ខេត្តបន្ទាយមានជ័យ ៖ ការប្រណាំងទូកមិត្តភាពចំនួន៩ទូក ចុះណុះ៤៧នាក់ ដើម្បីត្រៀមប្រកួតពិធីប្រណាំងទូកថ្នាក់ខេត្ត បានធ្វើឡើងនៅរសៀលថ្ងៃទី២៤ តុលា ឆ្នាំ២០២២ នៅដងស្ទឹងព្រៈពន្លា ក្រុងសិរីសោភ័ណ…
ខេត្តបន្ទាយមានជ័យ ៖ ការប្រណាំងទូកមិត្តភាពចំនួន៩ទូក ចុះណុះ៤៧នាក់ ដើម្បីត្រៀមប្រកួតពិធីប្រណាំងទូកថ្នាក់ខេត្ត បានធ្វើឡើងនៅរសៀលថ្ងៃទី២៤ តុលា ឆ្នាំ២០២២ នៅដងស្ទឹងព្រៈពន្លា ក្រុងសិរីសោភ័ណ ។
លោក ស្រេង សុផល អភិបាលក្រុងសិរីសោភ័ណបានប្រាប់ថា ការរៀបចំប្រណាំងទូកមិត្តភាពដែលធ្វើឡើងដោយព្រះគ្រូចៅអធិការវត្តព្រៈពន្លាមានចំនួន៩ទូកចំណុះពី៤៧នាក់ដែល ត្រូវបានប្រណាំងជាមិត្តភាពដើម្បីត្រៀមប្រកួតក្នុងពិធីប្រណាំងទូក បណ្តែតប្រទីប និងសំពះព្រៈខែ អកអំបុក ដែលរៀបចំនៅថ្ងៃទី៤ ដល់៥ខែវិច្ឆិកា ឆ្នាំ២០២២ខាងមុខ នៅដងស្ទឹងសិរីសោភ័ណ ក្រោយសាកលវិទ្យាល័យជាតិមានជ័យ ។
លោកបានបញ្ជាក់ថា ការប្រណាំងទូកនៅដងស្ទឹងព្រៈពន្លាចំនួន៩ទូក ជាទូកដែលនៅក្នុងក្រុងសិរីសោភ័ណ ត្រូវបានប្រណាំងជាលក្ខណៈមិត្តភាព និងកំដៅសាច់ដុំ ដើម្បីត្រៀមប្រកួតថ្នាក់ខេត្តខាងមុខ ក្នុងចំណោម២៦ទូកដែលមានចំណុះពី៧៥នាក់ ១.ចំណុះ៧៥នាក់ ចំនួន១ទូក ២.ចំណុះ៧៣នាក់ ចំនួន១ទូក ៣.ចំណុះ៦៩នាក់ ចំនួន១ទូក ៤.ចំណុះ៤៧នាក់ ចំនួន១ទូក ៥.ចំណុះ៤៥នាក់ ១ទូក ៦.ចំណុះ២២នាក់ ១៤ទូក ៧.ចំណុះ៥នាក់ចំនួន៥ទូក ៨.ចំណុះ៣នាក់ មានចំនួន២ទូក ។
លោក ស្រេង សុផល បានបញ្ជាក់ថា ពីធីប្រណាំងទូកត្រូវបានរៀបធ្វើឡើងរយៈ២ថ្ងៃ ចាប់ពីថ្ងៃ
ទី៤ដល់៥ខែវិច្ឆិកា ឆ្នាំ២០២២ នៅដងស្ទឹងក្រោយសាកលវិទ្យាល័យជាតិមានជ័យ និងបណ្តែតប្រទីបពីមន្ទីអង្គភាពពាក់ព័ន្ធនៅដងស្ទឹងព្រៈពន្លាក្បាលស្ពានថ្ម និងសំពះព្រៈខែ អកអំបុក និងស្តង់ពិព័រណ៍ នៅវេទិកាសួនមានជ័យ ខេត្តបន្ទាយមានជ័យហើយសុំអោយមន្ទីជំនាញត្រូវសហការគ្នាជាមួយរដ្ឋបាលខេត្តធ្វើយ៉ាងណាអោយដំណើរការល្អ និងទាក់ទាញភ្ញៀវជាតិ និងអន្តរជាតិចូលមកកំសាន្តអោយបានច្រើន ៕
ចែករំលែកព័តមាននេះ