡាករថៃ ផាត់ ថាណា
- ភ្នំពេញ
រាជធានីភ្នំពេញ ៖ អ្នកប្រដាល់ ពេជ្រ សម្បត្តិ ហាក់ធ្វើមិនសូវបានល្អឡើយ បើទោះរូបគេឈ្នះកីឡាករ
រាជធានីភ្នំពេញ ៖ អ្នកប្រដាល់ ពេជ្រ សម្បត្តិ ហាក់ធ្វើមិនសូវបានល្អឡើយ បើទោះរូបគេឈ្នះកីឡាករ
រាជធានីភ្នំពេញ ៖ អ្នកប្រដាល់ ពេជ្រ សម្បត្តិ ហាក់ធ្វើមិនសូវបានល្អឡើយ បើទោះរូបគេឈ្នះកីឡាករថៃផាត់ថាណា ដើម្បីគ្រងខ្សែក្រវាត់ ខារ៉ាបាវ កាលពីយប់ថ្ងៃទី២៣ ខែតុលា ឆ្នាំ២០២២ នៅសង្វៀនបាយ័នស្ទឹងមានជ័យ។ ក្នុងការប្រកួតនោះគេមើលឃើញថា កីឡាករកម្ពុជា ធ្លាក់ស៊ុហ្វខ្លាំងនៅចុងកទី៥ ដែលហាក់ខុសប្លែកកាលប្រកួត មុនៗ។
ត្រង់ចំណុចនេះសិស្សរបស់លោក ពេជ្រ សុផាន់ បាននិយាយថា «ដោយសារតែខ្ញុំដេកអត់សូវលក់បង វាមកពីយើងបារម្ភពេកក៏មិនដឹង ចេះតែគិតអ៊ីចេះគិតអ៊ីចុះអ៊ីចឹងទៅ ពេលខ្លះគិតថាខ្លាចចាញ់គេផង ។ ចំណុចមួយទៀតនោះគឺខ្ញុំមើលឃើញថា ផាត់ថាណា គាត់ធាក់ទប់ខ្ញុំរហូតធ្វើឲ្យខ្ញុំបុកចូលគាត់មិនចុះ និយាយទៅគេដូរក្បាច់វាយខុសមុនច្រើន។ កាលមុនគាត់ឈរវ៉ៃទល់មុខយើង ដល់គាត់ប្ដូរមកចឹងខ្ញុំរាងពិបាកដែរ ព្រោះអីគេខ្ពស់ជាងយើងស្រាប់»។
ទោះបីយ៉ាងណា លទ្ធផលក៏បានប្រកាសមកថា ក្របីព្រៃពេជ្រ សម្បត្តិ ឈ្នះដោយឯកច្ឆន្ទ ហើយ
គេក៏បានសប្បាយចិត្តមកវិញ ព្រមទាំងបានសូមទោសទៅកាន់អ្នកគាំទ្រផងដែរចំពោះចំណុចដែលធ្វើមិនសូវបានល្អនេះ ។ មែនទែនទៅ ចំពោះការហ្វឹកហាត់វិញសិស្សរបស់លោក ពេជ្រ សុផាន់ រូប
នេះបានប្រឹងប្រែងខ្លាំងលើសពីធម្មតាទៅទៀត ប៉ុន្តែដោយសារតែចំណុចខាងលើទើបធ្វើឲ្យខ្លួនហាក់ស្ទើរកម្លាំងស៊ុហ្វ និងវាយមិនសូវបានល្អដូចមុនមុន។
ក្នុងការប្រកួតព្រឹត្តិការណ៍ខាងលើ ពេជ្រ សម្បត្តិ ទទួលបានខ្សែក្រវាត់មួយគ្រឿង និងទឹកប្រាក់ចំនួន៦ពាន់ដុល្លារ អ្នកលេខ២ទទួលបានពានមួយ ទឹកប្រាក់ចំនួន៣៥០០ដុល្លារ លេខ៣ទទួលបានពានមួយ ទឹកប្រាក់ ២០០០ដុល្លារ និងអ្នកលេខ៤ទទួលពានមួយ និងទឹកប្រាក់ ១០០០ដុល្លារផងដែរ ៕
ចែករំលែកព័តមាននេះ