ADផ្ទាំងផ្សព្វផ្សាយពាណិជ្ជកម្ម

Picture

តម្លៃ​ប្រេង​នៅ​កម្ពុជា​នឹង​មានការ​ប្រែប្រួល​តាម​តម្លៃ​ប្រេង​ទីផ្សារ​ពិភពលោក​។​ខណៈ​ដែល​តម្លៃ​ប្រេង​ពិភពលោក​អាច​នឹង​កើនឡើង​ដោយសារ​តែ​គោលនយោបាយ​ចិន​សន្សំ​ថាមពល និង​ស្តុក​ប្រេង​ទុក​។​ដូច្នេះ​គេ​រំពឹង​ថា តម្លៃ​ប្រេង​នៅ​កម្ពុជា​នឹង​កើនឡើង​ផង​ដែរ ទៅ​តាម​ភាព​រំជើបរំជួល​នៃ​តម្លៃ​ប្រេង​ក្នុង​ពិភពលោក​។ បើសិនជា​ប្រេង​នៅ​កម្ពុជា​ឡើងថ្លៃ​នោះ​គេ​គិត​ថា វា​នឹង​ធ្វើ​អោយ​តម្លៃ​ទំនិញ​ឡើងថ្លៃ​ផង​ដែរ ដោយ​ដាក់​សម្ពាធ​មក​លើ​អ្នក​ប្រើប្រាស់ ឬ​ប្រជាជន​ពិសេស​អ្នកមាន​ប្រាក់ខែ​ទាប​។​ទោះជា​មានការ​រំពឹង​ថា​ប្រេ ង​នឹង​ឡើងថ្លៃ​ក្តី គោលនយោបាយ​របស់​អា​មេ​រិ​ក…

តម្លៃ​ប្រេង​នៅ​កម្ពុជា​នឹង​មានការ​ប្រែប្រួល​តាម​តម្លៃ​ប្រេង​ទីផ្សារ​ពិភពលោក​។​ខណៈ​ដែល​តម្លៃ​ប្រេង​ពិភពលោក​អាច​នឹង​កើនឡើង​ដោយសារ​តែ​គោលនយោបាយ​ចិន​សន្សំ​ថាមពល និង​ស្តុក​ប្រេង​ទុក​។​ដូច្នេះ​គេ​រំពឹង​ថា តម្លៃ​ប្រេង​នៅ​កម្ពុជា​នឹង​កើនឡើង​ផង​ដែរ ទៅ​តាម​ភាព​រំជើបរំជួល​នៃ​តម្លៃ​ប្រេង​ក្នុង​ពិភពលោក​។

Picture
រូបតំណាង

បើសិនជា​ប្រេង​នៅ​កម្ពុជា​ឡើងថ្លៃ​នោះ​គេ​គិត​ថា វា​នឹង​ធ្វើ​អោយ​តម្លៃ​ទំនិញ​ឡើងថ្លៃ​ផង​ដែរ ដោយ​ដាក់​សម្ពាធ​មក​លើ​អ្នក​ប្រើប្រាស់ ឬ​ប្រជាជន​ពិសេស​អ្នកមាន​ប្រាក់ខែ​ទាប​។​ទោះជា​មានការ​រំពឹង​ថា​ប្រេ ង​នឹង​ឡើងថ្លៃ​ក្តី គោលនយោបាយ​របស់​អា​មេ​រិ​ក បញ្ចេញ​ប្រេង​ស្តុក​នឹង​អាច​ទប់​កំណើន​តម្លៃ​ប្រេង​មិន​អោយ​ឡើងថ្លៃ​ខ្លាំង​។

តម្លៃ​ប្រេងឥន្ធនៈ​នៅ​លើ​ទីផ្សារ​អន្តរជាតិ​អាច​នឹង​មានការ​ប្រែប្រួល​ខ្លួន​ដោយសារ​តែ​ការ​អនុវត្ត​គោលនយោបាយ​របស់​ចិន និង​ក្រុម​ប្រទេស​ផលិត​ប្រេង គឺ​អង្គការ​អូប៉ិច (OPEC) ប៉ុន្តែ​បាន​អា​មេ​រិ​ក​បញ្ចេញ​ប្រេង​បម្រុង​របស់​ខ្លួន​។

