ខេត្តសៀមរាប ៖ កម្លាំងនគរបាលផ្នែកព្រហ្មទណ្ឌនៃអធិការដ្ឋាននគរបាលក្រុងសៀមរាប ដឹកនាំដោយលោកវរសេនីយ៍ទោ ដា ចំរើន បានឃាត់ខ្លួនជនសង្ស័យចំនួន០៣នាក់ ពាក់ព័ន្ធនិងករណីអំពើលួចមានស្ថានទម្ងន់ ទោស (កាច់សោ.កម៉ូតូ…
ខេត្តសៀមរាប ៖ កម្លាំងនគរបាលផ្នែកព្រហ្មទណ្ឌនៃអធិការដ្ឋាននគរបាលក្រុងសៀមរាប ដឹកនាំដោយលោកវរសេនីយ៍ទោ ដា ចំរើន បានឃាត់ខ្លួនជនសង្ស័យចំនួន០៣នាក់ ពាក់ព័ន្ធនិងករណីអំពើលួចមានស្ថានទម្ងន់ ទោស (កាច់សោ.កម៉ូតូ ) និងហិង្សាដោយចេតទៅលើជនរងគ្រោះ រួចរៀបចំកសាងសំណុំបញ្ជូនទៅកាន់ការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តសៀមរាបចាត់ការបន្ត ។
បើតាមប្រសាសន៍របស់លោកវរសេនីយ៍ទោ ដា ចំរើន អធិការនគរបាលក្រុងសៀមរាបបានប្រាប់ភ្នាក់ងារកោះសន្តិភាព កាលពីរសៀល ថ្ងៃទី២២ តុលា នេះថា ដោយយោងតាមពាក្យបណ្តឹងរបស់ជនរងគ្រោះចំនួន២ ករណីមានករណីអំពើលួចម៉ូតូ បង្កឡើងដោយជនសង្ស័យឈ្មោះ សារឿន សំណាង ហៅជា ហៅរ៉ាន់ សល់ ហៅស្បែក បានធ្វើសកម្មភាពលួចម៉ូតូម៉ាកហុងដាឌ្រីម ស៊េរីឆ្នាំ២០០៨ ពណ៌ខ្មៅ បិទតែមប្រិ៍ស៊េរីឆ្នាំ២០២១ ពាក់ផ្លាកលេខភ្នំពេញ១AC-៥០៨១ លេខតួ,លេខម៉ាស៊ីន៨៣៤៦៥២៩ របស់ជនរងគ្រោះឈ្មោះ គ.ម ភេទ ប្រុស អាយុ១៨ឆ្នាំ ស្នាក់នៅភូមិកើតហេតុ រួចគេចខ្លួន រហូតដល់ថ្ងៃទី១៨ ខែតុលា ឆ្នាំ២០២២ ជនសង្ស័យត្រូវបានសមត្ថកិច្ចយើងឃាត់ខ្លួនបាន រួមទាំងវត្ថុតាង (ម៉ូតូ) ១គ្រឿង ហើយយកមកសួរនាំ ក្រោយពីសួរនាំជនសង្ស័យបានឆ្លើយសារភាពថា ខ្លួនពិតជាបានលួចម៉ូតូខាងលើពិតមែន និង បានលួចកាបូបប្រាក់ និងកុំព្យូទ័រ របស់ប្រជាពលរដ្ឋ ព្រមទាំងធ្វើសកម្មភាពជាមួយបក្ខពួកឈ្មោះ សៀប កុសល ហៅ តឿ និង ឈ្មោះ ភន់ សុផល កាច់កលួចយកម៉ូតូក្នុងក្រុងសៀមរាប និង នៅ ស្រុកសូទ្រនិគម កាលពីកន្លងទៅពេលថ្មីៗនេះ ។
លោកបានបន្ថែមទៀតថា បន្ទាប់ មកយើងបាននាំខ្លួនជនសង្ស័យឈ្មោះ ភន់ សុផល និង ឈ្មោះសៀប កុសល ហៅ តឿ យកមកសួរនាំ ក្រោយពីសួរនាំជនសង្ស័យ-ឈ្មោះ ភន់ សុផល បានឆ្លើយថា ខ្លួនពិតជាបានលួចកាច់សោ ក ម៉ូតូ ក្នុងក្រុងសៀមរាប ជាមួយបក្ខពួកឈ្មោះ សៀប កុសល ហៅ តឿ និងឈ្មោះ សារឿន សំណាង ហៅ ជា ហៅ រាន់ សល់ ហៅ ស្បែក ចំណែកសោរកែច្នៃគឺរូបខ្លួនទិញពីមនុស្សប្រុសម្នាក់ មិនស្គាល់ឈ្មោះ។
