ខ្សែប្រយុទ្ធក្រុមសេះបង្កង់ Juventus ក្នុងក្របខ័ណ្ឌអីុតាលីស៊េរីAកីឡាករGonzalo Higuainបានលើកឡើងថា ភាពបរាជ័យដ៏ធ្ងន់ធ្ងររបស់ក្រុម Barcelona នៅលើទឹកដីបារាំង ក្នុងការប្រកួតជើង១ ប៉ះជាមួយ
ខ្សែប្រយុទ្ធក្រុមសេះបង្កង់ Juventus ក្នុងក្របខ័ណ្ឌអីុតាលីស៊េរីAកីឡាករGonzalo Higuainបានលើកឡើងថា ភាពបរាជ័យដ៏ធ្ងន់ធ្ងររបស់ក្រុម Barcelona នៅលើទឹកដីបារាំង ក្នុងការប្រកួតជើង១ ប៉ះជាមួយក្រុម Paris SG គឺនឹងមិនអាចកើតឡើងម្តងទៀតទេ សម្រាប់ក្រុមយក្សអេស្ប៉ាញមួយនេះ ។
ជាការក្រើនរំលឹកដល់មិត្តរួមក្រុម កីឡាករHiguain បានប្រាប់ឱ្យប្រុងប្រយ័ត្ននិងព្យាយាមឱ្យអស់ពីសមត្ថភាពដើម្បីតទល់នឹងកូនក្រុមរបស់លោក Luis Enrique ។
ទោះជាយ៉ាងណា Higuain បាននិយាយថា៖ «Barcelona បានជួបប្រវត្តិជូរជត់ម្តងរួចមកហើយនៅទឹកដី Paris ប៉ុន្តែខ្ញុំសង្ស័យថា ពួកគេអាចនឹងភ្លក់រសជាតិនេះម្តងទៀតនៅទឹកដីអីុតាលី»។ ខ្សែប្រយុទ្ធសញ្ជាតិអាហ្សង់ទីនវ័យ២៩ឆ្នាំរូបនេះបានបន្ថែមទាំងមានទំនុកចិត្តថា៖«ខ្ញុំជឿជាក់ថា នេះគឺជារដូវកាលដ៏ល្អមួយ ក្នុងការឈ្នះពាន Champion League ហេតុនេះហើយទើបខ្ញុំចូលលេងក្នុងក្លិបJuventus ។ ម្យ៉ាងទៀត ពួកយើងក៏កំពុងព្យាយាមយកកំណត់ត្រាលើកពានអីុតាលីស៊េរីAឱ្យបាន៦ឆ្នាំជាប់ៗគ្នាផងដែរ រួមទាំងពានអីុតាលីខាប់» ។
សូមបញ្ជាក់ថា ជំនួបរវាងក្រុមJuventus និងក្រុមBarcelonaក្នុងវគ្គ៨ក្រុមចុងក្រោយជើងទី១ នៅថ្ងៃទី១១ មេសា និងជើងទី២ នៅថ្ងៃទី១៩ មេសា ខាងមុខនេះ ៕
ចែករំលែកព័តមាននេះ