Picture
រូបតំណាង

តម្លៃ​ប្រេងឥន្ធនៈ​បាន​កើនឡើង កាលពី​ថ្ងៃ​ពុធ ដោយ​កាត់​បន្ថយ​ការ​ខាតបង់​ពី​វគ្គ​មុន ខណៈ​ដែល​វិនិយោគិន​នៅ​ក្នុង​វិស័យ​ថាមពល​បាន​ជួប​ហា​និ​ភ័​.​យ​ចំ​ពេល​មានការ​កើនឡើង​តម្លៃ​នៅ​តាម​ទីផ្សារ​ភាគហ៊ុន​នានា និង​ដោយសារ​តែ​សញ្ញា​នៃ​តម្រូវការ​ជា​ថ្មី​ពី​ប្រទេស​នាំ​ចូល​ប្រេង​កំពូល​របស់​ពិភពលោក​នៅ​ពេល​នេះ គឺ​ប្រទេស​ចិន​។​នៅ​ពេល​នេះ​ទីផ្សារ​ប្រេងឥន្ធនៈ​កំពុង​តែ​មាន​បញ្ហា​ស្ថេ​រ​ភាព ពីព្រោះ​តែ​ចិន​បាន ប្រកាស​ពី​ការ​អនុវត្ត​គោលនយោបាយ​សន្សំ​សំចៃ​ដោយ​ផ្អាក​ការ​នាំ​ចេញ​ថាមពល នៅ​ក្នុងអំឡុងពេល​រដូវរងារ​មក​ដល់ ដើម្បី​បំពេញតម្រូវការ​នៅ​ក្នុងស្រុក បើ​ទោះបីជា មានការ​ចោទប្រកាន់​ចិន​ថា នេះ​គឺជា​យុទ្ធសាស្ត្រ​មួយ​ដាក់​សម្ពាធ​អឺរ៉ុប​សម្រាប់​រដូវរងា​ខាង​មុខ ស្រប​ពេល​ដែល​ពួក​គេ​ដាក់​ទណ្ឌ​ក​.​ម្ម​លើ​វិស័យ​ថាមពល​រុ​ស្ស៊ី​។

ស្រប​ពេល​ជាមួយ​គ្នា​នេះ ក្រុម​ប្រទេស​សមាជិក​អង្គការ OPEC ក៏​បាន​ប្រកាស​មិន​បង្កើន​ការ​ផលិត​ប្រេង​របស់​ខ្លួន​តាម​ការ​ស្នើ​សុំ​ពី​អា​មេ​រិ​ក​ដែល​ទាមទារ​ឲ្យ​ក្រុម​ប្រទេស​នេះ​ផលិត​ប្រេង​ឆៅ​ឲ្យ​បាន​២ លាន​បារ៉ែល​នៅ​ក្នុង​មួយ​ថ្ងៃ​។

Picture
រូបតំណាង

ដោយសារ​តែ​ចំណុច​នេះ​តម្លៃ​ប្រេង​នៅ​លើ​ទី​ផ្សាយ​ពិភពលោក គឺ​មាន​តម្លៃ ៨៣,៥០ ដុល្លារ​ក្នុង​មួយ​បារ៉ែល កើនឡើង​៦៨ សេន ឬ​០,៨ ភាគរយ​។​នៅ​ខែធ្នូ​ខាង​មុខ​គេ​បាន​ព្យាករណ៍​ថា តម្លៃ​ប្រេង​ឆៅ​នឹង​អាច​ឡើង​ប្រមាណ​ជា​២២ សេន ឫ ០,២ ភាគរយ​បន្ថែម​។ គេ​បាន​ព្យាករណ៍​ថា តម្លៃ​ប្រេងឥន្ធនៈ​អាច​នឹង​បន្ត​ឡើង​រហូត​ដល់​៩០,២៥ ដុល្លារ​ដុល្លារ​ក្នុង​មួយ​បារ៉ែល​។