ចំណែកឈ្មោះ សៀប កុសល ហៅតឿ បានឆ្លើយសារភាពថាៈខ្លួនពិត ជាបានចូលរួមកាច់សោក លួចយកម៉ូតូ ដោយខ្ល្លួនជាអ្នកមើលផ្លូវ ។ បានឃាត់ខ្លួនជនសង្ស័យចំនួន ០៣នាក់ ក្នុងនោះ មានះ ០១- ឈ្មោះ សារឿន សំណាង ហៅ ជា ហៅ រ៉ាន់ សល់ ហៅស្បែក ភេទ ប្រុស អាយុ១៧ឆ្នាំ មុខរបរមិនពិតប្រាកដ មែន ដែលមានស្រុក កំណើត នៅខេត្តស្វាយរៀង ទីលំ នៅបច្ចុប្បន្នមិនច្បាស់លាស់ ។ ០២-ឈ្មោះ សៀប កុសល ហៅ តឿ ភេទប្រុស អាយុ១៨ឆ្នាំមុខរបរមិនពិតប្រាកដ មានស្រុកកំណើត និងទីលំនៅបច្ចុប្បន្ននៅភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប។ ៣-សុផល ភេទ ប្រុស អាយុ២២ឆ្នាំ មុខរបរមិនពិត ប្រាកដ មានស្រុកកំណើត និងទីលំ នៅបច្ចុប្បន្ននៅភូមិត្រាង ឃុំកណ្តែក ស្រុកប្រាសទបាគង ខេត្តសៀមរាប ។គួរបញ្ជាក់ផងដែរថា ជនសង្ស័យដែលបានធ្វើសកម្មភាព លួចកាច់សោរកម៉ូតូ និង លួចកាបូបប្រាក់ និងកុំព្យូទ័រ របស់ប្រជាពលរដ្ឋ បានកើតឡើងនៅថ្ងៃទី១៦ ខែតុលា ឆ្នាំ ២០២២ វេលាម៉ោង ០៨និ ង០០នាទីព្រឹក ស្ថិតនៅចំណុចក្បែរបន្ទប់ជួលក្នុងភូមិវិហារចិន សង្កាត់ស្វាយដង្គំ ក្រុង/ខេត្តសៀមរាប។
លោកបានបញ្ជាក់ទៀតថា ជនសង្ស័យទាំង៣ខាងលើ បានឆ្លើយសារភាពទៀតថា កាលពីថ្ងៃទី ១៧ ខែតុលា ឆ្នាំ២០២២ វេលាម៉ោង ០៣និង០០នាទីរសៀល ស្ថិតនៅចំណុចទីតាំងទទួលផ្ញើម៉ូតូក្បែរមន្ទីរ ពេទ្យកុមារគន្ធបុប្ផា ស្ថិតក្នុងភូមិសាលាកន្សែង សង្កាត់ស្វាយដង្គំ ខេត្តសៀមរាប ជនសង្ស័យទាំងបី នាក់ បានវាយតប់ទៅលើសន្តិសុខជាអ្នកយាមម៉ូតូ ខណៈពេលដែលជនសង្ស័យទៅរកម៉ូតូដែលខ្លួនលួចបាន យកទៅផ្ញើនឹងកន្លែងផ្ញើម៉ូតូ បែរជាមិនឃើញ ។
ក្រោយឃាត់ខ្លួនបានជនសង្ស័យទាំងបីនាក់ខាងលើ កម្លាំងនគរបាលជំនាញ យើង បានដកហូតវត្ថុតាងរួមមានះ ម៉ូតូចំនួន០១គ្រឿង ។ បន្ទាប់មកកម្លាំង-យើងបានធ្វើតេស្តស្វែងរកសារធាតុញៀនលើជន សង្ស័យទាំងបី នាក់ ខាងលើ ប៉ុន្តែលទ្ធផល អវិជ្ជមាន ។
បច្ចុប្បន្ន ជនសង្ស័យទាំង០៣ នាក់ ខាងលើ ត្រូវបានកម្លាំងនគរបាលការិយាល័យជំនាញបញ្ជូនទៅកាន់សាលាដំបូងខេត្តសៀមរាប ដើម្បីចាត់ការបន្តតាមនីតិវិធីច្បាប់ ។ចំណែក វត្ថុតាង ដែលចាប់ដកហូតបានម៉ូតូ និង សម្ភារៈកាបូបលុយ និង កុងព្យួទ័រពីជនសង្ស័យ ប្រគល់ជូនម្ចាស់ដើមវិញ អស់ហើយ។ រីឯបក្សពួកដែលបានរត់គេចខ្លួន កម្លាំងយើងកំពុងស្រាវជ្រាវបន្ត ដើម្បីយកមកផ្តន្ទាទោសទៅតាមផ្លូវច្បាប់៕
ចែករំលែកព័តមាននេះ