ខេត្តកំពត ៖ ឯកឧត្តមម៉ៅ ធនិន អភិបាលខេត្តកំពត អមដំណើរលោកអភិបាលរងខេត្ត លោកអភិបាលស្រុកទឹកឈូ និងលោកអភិបាលក្រុងកំពត រួមលោកប្រធានមន្ទីរនានាជុំវិញខេត្តកំពត កាលពីព្រឹកថ្ងៃទី21…
ខេត្តកំពត ៖ ឯកឧត្តមម៉ៅ ធនិន អភិបាលខេត្តកំពត អមដំណើរលោកអភិបាលរងខេត្ត លោកអភិបាលស្រុកទឹកឈូ និងលោកអភិបាលក្រុងកំពត រួមលោកប្រធានមន្ទីរនានាជុំវិញខេត្តកំពត កាលពីព្រឹកថ្ងៃទី21 តុលា ឆ្នាំ2022 បានចុះពិនិត្យមើលទីតាំងប្រណាំងទូកនៅតាមបណ្ដោយព្រែកកំពង់បាយ ស្ថិតក្នុងភូមិសាស្ត្រក្រុងកំពតចាប់ពីជញ្ជាំងផ្ទះលោកស្នងការ រហូតដល់ទីស្នាក់ការកងទ័ពជើងទឹក ប្រចាំទិសកំពតកែប ដោយស្ថិតនៅចំណុចកោះស្មៅ ក្នុងដីស្រុកទឹកឈូមួយផ្នែក ។
ឯកឧត្តមម៉ៅ ធនិន អភិបាលខេត្តកំពតមានប្រសាសន៍ថា តាមបណ្ដោយព្រែកកំពតនេះ យើងទើបតែរៀបចំបង្កើតឆ្នេរខ្សាច់ថ្មីមានប្រវែងជាប់២ពាន់ម៉ែត្រ។ ប៉ុន្តែការរៀបចំប្រណាំងទូក សម្រាប់ការប្រណាំងយើងយកតែ
៨០០ម៉ែត្រតែប៉ុណ្ណោះ សម្រាប់ធ្វើការប្រណាំងមកដល់វេទិកា និងប្រវែង៣០០ម៉ែត្រទៀត ទុកអោយគណៈ
កម្មការពិនិត្យមើលទូកប្រណាំង ។
ឯកឧត្តមម៉ៅ ធនិន អភិបាលខេត្តបានជំរុញអោយលោកអភិបាលរងខេត្ត និងស្រុក ក្រុង ដែលមានភារកិច្ចទទួលខុសត្រូវតាមគោលដៅនៅទីតាំប្រណាំងទូករួមទាំងកងកំលាំងផងដែរ ជួយសម្រួលដល់ភ្ញៀវជាតិ និងអន្តរជាតិដែលគាត់មកកម្សាន្តក្នុងពិធីបុណ្យអុំទូកនេះ ។
ឯកឧត្តមម៉ៅ ធនិន មានប្រសាសន៍ថា កន្លែងដែលយើងរៀបចំប្រណាំងទូកនេះ ជាកន្លែងឆ្នេរខ្សាច់ថ្មីមិនធ្លាប់មានពីមុន ។ លោកអភិបាលខេត្តមានប្រសាសន៍ថា មន្ត្រីទាំងអស់ត្រូវតែចូលរួមលើកស្ទួយខេត្តស្រុករបស់យើងដែលបានរៀបចំប្រណាំងទូក ។ ឯកឧត្តមអភិបាលខេត្តកំពតមានប្រសាសន៍ថា យើងមានគម្រោងមួយទៀត គឺស្ដាឃ្លងសមុទ្រមួយដែលមានទទឹង៦០០ម៉ែត្រ ងាយស្រួលអ្នកទេសចរណ៍មកកម្សាន្តនៅខេត្តកំពតចង់ទៅមើលសមុទ្រក៏បាន ។
ចែករំលែកព័តមាននេះ