លោក ស៊ូ​វ​រ៉ូ សា​កា (Suvro Sarkar) អ្នកវិភាគ​ថាមពល នៅ​ធនាគារ DBS Bank ក្នុង​ប្រទេស​សិង្ហ​បុរី​បាន​និយាយ​ប្រាប់​ប្រព័ន្ធ​ផ្សព្វផ្សាយ​មួយ​ថា «​ការ​ស្ទុះ​ងើបឡើង​វិញ​ខ្លះ​នៃ​តម្លៃ​ប្រេងឥន្ធនៈ​នៅ​ពេល​បច្ចុប្បន្ន​នេះ​ទំនងជា​ដោយសារ តែ​អារម្មណ៍​វិជ្ជមាន​បន្ថែម​ទៀត​លើ​ទីផ្សារ​ភាគហ៊ុន និង​ការ​ត្រឡប់​មក​វិញ​នៃ​ហានិភ័យ​លើ​ការ​ជួញដូរ​ជា​ជាង​មូលដ្ឋាន​គ្រឹះ​នៃ​ឧស្សាហកម្ម​»​។

Picture
រូបតំណាង

អាស្រ័យ​ហេតុនេះ ការ​ប្រែប្រួល​នៃ​តម្លៃ​ប្រេងឥន្ធនៈ​មួយ​រយៈ​នេះ ត្រូវ​បាន​គេ​ដឹង​ថា វា​បណ្តាល​មក​ពី​សញ្ញា​នៃ​តម្រូវការ​របស់​ចិន​កំពុង​កើនឡើង​វិញ ហើយ​មិនតែប៉ុណ្ណោះ​ចិន​កំពុង​តែ​ប្រមូល​ទុក​។

ក្រុមហ៊ុន​ចម្រាញ់​ប្រេង​ដ៏​ធំ​របស់​ចិន​ដែល​មានឈ្មោះ​ថា Zhejiang Petrochemical Corp បាន​ទទួល​កូតា​នាំ​ចូល​ប្រេង​ឆៅ​បន្ថែម​សម្រាប់​ឆ្នា​២០២២ នៅ​ក្នុង​បរិមាណ​រហូត​ដល់​១០ លាន​តោន ហើយ​ក្រុមហ៊ុន ChemChina ដែល​គ្រប់គ្រង​ដោយ​រដ្ឋបាល​ចិន​ក៏​បាន​ទទួល​កូតា​បន្ថែម​ការ​នាំ​ចូល​រហូត​ដល់​ចំនួន ៤,២៨ លាន​តោន​នោះ​ស្មើនឹង​ប្រហែល​១០៤ លាន​បារ៉ែល​។

Picture

ក្រុម​អ្នក​សេដ្ឋកិច្ច​ក៏​បាន​វិភាគ​ផង​ដែរ​ថា ការ​សម្រេចចិត្ត​របស់​ក្រុម​ប្រទេស​សមាជិក អង្គការ​OPEC មិន​បង្កើន​ផលិតកម្ម​ប្រេង​ឆៅ​តាម​ការ​ស្នើ​សុំ​ពី​អា​មេ​រិ​ក ក៏​ជា​បច្ច័យ​មួយ ដែល​បាន​រួមចំណែក​នៅ​ក្នុង​ការ​កំណត់​តម្លៃ​ប្រេងឥន្ធនៈ​ឲ្យ​រឹង​មាំ​ផង​ដែរ ប៉ុន្តែ​ទោះបីជា​យ៉ាងណា​ក៏​ដោយ​គោលនយោបាយ​ថាមពល​របស់​លោក ចូ បៃ​ដិ​ន (Joe Biden) ប្រធានាធិបតី​អា​មេ​រិ​ក ដែល​បាន​ប្រកាស​បញ្ចេញ​បរិមាណ​ប្រេង​ឆៅ​ពី​ស្តុក​យុទ្ធសាស្ត្រ​របស់​អា​មេ​រិ​ក​ជា​បច្ច័យ​មួយ​ដែល​នាំ​ឲ្យ​បញ្ហា​តម្លៃ​ប្រេងឥន្ធនៈ​វា​មិនសូវ​កម្រើក​ឡើង​ខ្លាំង​។

