ក្មួយប្រុសរបស់អតីតមេឃុំថ្មពួកនៅវេលាម៉ោង៨និង១២យប់ថ្ងៃទី២០ខែតុលាឆ្នាំ២០២២ ត្រូវពស់ស្រកាចាស់ចឹក ខណៈពេលកំពុងដើរបិតទ្វារទ្រុងមាន់ នៅឯចម្ការមួយកន្លែងនៅត្រើយម្ខាងនៃស្ទឹងថ្មពួក
បន្ទាយមានជ័យ ៖ ក្មួយប្រុសរបស់អតីតមេឃុំថ្មពួកនៅវេលាម៉ោង៨និង១២យប់ថ្ងៃទី២០ខែតុលាឆ្នាំ២០២២ ត្រូវពស់ស្រកាចាស់ចឹក ខណៈពេលកំពុងដើរបិតទ្វារទ្រុងមាន់ នៅឯចម្ការមួយកន្លែងនៅត្រើយម្ខាងនៃស្ទឹងថ្មពួក ចំណុចគោកចាស់ ស្ថិតក្នុងភូមិអ្នកតា ឃុំថ្មពួក ស្រុកថ្មពួក ខេត្តបន្ទាយមានជ័យ។
ជនរងគ្រោះឈ្មោះ ស្វាង វិចិត្រ ភេទប្រុស អាយុ១៨ឆ្នាំ ភូមិអ្នកតា ឃុំថ្មពួក ស្រុកថ្មពួក។នេះបើតាមលោកដា ឈាន អតីតមេឃុំថ្មពួកអោយដឹងនៅថ្ងៃទី២១ ខែតុលា ឆ្នាំ២០២២ម្សិលមិញ។
លោកបន្តថា ៖ ដោយសារសុខភាពក្មួយប្រុសរឹងមាំផង ហើយមានស្មារតីមិនតក់ស្លុតគេបានវា.យសម្លា.ប់ពស់នោះហើយទាក់ទងមកអ្នកជួយសង្គ្រោះនាំទៅមន្ទីរពេទ្យបង្អែកថ្មពួកទាន់ពេល។ហើយគ្រូពេទ្យក៏ខ្នះខ្នែងជួយ និងមន្ទីរពេទ្យក៏មានថ្នាំព្យាបាលទើបក្មួយប្រុសរបស់គាត់រួចផុតពីសេចក្តីស្លា.ប់។
សូមរំលឹកថា ក្នុងចំណោមស្រុកក្រុងទាំង៩ នៅខេត្តបន្ទាយមានជ័យ មានចំនួនជនរងគ្រោះដោយពស់ពឹសពី៧០ទៅជាង២០០នាក់ក្នុង១ឆ្នាំៗ។ក្នុងនោះនៅស្រុកថ្មពួកមានអត្រាពស់ចឹកច្រើនជាងគេ៕
ចែករំលែកព័តមាននេះ