តាម​គោលនយោបាយ​របស់​លោក ចូ បៃ​ដិ​ន នៅ​ក្នុង​ខែធ្នូ រដ្ឋបាល​របស់​លោក​គ្រោង​នឹង​បញ្ចេញ​ប្រេង​ឆៅ​មាន​បរិមាណ​រហូត​ដល់​ទៅ​១៥​លាន​បារ៉ែល​ពី​ទុនបម្រុង​របស់​ខ្លួន​នៅ​ក្នុង​ខែតុលា ដែល​ជា​បរិមាណ​ចុង​ក្រោយ​នៃ​ការ​បញ្ចេញ​ប្រេង​បម្រុង​ចំនួន​១៨០ លាន​បារ៉ែល​ដែល​បាន​ប្រកាស​កាលពី​ដើមឆ្នាំ​នេះ ក៏​ជា​បច្ច័យ​មួយ​ជួយ​ទប់ទល់​មិន​អោយ​តម្លៃ​ប្រេង​ឆៅ​ប្រែប្រួល​ខ្លាំង​។

Picture

សរុប​មក​វិញ​ការ​កាត់​បន្ថយ​បរិមាណ​ផលិត​ប្រេង​ឆៅ​របស់​អង្គការ OPEC , ការ​ហ៊ុម​ព័ទ្ធ​របស់​សហភាព​អឺរ៉ុប​លើ​ធនធាន​ប្រេង​រុ​ស្ស៊ី​ក៏​ដូច​ជា បញ្ហា​រិ​ត​ត្បិត​លើ​ថាមពល​របស់​ចិន​នឹង​សង្កត់​ការ​ផ្គត់ផ្គង់​ប្រេង​ឆៅ​នៅ​ក្នុង​ទីផ្សារ​ដ៏​តឹងតែង​មួយ ប៉ុន្តែ​តម្លៃ​នេះ​អាច​ស្ថិត​នៅ​ក្នុង​ស្ថានភាព​ប្រទាញប្រទង់ ដោយសារ​តែ​អន្តរាគមន៍​របស់​អា​មេ​រិ​ក ដូច្នេះ​ហើយ​ទើប​អាច​រក្សា​តម្លៃ​ប្រេង​ឆៅ​នៅ​លើ​ទីផ្សារ​អន្តរជាតិ​មិន​ឲ្យ​កើនឡើង​ខ្លាំង​។

ជាមួយនឹង​បញ្ហា​នេះ​តម្លៃ​ប្រេងឥន្ធនៈ​ដែល​លក់រាយ​នៅ​កម្ពុជា គឺ​មានការ​ប្រែប្រួល​បណ្តើរ​ៗ​ហើយ​នៅ​ក្នុង​ខែធ្នូ តម្លៃ​នេះ​អាច​នឹង​ប្រែប្រួល​ថែម​ទៀត ឬ​ក៏​ដូច​បច្ចុប្បន្ន​អាស្រ័យ​នៅ​លើ​ស្ថានភាព និង​ការ​សម្រេចចិត្ត​របស់ OPEC ចិន និង​អា​មេ​រិ​ក ខណៈ​ដែល​រុ​ស្ស៊ី​លែង​សូវ​មាន​ឥទ្ធិពល​ហើយដោយ​សារ​តែ​អា​មេ​រិ​ក និង​សហភាព​អឺរ៉ុប​កំពុង​តែ​រុញច្រាន​រុ​ស្ស៊ី​ចេញពី​ប្រភព​ផ្គត់ផ្គង់​ថាមពល​ពិភពលោក​៕​អត្ថបទដោយ ៖ ហេង ចេស្តារ

SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023